سؤال عن الوحام - منتدى عالم الأسرة والمجتمع
logo

الملاحظات

صحة المرأة صحة المرأة ، الحمل والولادة ، الصحة الانجابية. استفسارات ومقالات حول الامراض النسائية والتثقيف الصحي المشاركة للنساء فقط

موضوع مغلق
قديم 16-05-2009, 08:11 PM
  #1
حلمي قريب
عضو مميز
 الصورة الرمزية حلمي قريب
تاريخ التسجيل: Aug 2007
المشاركات: 2,635
حلمي قريب غير متصل  
سؤال عن الوحام

السلام عليكم اخواتي

حابه اسالكم عن الوحام .. واذا اللي امر فيه شي طبيعي ولا لا؟

انا حاسه بغثيان متواصل .. لكن اجوع واكل عادي .. والحمدلله مارجع .. لكن مشكلتي .. نفسيتي تعبانه كثير ... منعزله .. وكارهه اكلم الناس ... الضوء يضايقني .. والصوت يضايقني ... ابي الظلام والسكون .. اهملت بيتي وشغلي وزوجي ...

حتى لما اتكلم مع حد .. انسى اكمل الموضوع واقوم من المكان ... راسي يدور ويلف ... ماعندي طاقه اني اكمل موضوع .. والنوم عندي متلخبط .. اقوم اي وقت وانام اي وقت ...

فكرت في البداية ان هذا طبيعي بس لما شفت باقي اهلي .. اشوفهم عادي ويلبسون ويحطون المكياج ..ويتزاورون .. الا انا

متقوقعه ...


هل هذا طبيعي؟
من مرت في حالتي او شبيه بحالتي؟؟؟
__________________
اللهم بارك لي في ابني وارزقني خيرا
الحمدلله رب العالمين
قديم 16-05-2009, 09:44 PM
  #2
حرم المعلم
عضو متألق
تاريخ التسجيل: Nov 2007
المشاركات: 1,830
حرم المعلم غير متصل  
الله يتمم عليك على خير
أقسم بالله ياللي ذكرتي أنه مار علي أشد منك
والله ماكنت أطلع الا للمتابعة في الشهر مرة فقط ..
ولايجيني أحد ولا أزور أحد تخيلي ..
والله العظيم كنت في حملي ماحطيت روج الا لما دخلت الرابع
وكنت مضطرة عندنا عزيمة وماعذروني قالوا لازم تجين..
وكنت أجلس في الظلام على سجادة صلاتي ولا أقوم الا تكرمين استفرغ
واتوضا وأصلي ...
حتى الكلام مااقدر افتح فمي دائماً مسكرة أسناني على بعض واجاوب بالهز برأسي أمممممممم
فقط
حتى كانت شفايفي لونها أبيض .. واذا جيت أتكلم تنزف دم ..
وكان عندي زهد بالدنيا ومالي خلق أروح سوق أو أفكر أشتري ..
وحالتي يعلم فيها ربي ...
والله أني الحين أجلس أفكر باللي كان يصير لي هل هو حقيقة والا خيال
وكنت أسأل زوجي أقول أحس أني ماراح أخف ماأتوقع اللي فيني من شدة الوحم
أكيد مرض نفسي ...
وفعلاً كلامك.. كثير حولي يطلعون .. ويحضرون مناسبات ويكشخون
ويحطون مكياج ويروحون مطاعم ويسافرون..
واذا تكلموا قالو يويويو وحمنا كايد

لكن اللهم لك الحمد كلها شهرين ثلاثه وتعدي .. والله يرزق كل المحرومات
__________________

من القلب كل الشكر لك بكر الشايب والله يرزقك ماتتمنين
قديم 16-05-2009, 09:44 PM
  #3
احلى ايام
عضو نشيط جدا
 الصورة الرمزية احلى ايام
تاريخ التسجيل: Jul 2007
المشاركات: 432
احلى ايام غير متصل  
عادي اللي تحسين فيه عشان هذا لخبطة هرمونات

انا مثلك مع ان هذا حملي الثالث بس الوحم عندي هالمره بالذات غير و فظيع و ذبحني الغثيان بدون استفراغ وبالذات بعد ما اقعد من نومة الظهر يالطيف ما اطيق احد ولا ابغا اشوف احد وكل الروائح تزعجني

الله يعين ان شاء الله ومو باقي شي ويخف الوحم باذن الله
قديم 16-05-2009, 10:45 PM
  #4
سمو الأميرة
موقوف
 الصورة الرمزية سمو الأميرة
تاريخ التسجيل: Sep 2006
المشاركات: 2,454
سمو الأميرة غير متصل  
أهلين ياحلمي قريب

أخخ .. إيش أقول لك ..

أنا مثلك الان في الشهر الثالث .. وتعبااااانة

تعباااااااانة ..

مدري إيش أقول وإيش أخلي .. لكن من الشهر الثاني بدأت أستخدم حبوب الغثيان .. إسمها نافيدوكسن

والله ياحلمومة ممتازة بمعنى الكلمة وامنة .. وخلتني طول اليوم نايمة .. أحسن ولو أقدر أنام أربع شهور الوحم يكون أفضل

أرتحت ووجهي صار أحسن .. وماصرت أرجع الأكل .. لكن كثير أشياء ما أقدر أكلها ..

بالنسبة للنفسية .. الله المستعان ..

مدري أحس أنا مو أنا .. نفسي أبكي ..وفعلا أحيانا أجلس أبكي بدون سبب ..

