بسم الله الرحمن الرحيم
كيفكم عساكم طيبين جميع ،، أنا سبق وكتبت مشكله لي من قبل
وكان مضمونها ب اختصار ان ا نا وزوجي دايم ب مشاكل مستمره
والسبب انه يشك فيني وكله على أمور تافهه بمعنى الكلمه وفي
كل مره ما يعطيني فرصه أدافع فيها عن نفسي لأنه خلاص الشك
اتمكن من قلبه رغم محاولاتي أثبت له أني عكس الصوره اللي
راسمها عني ف باله بسبب شكوكه وبعد انجابي لأول طفله لنا
هدت الأمور بينا وحسيت اتغير معاي شوي وصارت حياتنا طبيعيه
بس كان جدا فضولي ويفتش ف جوالي بين فتره وفتره واذا لاحظ
اي محادثه لي مع صديقاتي فيها استهبال مثلا على شباب وبنات
على طول يعصب ويكسر جوالي ويجرحني بالكلام وانا في كل
مره احاول اشرح له ان كثير متزوجات يمزحون مع بعض وينكتون
ولو كل رجال جلس يفتش ويدقق بكل شيء ف جوال زوجته
ماكان أحد متزوج للحين وحاولت اوضح انه مفروض ما يكون
يدقق بكل شيء لانه راح تصير بينا مشاكل مالها حد
بس هو ماكان يقتنع .. وجلست فتره اطنش جوالي
وما ادخل ف نقاشات كثيره مع صديقاتي ف الواتس اب
عشان اتجنب المشاكل مع زوجي بس سبحان الله
إما يمدي أكل فتره بسيطه فجأه تطلع لي مشكله ما ادري من وين ،،
وأقول ف نفسي ياربي ليه يصير معي كذا كلما حاولت اتجنب
الشي اللي هو سبب كل مشاكلي مع زوجي كلما تطلع لي
مشكله جديده وعلى نفس السبب ..
وبعد انجابي لطفلتي الثانيه عادت الأمور لمجاريها
وحسيت زوجي ما صار يهتم يفتش ف جوالي
وانا بعد صرت حريصه اتجنب هالشي ،، وحمدت
ربي وقلت يارب تزين الأمور بينا على طول
لكن للأسف صارت مشكله جديده كان سببها
بنتي لعبت ف جوالي وسوت حظر لزوجي وكم وحده
من صديقاتي وانا ماكنت أدري وقام يسألني ليه مايوصلني
شيء من اللي يرسله قلت مدري يمكن الشبكه ضعيفه
او شيء وجوالي كان مرمي ف الغرفه بعدما خربطت فيه بنتي
قال هاتي جوالك ورحت وانا على نيتي عطيته الجوال عادي
قام يفتش وشاف الحظر سألني ليه تسوي لي حظر
قلت والله مادري عنه قال الحركات هذي مو علي
وسمعني كلام ماله داعي ،، حاولت أبرر له بس للأسف
مارضي يسمع مني وكأنه أصلا ماصدق خبر وعلى طول
طردني من بيتي وطبعا مو أول يطردني فيها ،، كل مشكله
تصير كان يطردني واجلس عند اهلي بالشهرين والثلاثه
بعدها يجي يردني ،، بس بعد مشكله الحظر هذي
وبعدما طردني من بيتي تركني 3 شهور ما سأل عني
ولا عن بناته وبعدها ارسل لي وحاول بطريقه غير مباشره
يعتذر مني وصار يتصل بين فتره وفتره يسأل عني وعن البنات
وقال انه مشغول هالفتره وماقدر يجي للبيت عشان يجلس
مع أهلي ويتناقش معاهم عشان يرجعني ،،
وقلت له ما يخالف وحاولت أداريه بس عشان بناتي لانه
انسان عنيد ،، لكن بعد شهر فجأه انقلب 180 درجه
وصار يرسل لي خلاص اجلسي عند اهلك وانا برسل لك
مصروف انتي والبنات قلت مو ع اساس مشغول وبس تفضى
تجي تكلم أهلي ! لاحظت انه صار يتهرب وكل مره
يطلع لي بكلام وعذر جديد بعدها أنا مليت من الوضع
وقلت له أنا مو لعبه عندك تطردني متى ماتبي وتردني
متى ماتبي خلاص مليت شوف لك حل ،، قال لي
انتي وحده مالها أمان وخلاص ماعاد اقدر اثق فيك
انتي وحده لعابه بكرا ولا بعده بتسوين لي سمعه
وانا رجال اخاف على سمعتي وكرامتي ،،
وسمعني كلام زي السم بعدها أنا ماقدرت اتحمل
انهارت اعصابي جلست ابككي وقلت له خاف ربك
حرام عليك هذا قذف أنا ماسويت شيء يخليك
تعاملني كذا ،، أنا كنت ضحية الشككوك اللي ماليه قلبك
وحاولت معاه بس للأسف بدون فايده ،،
بعدها أدركت انه لعل الأمر فيه خيره من رب
العالمين وجلست أدعي لعل وعسى يهديه
ويظهر له صدق نيتي وبراءتي ،،
أنا الحين لي 6 شهور عند أهلي وكان فيه عدة محاولات
من ناس حاولوا يكلموه ويصلحوا بيننا بس كل مره يعاند
اكثر واكثر ،، وقبل أسبوعين زوجي كلم زوج أختي
وقال انه خلاص يبي يطلق وقال له بالحرف { يبغون طلاق
بطلق ما يبغون بكيفهك بس رجعه ماني مرجعها }
يعني اللي فهمته انه يبغاها تجي مننا ماتجي منه هو ،،
بس زوج أختي رفض يتدخل وقال إذا فيها صلح راح اتدخل بينكم
بس فيها مشاكل وطلاق مارح ادخل ف الموضوع ،،
رد عليه زوجي اوكيه خلاص أنا بروح لأبوها واكلمه ،،
وللحين ماصار شيء ،،

