اتفق مع هذا الرد
همسة:احترمك جداااا ياسماء العدالة لا ادري لما تذكريني بسيدة الموقف

__________________
سبحان الله وبحمده..سبحان الله العظيم

خدي اجازة و حطي بنوتك عند امك و جهزي حالك .. عطيه فرصة .. مالك خسرانة شي

انتي خايفة من اللي راح يصير بالسفرة لأنك متعودة أنه لازم يعاتب ولازم تتناقشوا وينفتح له المجال للصراخ والشتم .

ما بعرف ... مش كأنكم وصلتوا لأسلوب نقاش بشوية هدوء ؟؟ حاولي تطوري أسلوب نقاشكم أكثر من هيك كنافة كمان شوي .

لا تتجاوبي مع حدته .. حطي ببالك شو راح يحكي وخليكي جاهزة برد هادي يسحب النقاش لمنطقة الهدوء .
مو مضطرة أنك تجاوبي على كل أسئلته بأجوبه .. ممكن تاجوبي بسؤال أو بتعليق باتجاه مختلف تمام وتسحبي الحوار لمنطقة الهدوء .

مو عارفه كيف أشرحها ... انتي قوليلي شو متوقعه منه يقول وينتقد وممكن أعطيكي رد كمثال حتى تفهميني .

__________________

يعطيكم العافيه تفاعلكم اسعدني كثير
انا لو بادرت بكلمه طيبه او راضيته بدلع
بيقلب القصه علي انا
بيقول: شفتي كيف اقدر اقهرك واجمدك واتجاهلك!
تعليقه هذا راح يجرحني بقوووه
لانه لازم بكل قصه يعيش جو الحروب وانه منتصر

وهو في البيت له شهور يعطيني ظهره عالسرير
من قبل المشكله وزاد بعدها
فلو نمنا بافخم اوتيل بالدنيا راح يعمل كذا
زوجي اعرفه زيييييين
يفتح الباب ويجلس ينتظرني كالعاده
لو قدمت خطوه يفرح بس يعيش دور المنتصر
هو يتوقع اني راح اشكره واراضيه
لكن انا متخيله السيناريو اللي راح يصير
بنسافر ونرجع بنفس الصمت
وهو وقتها ممكن ينقهر اكثر
وبيحسسني اني مو قد اللي يعمله لي

نسيت اقول لكم انه يبغى بنتي تجي معنا
طلبه هذا برضو غريب
ما ادري هل هو قال كذا لمجرد رد الاعتبار
عموما انا متوقعه يبغاني اجي معه
حتى بالاسبوع اللي بعده يسافر مع اصحابه
يعني يبغى يريح ضميره شوي
لاني من فتره اسمعه يتكلم بالجوال عن سفره برا
واتوقع الخلاف اللي بينا معطل مشاريعه
لانه صعب يسافر ويغير جو بهالفجوه اللي بينا
هذا تحليلي وتوقعي للي في راسه

انا محتاجه كيد نساء او دهاء او شويه مكر
حتى اكسر حاجز الصمت مع حفظ حقوق الطرفين
لاني مليت من استفزازاته
ولا ابغى الاستفزاز يتطور لشغلات اكبر

تصدقون لو اني شايفه وجه مرتاح ومبتسم
كان دايركت ضحكت وسولفت معه عن اي شي
لكن صرت ما اشوف الا تكشيرته 24 ساعه
ولو طاحت عيني بعينه هو يصد
ولهذا السبب تجاهلته انا.. باين من حركاته يبغى عتب
وانا رافضه اي نكد لاني مليت من النكد

ياأُخيه لاتدققي في كل صغيرة وكبيرة في حركاته ، وتفسري الأمور ، أرجوكِ ياكنافة ..!
ولا تذكرين المشاكل القديمة مع الجديدة ..
للأسف تضيعي حياتكِ بهذه الطريقة ..
سامحيني على قسوتي لكن لابد منها لتعي هذا الأمر ..
وفقك الله ..

