ياخي ، فيه بعض البنات يستحون
مو انها م تبي ولا مطنشه
انا كنت استحي لدرجة اتصالاته م كنت ارد عليها من الحياء
وهي يمكن من النوع اللي يستحي ويخجل
الصبر ثم الصبر

عليكم السلام ورحمة الله وبركاته

أخي الكريم الناس تختلف في التأقلم في بداية التعارف، فبعضهم يحتاج مدة طويلة حتى يعتاد على انسان جديد عليه في حياته، والبعض شخصيته شعبية ولو ترميه في أي مكان يقدر يتودد ويتأقلم ويندمج بسرعة.
أنت مخلوق جديد دخل عليها حياتها ولا تعرف أفكارك، نفسيتك، أطباعك، هدوؤك، عصبيتك، المزاح المحبب لك، المزاح الذي لا تتقبله، وغيرها من الأشياء المجهولة في شخصيتك.
حَسَب الظاهر أن خطيبتك صغيرة وخبرتها في الحياة قليلة، وأظن انها ليس عندها في البيت أخوات عندهن وعي وفهم.. لأن هي بحاجة الى أخت أو أم تجلس معها وتدلها على الأسلوب الصحيح في التعامل مع الحياة الجديدة .. ويعلمونها .. أرسلي لخطيبك كذا.. توددي له بكذا.. الرجل يرتاح لكذا..

الرجل في فترة الخطوبة هو المبادر لأن بناتنا محافظات ومن عوائل محافظة ولم يعتادوا على الكلام مع الرجال فلسنا في بلدان الغرب أو الكفار يتكلمون مع أي رجل بكل جرأة وجسارة والحياء عندهن معدوم.. أنت الرجل وأنت المعني بتحريك المشاعر بينكما، كل يوم قدم لها كلمة طيبة لتغرس في قلبها محبتك، قدم هدايا حتى لو كانت متواضعة وبمبلغ بسيط، دعها تتعلم منك روح الاهتمام، فالمرأة على دين زوجها، اذا كنت حريصاً على الاهتمام بها ستتعلم منك الاهتمام.

اذا ماتجاوبت مع هالفترة وماقدرت تاخذ وتعطى معها فأرى انك تضع حد للموضوع ..

متى يفهمون البنات اذا هذا زواج مبنى على الألفه والمحبه والتفاهم ولازم تتجاوب مع زوجها كي يفهمها وتفهمه ولو بشكل بسيط مع الأخذ بعين الإعتبار خجل البنت, وقد يمنعها حيائها بعض الشئ لكن لا ان تكون جافه لهذه الدرجة

اذا استمرت في طريقتها في التعامل معك يجب ان يكون لك موقف صارم وتفهم وش السالفة بالضبط هي مسألة ثقل ولا ماهي مقتنعه فيك لا توهق نفسك وحدد الأسباب من الحين قبل مايطيح الفأس بالراس