من اي عمر يبدا صيام ابنائكم
السلام عليكم ورحمة الله وبركاته
بنتي عمرها ٧ سنوات ربي يحفظها
السنه اللي فاتت في رمضان
كنت احاول اخليها تصوم ساعاات وترجع تفطر وبعدين اخليها تكمل صومها
كانت تخربط وتشرب مويه وتاكل وقت اللي احدد لها وقت صومها
وبعدين تعبت وتركتها بحالها قلت ان شاء الله السنه الثانيه اشد معها شوي
وجت هذه السنه ومر يومين
اليوم الأول صحت ١٠ الصبح وتقول ياماما انا صايمه
وتروح تبشر خالاتها وجدودها وتصحيهم وفرحانه
وشجعتها على اكمال الصوم
ابوها ماكان داري انها بتصوم
اهلي بعد شجعوها
هي تماسكت الين الساعه ٣ وشوي
وبعدين صارت تزعجنا
جوعانه عطشانه
وخصوصا تشوف اخوانها ياكلون
وبعدها صارت تبكي وتحوس في المطبخ
وكلمت ابوها بعد العصر وقالت له انها صايمه وجيب لها هديه
وصوتها مختفي هههه
جا عالساعه ٥ جايب لها انواع بسكوت وكيك وعصاير
وقال حرام عليك ماتشوفيها كيف ذبلانه
وفطرت مع ان كان فيها تكمل لان كان باقي ساعتين تقريبا
وامس الحمد لله صامت لان صحت متأخر
مع انها ازعجتني بس ماشاء الله تبارك الرحمن كملت صيامها
اليوم صحيت وشفتها بالمطبخ مع جدتها قاعده توكلها
قالت لي امي ان بنتي جتها تصحيها وتقولها جوعانه بس لا تخلي ماما تعرف
بتاكل وتكمل صيام
_____
كيف احببها بالصيام
كيف اخليها تصوم
امس دلعتها بعد الفطور وطلعنا معها واشترينا لها كل اللي نفسها فيه
يعني ماقصرنا معها
اهلي يقولون صعب لان النهار طويل وهي تصحي بدري فصعب تصوم
____
مين عنده تجارب في اطفالها بعمر ٧ سنوات
وهل يصومون ولا لا
اختي عندها ولد بنفس عمر بنتي
وماشاء الله السنه اللي فاتت صام نص شهر
وهالسنه صام اليومين وبيكمل ان شاء الله لين اخر شهر
واذا قلت لأختي كيف تخلينه يصوم
تقول لي بنية بنتك ضعيفه ماتساعدها !
مدري كلامها صحيح ولا مو صحيح
التعديل الأخير تم بواسطة أرواااح ; 29-05-2017 الساعة 01:18 PM