تصرفات زوجتي ترغمني على عدم حبها - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
قديم 26-01-2009, 02:30 PM
  #1
المجازف
عضو جديد
تاريخ التسجيل: Nov 2003
المشاركات: 49
المجازف غير متصل  
تصرفات زوجتي ترغمني على عدم حبها



انا متزوج من اربع سنوات ولدينا طفل


مشكلتي بدأت من اول اسبوع في الزواج تخيلوا ..


مشكلة زوجتي يا احبتي انها نكدية وتتذمر من كل شي وتنعفس نفسيتها فوق تحت لاسباب تافهه

يعني مثلا لو صار فيه شغل زيادة في البيت غسيل ملابس تنظيف تلاقيها على طول متذمره كل الوقت وتمشي وهي تردد كلمة اوففف اووووف يا ربي وش الحياة تقرف ... وتردد احس كل الناس مبسووطين في حياتهم الا انا انا من انولدت والشقى مكتوووب علي ومن هالكلام اللي يضيق الصدر

واذا قلت لها يا بنت الحلال انتي وشفيك كل الحريم كذا وهذي مسئولياتك المفروض تسوينها بشكل طبيعي قالت ما فيه احد يحس فيني انت ما تقدر ولا تحس فيني نفسي بس لو مره تجرب الضغط الي علي !!!!!!!!!!!!

تبي دايم رايها يمشي ولو مشيت رايي احيانا ترفع صوتها في النقاااش انا ما ادري هي بس اللي كذا ولا كل حريم هالوقت كذا ؟؟؟؟؟؟؟؟؟

طبعا الفترة الاخيرة كثرت المشاكل والزعلات بيننا انا بيني وبينها مساااااااااااااااحة كبيرة فاضيه من التفاهم والانسجام الحوار بيننا اشبه ما يكون بالمعدوم مع انها تحبني ولكن نفسها خايسه كثير ودايم ما عندها ثقة بنفسسها انا من اول ما اخذتها ما حبيتها والله يا جماعة الخير حاولت احبها بس هي ما تساعدني على هالشي دايما منكده علي ومكهربة الجو في البيت ...

تصرفات كثيرة منها ما احبها حاولت امنعها بس فيها تعنت عجيب اضرب لكم امثله ...


تكلم اهلها (( يوميا )) اكثر من مرتين الى ثلاث مرات مع اننا في منطقة تبعد عن اهلها 200 كلم وتسالهم عن ادق تفاصيل يومهم من جاكم من رحتوا له وش عشاكم فلانه وش تسوي فلان ما كلمكم


مثال اخر لتصرف لا يعجبني

لما اطلع مع ربعي او اسافر

في الساعه تدق على 3 مرات وترسل خمس مسجات وينك مطول متى تجي الولد ازعجني من اليوم يبكي ما قدرت اشتغل ما قدرت اصلي منه


طلباتها كثيرة كل شوي وانا طالع جايني مسج جب كذا وكذا


يا جماعة الخير


انا كنت اسمع ان الزواج سكن للرجل وراحة واستقرار للنفسية


وانا الان اقول لا والف لا
الزواج محرقة النفس


والله وانا عزوبي مرتاااحة نفسيتي الف مرررررررررررررررررررررررررررررررررررره اكثر من بعد الزواج


شوركم يا جماعة الخير انا ضربت لكم امثله باسلوب بسيط عشان مشكلتي توصل لكم بدون تكلف

انا والله فكرت اتزوج ثانية وارتاح من العله اللي عندي واحيان اقول امسك مجنونك لا يجيك اجن منه

واحيان اقول اطلفها واريح راسي بس المشكله في ولد ماله ذنب


ريحووووووووووووني الله يريحكم


عفواً تم تعديل العنوان ليتضح المضمون
الإشراف

التعديل الأخير تم بواسطة cutiepie ; 26-01-2009 الساعة 08:59 PM
قديم 26-01-2009, 02:53 PM
  #2
Mr.Ordinary
عضو نشيط جدا
 الصورة الرمزية Mr.Ordinary
تاريخ التسجيل: Jan 2009
المشاركات: 264
Mr.Ordinary غير متصل  
عليكم بتغيير الجو...سفرة مع بعض وفترة اعادة لشهر العسل تتعرفون على بعض من جديد والله يكتبلكم الخير.
__________________
[gdwl][gdwl]نفسي الَتي تملك الأشياء ذاهبة.......فكيف أبكي على شيء كان قد ذهب[/gdwl][/gdwl]
قديم 26-01-2009, 02:56 PM
  #3
توته وزوجها
موقوف
تاريخ التسجيل: Jun 2008
المشاركات: 1,068
توته وزوجها غير متصل  
والله ياخوي مدري ايش اقوووول

