السلام عليكم ورحمة الله وبركاتة
موضوع رائع ياحلوين ويلا نساعد بعض انا معلوماتى ضئيلة فى التفريز بس باعمل شوية حاجات بسيطة
1-اولا المحشى اجيب الكرنب6 او 7 كرنبات لان الكرنب عندنا صغير غير البلدى واسلقة واقطعة واقسمة فى اكياس كل كيس لمرة واحدة كما اقطع كميات كبيرة من البقدونس والشبت واقسمة فى اكيس
2- لعمل ام على للاننا كتير بنحبها احضر ورق الجلاش واحمرة فى الفرن كمية ايضا واقسمة فى اكياس كل كيس لمرة واحدة يادوب اغلى اللبن واحلية واضعها فى الفرن بس اكيد ورق الجلاش لا يوضع فى الفريزر
3-احضر كمية من البازنجان واشويها واقشرها واضعها فى اكياس فى الفريزر لعمل سلطة البازنجان
اعصج كمية من اللحم المفروم واقسمة على اكياس لعمل المكرونة بلبشاميل او الرز بلبشاميل اواى شىء اخر
مثل البطاطس المحشية الخ
4- اكيد حبيبتى الكبة اعمل حوالى 100 واحدة واحشيها بللحم واقسمها على اكياس للمرة على حسب عدد افراد الاسرة واذا كان عندى عزومة اطلع كيسين او ثلاثة واقليه فورا
5-احضر ورق السبرنج رول اول ما تطلعية من الكيس بيكون طرى بس لو تعرض للهوا ربع ساعة بينشف ومش بتعرفى تتحكمى فية مش عارفة اللى عندكم زى اللى عندى ولا لا
المهم اعمل خلطة تعلمتها من واحدة تركية عبارة عن زيت وزبادى وبيض واضربهم فى الخلاط واضع ورقة ورقة من السبرنج رولا فى هذة الخلطة يادوب ابلها وافردها واحشيها ممكن دجاج مسحب مع جزر وبازلاء وجبنة سائلة او تونة او لحم مفروم اى شىء والفها على هيئة دائرة مثل لفائف الزعتر ل ام علاء وام خالد
واحطها فى الفرن نصف سواء واتركها تبرد وافرزه ولما اخرجه اضعها تكمل سواها مرة اخرى فى الفرن طعمها واووووووووووو روعة
نسيت اكيد مع الخلطة البيض والزبادى والزيت نضع البهارات اللى تحبيها ممكن زعتر مع اكليل وملح وفلفل اسمر
دة اللى فاكراة لى عودة ان شاء الله
ام بيسان