السلام عليكم

خواتم مباركه على الجميع وكل عام وانتم بخير



مشكلتي بدت بشي صغير بس قامت تكبر وب توصل للطلاق

بداية رمضان تاريخ 5 كنا جالسين على السفره انا وزوجي وابني الصغير عمره سنتين منتظرين يأذن المغرب ونفطر وابني جالس يلعب بالسفره وانا عقلي مو معه يعني مانتبهت له زوجي اخذ الملعقه وضرب على ايد ابني وابني بكى زعلت عليه قلت وانا زعلانه كسر في ايد اللي يمد على روحي واحسها طلعت من كل قلبي
وزوجي زعل ومافطر معنا وقال مابي اولادي يتربوا مثل تربيتك قلت له ليش انا وش سويت عشان تزعل كذا ورجعت اعتذرت اني مو قصدي ادعي عليه بس زعلت على ابني
وبعدين قلت له ايشبها تربيتي عشان ماتتشرف ابني يتربى مثلها ومارد علي عديتها له قلت رمضان وصيام مابدنا حقد وضغينه
بعدها بكم يوم زوجي عمل حادث سياره وتعورت ايده مانكسرت بس تعورت ايده ورجله وانا جالسه جنبه واخفف عنه قال لي ارتحتي كذا جايه تتشمتين فيني ان دعوتك استجابت
قلت له وربي اني ناااسيه وبعدين يدك مانكسرت كلها رضوض ويومين تصير بخير وبلا هالحقد اللي بقلبك
قال لي منو اللي حاقد انا والا انتي
قلت له ليش على شنو احقد
اثاريه يتذكر شي قبل 4 او 5 شهور لما قال لي كسر في ايدك لما مسكت جواله عبااله اني ارد له
المهم
وفضل زعلان مني 3 ايام ورضى بنفسه
بس كل يوم والثاني اذا قلت له احبك يقول كذابه اللي يحب مايدعي على اللي يحبه وانا اسكت
المهم قبل اسبوع رحنا السوق واشترينا كسوة العيد لي وللصغار وبعدها بيوم اخوي جاني وجاب لي هديه لبس للعيد بحكم انه يشتغل في محل ملابس نسائيه
زوجي زعلان لاني قبلت هديته وزعل اكثر لما قلت له اني بلبس اللي جابه اخوي
قام مسك اللبس وسوا فيه شق صغير
قلت له كسر في وسكت ماكملت مسكت نفسي ورجعت قلت له الله يسامحك ليه كذا
قال كملي دعوتك انا سكت لك في المره الاولى بس هالمره مارح اسكت لك ويلا روحي عند اهلك والبسي اللي جابوه لك وعيدي عندهم
رفضت اطلع من البيت مو عشانه بس عشان العيد جاي مشكله اذا رحت عندهم زعلانه او مطروده
واليوم المغرب قال لي الفجر مابي اشوفك هنا خلي اخوك يجي يأخذك
ساعدوني كيف اتصرف اطلع من البيت ولا اجلس

من بداية رمضان الى اليوم والوضع بينا من سيء الى أسوأ

لاحول ولاقوة الابالله
بصراحه معه حق يزعل ولو ماصرح لك راح تكون بقلبه
اولاً ليش معوده لسانك على الدعاء ؟ اي شي يصير اول كلمه تدعلين بالكسر وغيره
ليش ماتعودين لسانك على الكلام الزين
وبعدين الرجال رايح ومتخسر وشاريلك فستان للعيد على الاقل جامليه والبسيه اول يوم

والشي الملاحظ ان صار الطلاق اول الحلول عند الكثير
يااختي الطلاق هو اخر الحلول يعني الواحد يقدم كل شي عشان الحياة تستمر واذا مانفع هذيك الساعه يجي وقت الانفصال
وترى مافيها شي اذا اعتذرتي وبينتي ندمك له وانك ماتقصدين ترى هذا يكبرك بعين زوجك ماينقصك