انا ما ابي حياتي تضيع يا سر الحياة
لهذا جالسه افكر بايقاف فوري لهذي المهزله
في شغلات كثيره متغيره من ناحيته هو مش انا
مثلا من يومين قال ان صاحبه بيجي يسهر عنده
انا نظفت المكان وبخرته وعملت شاي وقهوه
ولما صحيت لقيت زوجي مغسل كل شي
بينما العاده لما اصحى اخذ الصواني وانظفها
نفس الشي لما اعمل له عشاء
اتفاجأ انه اخذ الصينيه المطبخ ويغسل صحنه
تصرفات غريبه
كأنه عايش بسكن طلاب مو بيت زوجية
وانا اقول لنفسي براحته
لكن بنفس الوقت مو لاقيه تفسير

وفوق كذا في شغله انا عملتها بالويك اند
رحت صبغت شعري والحمدلله طلع اللون حلوو
لكن زوجي ولا كأنه شايفني
يعني متعمد يتجاهلني تماما
لكن اللي ريحني ان كل اللي شافوني قالوا نيولوك حلو هههه


يا جماعه انا ما اقدر اخذ اجازه اليومين اللي يبغاها
ولا اقدر اسافر معه لان بهاليومين عندنا مناسبه بعملي
صعب اتركها واروح ولا راح يرضوا اساسا
وهو مو عارف لاننا من اسبوعين مانكلم بعض
الشغله الثانيه.. هو كان يراضيني دايما بكلمه
ثاني يوم يقول كلمتين لي وارضى بسررررعه
بدون مايعتذر.. هو يعرف يتصرف مضبوط
وياما زعلني وراضاني
لكن هالمره طنشني تماما ولهذا السبب انا تضايقت
وهو تضايق ليش انا اتضايق.. ومشى عالخط معي

زوجكِ ياكنافة أفضل من عملكِ فهو جنتك وناركِ ..هكذا رؤيتي أنا ..
اذهبي وأعتذري من العمل لضرورة قاهرة..
مناسبة العمل ليس أفضـل منه !

يا سر الحياه هو قال لي اسافر معه بدون نفس
وكأنه مغصوب.. قالها بتكشيره وبدون مايناظرني
يعني واضح انه بيسافر معه زعله
وانا صعب احرج نفسي بالعمل لارضاء رغبته
وفعلا زوجي جنتي وناري
لكن عملي ومستقبلي برضو مهمين
ولا ابي اخسر شي لعيون انه يتكرم ويرضى
والاسخف من كذا انه ما سأل عن ظروفي
ولا قال اذا اقدر اخذ اجازه يومين
بس قال: تجهزي اباخذك انتي والبنت
كأني شنطه زايده والا وحده ماعندها التزامات
اقول لكم قالها بدون نفس وبتكشيره
طبعا ماراح ادخل اكثر بنيته
لكني فعلا ما اقدر اسافر هاليومين
ولاهو شرط اني ارضى بسفره او حاجه تنشرى
انا مو ماديه والله
ابي الكلمه الحلوه والتعامل الطيب وبس
واذا حصلت الماديات بعدين ما اقول لا
وارجع واقول الرجال ماقالها بنفس طيبه
كان يقول تعالي معي وهو متعكنن ومكشر
كأنه يقول (تعالي وامري لله)
هذا الشي مستفز بس انا طنشت
وقلت يصير خير وبس
بحيث لو فتح الموضوع معي وقت ثاني اجهز ردي


انا اسفه اعتذر من كل اللي ردوا علي
ماقدرت ارد عليكم واحد واحد
ماشاء الله ردودكم كثيره وانا قرأتها مره وحده
جزاكم الله خير جميعا
وصدقوني لو بس القى ابتسامه او نفس صافيه
دايركت ابضحك واسولف
لكن الرجال مايقابلني الا بتكشيره ويجلس مبوز
هذا الشي يجبرني احترم نفسي واسكت

ياطيبة ياحبيبتي ياكناقة ..احسني الظن هذه المرة ، لستِ خاسرة ،
لكن تكلم تكلمي هناك ولو صمت اصمتي ..
الرفض سيثير غضبه ..
والله قسوتي عليكِ لأني أريدك تستنشقي الحياة بسلام دون التوترات هذه ..
الله يفرح قلبكِ بصلاحه ..

سمو ياليت تكتب الكلام في قسم مراسلة الاداره
وهم راح يوصلونه لي