لاتجاريها ، هي تعودت انها كل ماتصحى انتي تلبي لها بالتالي صارت ضامنه وجودك والبنت تبغي تلعب فاكيد ماراح تنام ...
بهالعمر من المفترض بسبب الوجبات اللي تعتبر مقاربة جدا لوجبات العائلة ان يثقل راسها وتنام متواصل طول الليل وتكون معتادة على نوم الليل لانها قادرة على التفريق بين الليل والنهار ... جربي تخلي سريرها جدا جدا قريب منك يعني على الاقل يدك تمسك يدها او تحطي لها لعبة هي تحبها وتقولي لها انشودة او قصة عن هاللعبة واطفي النور وبيني لها انك نايمة خلاص،، طنشيها وقوي قلبك وهي شوي شوي بتنام بروحها ..

حل اخر بس ممكن يفتح لك باب مثل حالتي هههههه ، ان تخليها معاك على السرير من تشوفك نمتي بتنام من نفسها .. بناتي جذي وحاليا الصغيرة صارت تنام من نفسها بس بشرط تكون معاي وحاليا مخططه لغرفتهم الخاصة ...

بالنسلة للحل الاول يبغالها وقت على ما تنام فلازم انيمها قبل ما ابوها يدخل ينام لانه يطفش من ازعاجها الرجال ماعندهم صبر
بالنسله للحل الثاني هي فرضته غصب عني ماتنام متواصل الا على سريري بس لازم اكون وابوها موجودين لانها بدت تنقلب واخاف تصحى قبلي وتسقط وانا نايمه

بالنسبه للاكل كيف اكلها قريب من اكل العائلة بنتي ما اعطيها الا حليب وعصاير وزبادي وسريلاك ومومره تحبه ونادر خضار مسلوقه
وهل اعطيها بيض عادي صفار مثلا ؟

فعلا دائما التجربة الاولى صعبة

أختي نرجسية:
صفار البيض مطلوب من الشهر السادس وعصير البرتقال الطبيعي أيضا
لكن انتبهي صفار البيض في البداية تعطيها منه الربع فقط ، بعد فترة ممكن أسبوعين ثلاثة تزيدي للنصف ، ثم هكذابالتدريج حتى تصير كامل الصفار ...

ممكن تعطيها رز مسلوق ، وفواكه مهروسه
الخضار المسلوقة المهروسة مثل الجزر والبطاطس والكوسا وغيرها ..
لكن أي طعام في البداية أعطيها منه قليل ثم زيدي الكمية ...
وحاولي أن تنوعي حتى لا تصاب بالإسهال أو الإمساك ...

الله يحفظها ويحفظك ...

__________________

الله يعطيكم العافية تعدل نوم بنتي وارتحت

نرجسية

نوعي لها بالاكل و اهرسي لها من اكلكم ، عشان تتعود عالاكل