أعذروني عارفه طولت بالكلام بس احطكم ف الصوره
أنا يا جماعه ما ابغا اتطلق كله عشان بناتي والله حرام
لسه صغار ومصدومه من زوجي انه خلاص بايع العشره
وما يهمه شيء وحتى بناته ما كسروا خاطره
وكمان أهل زوجي تدخلوا بالموضوع بس مارضي يسمع
من أحد ،، يعني مايبي احد يفاتحه خير شر ولا يبي احد
يحسسه بالذنب او ب تأنيب الضمير وعلى طول يقول لهم
غيروا الموضوع خلاص مافيه فايده ،،

يعني زوجي سكرها في وجهي من جميع الجهات
حاولت كثير اجي له بأسلوب حلو واحنن قلبه
قلت يمكن يلين ويحس جربت كل الطرق
لدرجة حسيت أني ذليت نفسي كثير
وكان كله عشان بناتي ،، انصدمت من قوة
العناد والكبرياء وقساوة القلب اللي ف زوجي ،،
وكلما احد تدخل فالموضوع عشان الصلح يعاند
اكثر .. وحتى صديقاتي اللي مقربات مني
عرضوا علي ان ازواجهم يتدخلوا ويكلموا زوجي
وينصحوه بس أنا رفضت وقلت لهم خلاص ماعاد
ينفع لأنه رافض فكرة أن احد يكلمه او ينصحه ،،

أنا جماعة الخير في حاله يرثى لها ،، والله العظيم
اكتب لكم وانا في قمة الألم ودموعي زي النار على خدي ،،
مستغربه من هالقسوه اللي في قلب زوجي
حسني أني وحده رخيصه وراعية لف ودوران
وانا يشهد علي ربي من فوق سابع سماء وهو سبحانه
عالم بنيتي أني كنت اعامل زوجي بما يرضي الله
وكنت حريصه ارضيه واكون دايما في احسن صوره قدامه
من جميع النواحي بس للأسف هو ماحاول ينظر لي بعين
حلوه ،، اكتشفت انه طوال 5 سنوات زواج كان يدور علي الزله
وراء الزله عشان يتخلص مني وكان رافض فكرة الحمل بس
سبحان الله ربي رزقني ف 2 بنات لأن نيتي كانت الاستقرار
واعيش مثلي مثل اي وحده تحب بيتها وزوجها وعيالها ،،
بس هالثنتين البنات بالنسبه لزوجي كانت عقوبه له من ربي
لأنه ماكان يبغاني احمل منه خير شر وسبحان الله كنت اكتشف
فجأه أي حامل رغم انه حريص مايصير حمل ،، بس ربي خيب ظنه
،، أنا الحين مستسلمه للأمر الواقع وقلت يارب ان كل اللي قاعد
يصير لي يكون خيره من رب العالمين ،، لأنه نية زوجي ماكانت
طيبه طوال هالفتره ،،. وأهلي الله يجزاهم كل خير يارب
قالوا لي خلاص هذا مامنه رجاء وبناتك حنا نتكفل فيهم وبتربيتهم
مانبي منه شيء بس يفكنا من شره ،،
لأنه زوجي ارسل لي انه بيخلي الحضانه لي مدة معينه وبعدما يكبروا
البنات ياخذهم مني ويسفرهم عند اهله في بلدنا الأم بس أنا رفضت
ياخذهم مني ،،
وهو عنده ولد من زواج سابق ونفس الشي ابنه عايشه عن اهل زوجي
ومحروم من أمه مع انها بنفس المنطقه والحين زوجي يبي يسوي معي
نفس الشي ،،
هذا كككل شيء ،،
أنا كل يوم اتعذب من كثر التفكير بنفسي وفي بناتي ومستقبلهم
وساعات أحن لزوجي وللأيام الحلوه وتصيبني نوبات بكاء
طويله ما اقدر اوقف الا إذا نمت ،، اعصابي تعبانه ومازلت رغم
كل اللي صار أحن لزوجي وبيتي ومازلت متأمله من رب العالمين
انه لعل وعسى ينصلح حالي وتتيسر أموري من باب حسن الظن بالله
والثقه بما عنده وان سبحانه على كل شيء قدير ،،