ليه ماتجيب خدامه وتريح بالك هذا اذا كانت ميزانيتك تسمح طبعا

انا اذا كانت ماتسمح اجلس معها بهدوء وقول لها يافلانه ياحبيبة قلبي انا صرت ما احب اجلس في البيت والسبب انتي واعطي لها الاشياء اللي تضايق بهدوء واول ماتخلص كلامك قبله طبيعيه ومعاها همسه انا احبك

وان شاء الله تريحك
قديم 26-01-2009, 03:02 PM
  #4
المجازف
عضو جديد
تاريخ التسجيل: Nov 2003
المشاركات: 49
المجازف غير متصل  
اقتباس:
المشاركة الأصلية كتبت بواسطة توته وزوجها مشاهدة المشاركة
والله ياخوي مدري ايش اقوووول

ليه ماتجيب خدامه وتريح بالك هذا اذا كانت ميزانيتك تسمح طبعا

انا اذا كانت ماتسمح اجلس معها بهدوء وقول لها يافلانه ياحبيبة قلبي انا صرت ما احب اجلس في البيت والسبب انتي واعطي لها الاشياء اللي تضايق بهدوء واول ماتخلص كلامك قبله طبيعيه ومعاها همسه انا احبك

وان شاء الله تريحك


والله ياخيتي وما حلفتيني

اني جايب شغاله وانا ساكن مع اهلي ولي شقة في الدور العلوي وقلت لها جيب الشغاله تنظف وتغسل ورفضت تقول لا الشغاله مو لي الشغاله لا هللك لو اجيبها يمكن يقولون انها اخذتها لان زوجها جايبها وتصير شاكل قلت يابنت الناس بأي منطق تتكلمين قالت شغلي بسويه مو ضارني وترجع تشتغل ونرجع على طير ياللي
وكلمتها والله كثير عن هالاشياء بس لا يوجد اي تغيير والله تعبت انااا مررره
قديم 26-01-2009, 03:13 PM
  #5
99soso99
عضو جديد
تاريخ التسجيل: Jan 2009
المشاركات: 47
99soso99 غير متصل  
حاول تتفاهم معاها بهدؤ صارحها وبعدين فكر بولدك قبل لاتبدا باي خطوة مثل الزواج او الطلاق والله يهدي سركم ان شاء الله
__________________
((بسوي مثل ما اشوفك تسوي وافعل افعالك))
قديم 26-01-2009, 03:21 PM
  #6
(ام عبدالله )
عضو مميز و مثالي
تاريخ التسجيل: Dec 2005
المشاركات: 2,354
(ام عبدالله ) غير متصل  
والله رأيي اخي انك ممكن تطبعلها موضوعك... وتقول انو قرأتو بالنت على واحد كاتب عن مرتو وانك حاسس نفس الاحساس
وكمان انت ممكن متل ما قالو الاخوات اذا بتقدر تجيبلها خدامة تساعدها بشغل البيت
والله احيانا انا بصير احكي مع حالي من كتر الشغل
يعني راعيها وحط حالك محلها والله يصلحها
ولا تقول اتجوز غيرها... ممكن غيرها ما تطلع احسن منها وتكون ببلوة تصير بتنتين
__________________
قديم 26-01-2009, 03:24 PM
  #7
المجازف
عضو جديد
تاريخ التسجيل: Nov 2003
المشاركات: 49
المجازف غير متصل  
يا جماعة الخير

والاخوان والاخوات اللي يقولون تكلم معاها


انا تكلمت كثير وكثير وللاسف صار اذا تكلمت تصير مشكله اسلوب الحوار عندها معدوم

يعني مثلا اذا قلت لها عن الملاحظات اللي ما احبها فيها تقول لي خلاص انا اصلا راح التزم الصمت ما راح اتكلم ابدا خلاص باخذ على نفسي عهد اني ما اتكلم واصير معاك رسمية لابعد حد

قلت يعني يا كذا يا كذا ما فيه وسطيه عندك قالت هذا احسن شي


وبالاخير ترجع زي ما كانت


يا جماعه والله تعبت تعبت كثير


المشكله هي تشوف نفسها مظلومه وانا ما ادري مين صار فينا المظلوم انا ولا هي




يا اخوان اعطوني حل او راي


اي واحد يدخل هنا لا يطلع الا مشارك برايه لانه يهمني
قديم 26-01-2009, 03:34 PM
  #8
عشق عبادي
كبار شخصيات المنتدى
 الصورة الرمزية عشق عبادي
تاريخ التسجيل: Oct 2003
المشاركات: 5,194
عشق عبادي غير متصل  
ما في حل إلا جلسة مصارحة

تجلس معاها و تعطيها رايك فيها بكل و ضوح

قلها لما أجي للبيت ابي كذا و كذا..