1
نعم
أنت أخطأت في الدعاء في المرة الأولى والمرة الثانية مما يعني أنك تحملين شيئاً داخلك عليه أو أنك تعودت على ذلك
ومثل هذا القول لا يليق بالزوجة الصالحة ولا يليق بالتعامل الأنثوي مع الزوج
فانتبهي لألفاظك واكتمي غضبك واستعيذي كثيراً
2
نعم
أنت أخطأت في تقديم هدية أخيك على هديته وكسوته إلا إذا كنت ترين في داخلك أن ذوق أخيك أفضل مما اشتريتم أنتم
3
عاجلاً
أرسلي رسالة لطيفة جميلة رقيقة لينة إلى زوجك فيها اعتذار ومحبة وتذكير بهذه الليلة المباركة وفضلها وقرب العيد والتئام الأسرة
ثم بعدها بساعة اذهبي إليه بنفسك معتذرة
4
لا تخرجي من بيتك

اعتذرت له بس هو ماعتذر لي والطلاق هو اللي حكى روحي بيت اهلك بس انا جلست ماخرجت

1 غلطت صح بس كانت اول مره مو متعوده على هذا الشي

2 اللي اختاره لي زوجي احلى بكثير بس اذا مالبست اللي جابه لي اخي بيزعل اما زوجي قلت يمكن بيفهمني

3 ارسلت اعتذار بس حاقد علي

4 ان شاء لله

كلكم ما قصرتوا ببعض والاحترام بينكم مفقود

__________________

^
^
صحيح كلامك

الله يهديج اختي الا الدعاااء
ديري بالج

دايما ادعي بالخير
واذا عصبتي عليه تكلمي عبري بس لاتدعين !! اكيد هالشي بيزعله خاصة يوم سوى حادث بيحس انه دعوتج استجابت

يعني اذكر مره ريلي دعا علي كان شوي منفعل والله اني زعلت زعل لانه الدعوه غير

ف اتركي هذا الطبع

وبعدين ريلج وداكم السوق ودفع فلوس وشرى لج للعيد يمكن حاب يشوف اللي خذاه عليج
اخر شي تكسرين بخاطره وتلبسين اللي اخوج يابه

انتي تعرفين انه زوجج زعلان ومعارض ماكان لازم تصرين وتعاندين وزين انه ماخرب اللبس كامل وشق بسيط

يمكن واحد ثاني بيسوي شي اكبر

اختي المشكله بينكم ماتستاهل الطلاق
لكن انتي احترمي ريلج قدريه واصبري عليه
يمكن هو شوي عصبي ويحتاج منج تقدرين دعوه حلوه وحكمه

واكيد انصحج انج ماتطلعين من البيت
تمي في بيتج وتأسفي من زوجج
وخبريه ان اللي يابه اخوج راح تلبسينه ثاني يوم واللي شريتوه هو الاهم
وانج ماتقصدين شي قلبج صافي اتجاهه وتحبينه لكن للاسف زلة لسان وتعودتي على الدعاوي فهذه واوعديه انج تتركين هالطبع

أختي نصيحه لكِ ولغيرك من النساء وإعتبريها قاعده تحفظينها بالحياة الزوجيه ، اقسى درجات الألم الذي يتألم به الزوج تفضيل اهلها عليه وخاصه اخوانها ... كما هي الزوجة تتضايق وتزعل لما زوجها يسب اهلها او ينتقص منهم ، وليس من العشره والموده تكلفين زوجك وتلبسين لبس اخوك وعذرك يزعل اخوي خليه يزعل شنو المشكله انتي شاريه للعيد اساساً ...

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

الحب هو .. الدعاء


واكيد عكس هالجمله هو الصحيح ..

مهما بررتي .. بمجرد أن يدعي علي زوجي بكررررهه .. عشان كذا ما الومه..

تاكلين من اكله وتلبسين من كسوته وتسكنين بيته وتدعيم عليه!!!

الحل ...

انا لا احب الاعتذار الصريح اللي ما يجبر اللي قدامك يقبل عذرك .. يعني كلمه السفه مع تبرير انا حافظه قبل لا تقولينه ما يطيح اللي براسي



الان بما أنه العيد ...

اطلبي كيكه وهديه بسيطه .. من محل او باتفاق مع اخوك .. وجهزيها اول ما يصحى وانتي لابسه ملابسه ...

لو انتي في بيت اهلك .. عودي لقيتك وسوي اللي قلت لك عليه ...

__________________
أعلل النفس بالآمال ارقبها .. ما أضيق العيش لولا فسحة الأمل