اختكم المجروحه { براءة أنثى }
دعواتكم لي في جوف الليل ،،

اختي اسال الله ان يصلح حالكم وان يختار لكم مافيه خير للجميع

اختي بسالك وش الاسباب الحقيقيه التي جعلته يشك ؟؟ لان الثقه لو انكسرت صعبه تعود

وفيه نقطه اغلب الي يشكون بدون سبب يكون بسبب مرض نفسي اسمه الشك

او بسبب موقف من احد او بسبب خيانه سمع عنها

هو الموضوع ماينسكت عليه لانه متعب لدرجة كبيره صعبه تعيشين في دوامة الشك

وزوجك مزاجي متى ماحب يمشي الحياه يمشيها ومتى ماحب يطلع بحكاية الشك طلع

لاشك ان هالامر ابتلاء من الله ليمتحن صبرك

اختي هو مطلق من قبل ماعرفتي سبب طلاقه الاول ؟

كيف كان عايش عند اهله ؟

سبق وحكى لك عن مشكله حدثت له او لاسرته سابقا او لااحد زملائه ؟ وتحسي تاثره بالمشكله ؟

يا حبيبتي هذا رجل إما مريض ويحتاج علاج نفسي جاد ... أو أنه هو بنفسه رجل لعاب فيظن أنه حرمته بتطلع لعابه لأنه خايف من عقاب ربنا له .

عموما وبكل الأحوال كل ما ذليتي نفسك له كل ما تأكد وساوسه ... لا تذلي نفسك حبيبتي والله يحفظ لك أهلك اللي متبرعين يربوا بناتك ...

أنا عارفه أنه بناتك اللي كاسرينك وعشانهم مستعدة تسوي أي شي بس صدقيني قوتك هي اللي بتفيدهم ... ولو هو بايع وبياخذ البنات لما يكبروا فما شيء تقدري تعمليه عشان تمنعيه ... وضعفك أمامه راح يخليه يزيد بحرمانك منهم بدال ما يحميهم مثل ما انتي متصوره .

قذفه لك شيء عظيييييييم وكبير مو هين . تراه مصدق كلامه مو كلام زعل ويروح لحاله .

استخيري حبيبتي يمكن ربنا يريح بالك

الله يهدي بالك ويسهل أمرك ويجيب لك الخير وما يحرمك بناتك وياخذ بحقك ويرد كيده في نحره

__________________

حسبنا الله ونعم الوكيل الله ينصرك اختي توكلي على الله

لاحول ولاقوة الا بالله ،، انا ما كاسر خاطري الا انتي وبناتك والله هو ما يأسف عليه صدقيني لان الحياة مع انسان شكاك تعتبر نهاية البداية! .. ماقول الا ربي لايحرمك منهم ولا يكسر قلبك عليهم وربي يكشف الحق لاصحابه ..

زوجك من الاساس ومن البداية ناوي هالنية! والدليل طريقته واسلوبه من البداية! يعني يبغي اي طريقة عشان يتخلص واتوقع ان فيه احد وراه يدخل باذونه كلام من اصدقاء سوء او تجارب زملاء !

السلام عليكم
بتذكر مشكلتك
على كل حال انتي عملتي الي عليكي ليستمر هالزواج والزواج ما بيستمر اذا في طرف مبنشر
لا يكلف الله نفسا الا وسعها
شو بدك تعملي اكثر
استخيري
لا عاد تحكي معه خذي موقف منه اذا بده شئ خليه يحكي مع الوالد
اتوقع انه كمان مشكلته تهرب من مشاكله المادية بتذكر مشكلتك الاولى كانت بسبب نرفزة على مصاري و بعدها اجت شغلت الحظر شخصيته متعبه جدا
الله يكتبلك الخير انتي استخيري واستغفري ولا تفكري فيه الي عليكي عملتيه
الله يفرج كربتك
سؤال ابنه من زواجه الاول بيصرف عليه ولا رامي مصروفه على اهله

من الاخر ماراح يكلم اهلك ويبغاك انت بنفسك
تجي للبيت وهكذا تستمر الحياة بينكم .. مايبغى احد
يعترض له طريق.. متى ما بغى يخلص منكم افتعل مشكله
ومتى مايبغى يرجعكم يهددك بالطلاق وانت ترجعي
يبدوا انه مايعرف يعترف بغلطه ولا تعلم يتنازل..
الله يساعدك وييسر امورك..