و أبي زوجة تضحك لي و مهيئة لي الجو من جميع النواحي

وش رايك تقدرين على كذا ؟

إذا ماتقدر عطها الحلول إللي عندك


بعدين أنت تقول إنها حاسة نفسها مظلومة .. يمكن صحيح ! مو تقول إنك مو قادر تحبها ؟ يعني أسلوبك معها مو اسلوب زوج يحب زوجته و هذا شي غصب عنك طبعا و يمكن هذا إللي مخليها دايما معصبة



الله يهدي بالكم و ييسر أموركم و يفرج همكم
__________________
اللهم ارحم أخي رحمة واسعة و أجعل قبره روضة من رياض الجنة



التعديل الأخير تم بواسطة عشق عبادي ; 26-01-2009 الساعة 03:41 PM
قديم 26-01-2009, 03:37 PM
  #9
رواء الإيمان
عضو مميز
 الصورة الرمزية رواء الإيمان
تاريخ التسجيل: Mar 2007
المشاركات: 1,467
رواء الإيمان غير متصل  
زوجة اخوي كذا الله يهديها

بس والله صبر عليها سنين ونفسيته صارت مثلها

والغلط أنه صبر وسكت بدون وضع حل صارم من البداية

اخوي المجازف
زوجتك فيها ميزة حلوة أنها مهتمة وماتحب ترمي مسؤليتها على أحد وهذا شي حلو
هي محتاجه دعم نفسي وثقة بنفسها
حاول توعيها وحطها أمام الأمر الواقع وصارحها بنفس اللي صارحتنا فيه وقولها مشاعري مو ملكي أخاف يجيني يوم وأهرب منك لزوجة أخرى تعيشني في هدوء وابتسامة دائمة ..
هي لازم تفهم وتعرف هالشيء وتعرف إنك مطمع لأمرأة أخرى لكي تحافظ عليك وعلى نفسيتك

ولكن احذر أن تستخدم اسلوب التهديد والتحطيم وبينلها أنك متمسك فيها وتبيها تتعدل قبل لاينفذ صبرك وتخرب علاقتكم ..

الله يوفقك ويصلحلك زوجتك ويهديها
قديم 26-01-2009, 03:44 PM
  #10
كلمة عتاب
عضو مثالي
 الصورة الرمزية كلمة عتاب
تاريخ التسجيل: Feb 2008
المشاركات: 383
كلمة عتاب غير متصل  
السلام عليكم أخي الكريم

بما أنك طلبت رأينا فلن أمنعه عنك

تقول في عنوان مشكلتك ياناس أكرهها مو قادر أحبها أبدا ساعدوني .. والعلة تكمن ياأخي في

مشاعرك تجاهها ومنذ البداية . فكيف لك أن تتقبل تلك المشاكل التي تقلق المحب فمابالك بالكاره ؟؟

اخي ترديد الكلمة باللسان يأخذها العقل ويتبناها ويعمل عليها .. فلاتظن أن أحدا ممكن أن يساعد

شخص ليحب زوجته .. الا أنت شخصيا فان حاولت تقنع نفسك ان هذه زوجتك وهي تحبك كما ذكرت

وسوف تبادلها نفس الشعور وتحاول تعيش معها بسعاده . وصرت تردد لنفسك هي زينه ويكفي انها

تحبني وتربي ابني وانا ايضا احبها ..واجعل نيتك في ذلك لوجه الله ولكسب الاجر . وسترى بعد فتره

ان عقلك بدأ يتبنى فكرة حبك لها ويعمل عليها وتبدأ تتعود عليها ولاتتتبع زلاتها .

انصحك ياأخي أن تشغل نفسك وروحك عن كلامها الذي يزعجك بالبيت وتعمل روحك مو سامع .

حتى الاتصالات التي تزعجك بامكانك ترد على واحده وتهمل الباقي وتبرمج نفسك على طبعها .صدقني

ستسعد مادمت تخاف على طفلك ان تظلمه ومادامت الزوجه الثانيه لو حصل ماهي مضمونه كيف ستكون

اخي الجأ الى الله وطول بالك عليها وتحدث اليها كما نصحت الاخوات وجرب ماقلته لك

وفقكم الله والف بين قلوبكما يارب العالمين
__________________
لاإلــــــه الا أنت ســــــبحانك اني كنت من الظالمين
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 12:13 AM.


images