مرحبا ،،
ملكة الاحساس ، سبب طلاقه الأول كان جدا تافه لما سألت زوجي
عن السبب قال انه بعد ولادتها ب ابنه فصلت عبايه جدا ملفته
ومزركشه كنها فستان وكانت مصممه تطلع فيها وهو كان رافض تلبسها
وكبرت السالفه لحد ماوصلت للعناد والطلاق ،،

خاله بيتا و أم مريمي ،، أنا مو قاهرني الا هالعناد اللي راكب راسه
والله العظيم يمكن فوق ال 7 او 8 اشخاص تدخلوا للصلح بينا بس هو
رافض أي تدخل وحتى زوج أختي قال كلما خوفته من الله وقلت له حرام
ترى عندك خوات على طول يقاطعه ف الكلام مايبي يحس بالذنب أبد ،،

يارب حقق حلمي ،، أنا خلاص وقفت أي اتصال من ناحيتي لأني كل مره
أوصل معاه لطريق مسدود ،، ماكان يعطيني أي مجال ولما يحب ينهي
النقاش معاي يسوي لي حظر على طول وبعد فتره يشيل الحظر ،،

العقد الفريد ،، لو يبغاني صدق ارجع لبيتي كان ع الأقل لمح مجرد تلميح
أو بادر بأي شيء ولو بطريقة غير مباشره ،،
بس لما يقول { يبوني أطلق بطلق ما يبوني بكيفهم بس رجعه مارح ارجعها }
ايش معناتها ؟!

قبل أسبوع شال عني الحظر وارسل لي { ممكن أشوف البنات لو سمحتي }
قلت له ماحد منعك عن بناتك بس لازم تعطي الوالد خبر قبل لا تجي
رد : ليه لازم اخذ اذن من ابوكي عشان اشوف بناتي ،، يلا جهزيهم بالليل
بجي اخذهم بالسياره ،،
رديت عليه : دامني ف بيت أبوي الأمر امره والبيت بيته وانا تحت أمر ابوي
حتى لو هم بناتك ، تبي تشوفهم بالبيت حياك الله بس تاخذهم برا لا ،،
{لأن الاثباتات كلها معاه وخفت ياخذهم مني }
بس طنش ومعاد رد ولا جاء ،،
والحين امي وابوي كل يوم مشاكل أبوي يقول بروح اسوي له استدعاء من المحكمه
وأمي رافضه تقول لسه بدري ع سالفة المحاكم لازم نصبر شوي ،،

وانا نفسيتي جدا تعبانه وماصرت اتحمل اسمع اي شيء يخص هالموضوع
مع أهلي وصديقاتي ينصحوني افتك منه وقالوا لي زوجك يخوف وماله أمان
وجالس يعاقبك ،،
الحمدلله على كل حال

شخصيه متعبه ... هذا اما معقد بسبب تربيته شديده او مريض نفسي
صدقيني هذا ما يتعدل حاله الا عن طريق المحكمة
خليه يعرف ان بنات الناس مش لعبه

__________________
Hug

لاحول ولا قوة الا بالله ،، ذكرتيني بشخص الله يهديه لنفسه فعلا حالة العناد نفسها ويكابر ويترك زوجته شهور وهي بعدها نفاس واخر شي سبب هالزعلة هو تافه! وهي مثلك تعلمت تهدأه وتعتصر وتحاول بهدوء تفهمه وجهه نظرها لكن اللي براسه يسويه وما صار تمام واعتدل الا لما شاف البنا مو معطته اهتمام ولا حتى اهلها ومجرد انها وكلت محامي وجابت ادله على انه مقصر معاها وراح ينجبر على النفقة عليها وعلى اولادها هههههه عاد التفكير شويتين وحاول بطريقته يرجعها .. انتي شوفي شنو نقطه ضعفه؟ اعرفيها وانطلقي منها وحتى بسالفة القذف خبري اهلك ولازم يكلموا المحامي ...

مثل ماقلت لك هالانسان لايؤسف عليه ولكن بعد عندك اولاد منه فاذا فيه مجال لاصلاحه او ان المحكمة تجبره على متابعه حالته النفسية عند اخصائي وممكن تنحل هالمشكلة وتخف هالحالة عنده اذن ليش لا؟ سانديه وساعديه واما اذا هو نفسه مصر على الطلاق اذن لازم تبحثي عن كل الحلول لحتى تحافظين على بناتك بحضنك وهذا الاهم ،،، ربي لا يحرمك منهم يااارب حاسة فيك الظناا غالي ...