ويومي كله مو مرتب .. فجأة أصير تعبانة فجأة أصير نعسانة فجأة أصير دايخة .. مدري

لكن أرجع وأقول لك مع الحبوب أتحسنت إلى 50%

مرة من المرات نسيتها ما قدرت أعيش .. حسيت راح أموت ..

أكثر شيئ تاعبني في حملي هذا الجوع . . ما أعرف إيش أكل . ولا أقدر أكل .. وكل شيئ معدتي ما تتحمله

والله أحيانا أبكي من الجوع ... ياربيييييي ... طفشت وأنا اكل جنة وأشرب حليب .. وبكميات قليلة

حبيبتي طولت عليكي

الله يرزقنا جميعا بالذرية الصالحة
قديم 16-05-2009, 11:53 PM
  #5
ام عبودي ولتون
عضو نشيط جدا
 الصورة الرمزية ام عبودي ولتون
تاريخ التسجيل: Jan 2009
المشاركات: 248
ام عبودي ولتون غير متصل  
اقتباس:
المشاركة الأصلية كتبت بواسطة حلمي قريب مشاهدة المشاركة
السلام عليكم اخواتي

حابه اسالكم عن الوحام .. واذا اللي امر فيه شي طبيعي ولا لا؟

انا حاسه بغثيان متواصل .. لكن اجوع واكل عادي .. والحمدلله مارجع .. لكن مشكلتي .. نفسيتي تعبانه كثير ... منعزله .. وكارهه اكلم الناس ... الضوء يضايقني .. والصوت يضايقني ... ابي الظلام والسكون .. اهملت بيتي وشغلي وزوجي ...

حتى لما اتكلم مع حد .. انسى اكمل الموضوع واقوم من المكان ... راسي يدور ويلف ... ماعندي طاقه اني اكمل موضوع .. والنوم عندي متلخبط .. اقوم اي وقت وانام اي وقت ...

فكرت في البداية ان هذا طبيعي بس لما شفت باقي اهلي .. اشوفهم عادي ويلبسون ويحطون المكياج ..ويتزاورون .. الا انا

متقوقعه ...


هل هذا طبيعي؟
من مرت في حالتي او شبيه بحالتي؟؟؟
















انا نفس معاناتك يالغالية الله يعين



__________________
قديم 17-05-2009, 01:44 AM
  #6
om abdlah
عضو المنتدى الفخري
تاريخ التسجيل: Jan 2009
المشاركات: 5,189
om abdlah غير متصل  
يووووووووه الله يكون بعونكم كلكم ذكرتوني بأول حمل ليه والله العظيم وصلت لدرجه صرت أتمنى فيها الموت ماابغى اقابل أحد أستفراغ يوميا شهيتي للاكل صفر يعني أجبر نفسي على الأكل واستفرغ بعدها على طول دايم أبكي غرفة النوم كرهتهاااا موووووووت ماعاد صرت أدخلها ملابسي كرهتها زوجي كرهته المطبخ كرهته العطورات الشامبوهات كرهت ريحتها
ماأبغى أطلع ولا أبغى احد يجيني آآآآه والله ماأنسى ذيك الأيام حتى أموت حتى حملي الثاني صعب بس أنه جنب الأول ولاشي
الله يقومك بالسلامه ياحلومه وكلها كم أسبوع ويخف أن شاء الله الله يقومك بالسلامه
قديم 17-05-2009, 02:59 AM
  #7
حالمة بالامومة
عضو جديد
تاريخ التسجيل: Nov 2007
المشاركات: 6
حالمة بالامومة غير متصل  
قلبي معك يا اختي حلمي قريب
ياااااااااااااااااااااااه ربي يرزقني و الله راح استحمل اي وجع اي جوع اي جوع المهم اني احمل
ربي يثبت حملكن و يرزقكن ساعة ولادة سهلة
قديم 17-05-2009, 04:48 AM
  #8
حلمي قريب
عضو مميز
 الصورة الرمزية حلمي قريب
تاريخ التسجيل: Aug 2007
المشاركات: 2,635
حلمي قريب غير متصل  
حرم المعلم
احلى ايام
سمو الاميرة
ام عبودي ولتون
حالمة بالامومه

اشكركم ردكم علي والله خففتو عني ضيقتي ... زوجي متضايق من تصرفاتي ومش مصدق ان هذا انا اسويه غصب عني .. يقول لي شخصيتك اصلا مو كذا ...
لكن الحمدلله على كل حال
بخصوص حبوب النافيدوكسين .. اخذتها في حملي الاول .. وبالفعل اثرت فيني .. لكن هالمرة .. كأني اشرب ماي .. ماتفيدني .. ولاتخليني انام زي اول مره استخدمتها

حالمة بالامومه
يارب يرزقك حمل سليم ومعافى ويجيك وحام حلو زيك مش زي الحالة النفسية اللي صابتني ...
الله يرزقك ويرزق الجميع


اشكركم اخواتي
__________________
اللهم بارك لي في ابني وارزقني خيرا
الحمدلله رب العالمين
قديم 17-05-2009, 08:45 AM
  #9
أم هيَا
عضو نشيط جدا
 الصورة الرمزية أم هيَا
تاريخ التسجيل: Mar 2009
المشاركات: 214
أم هيَا غير متصل  
سبحان الله يا حلومة .. أسأل الله ان يعافيك حبيبتي ويسهل عليك

أكيد لخبطة هرمونات مثل فترة الدورة لما نتضايق ونتنرفز على أتفه سبب

حاولي تفهمي زوجك انه هالشي طبيعي ويصير لحريم وحريم لأ .. واذا عندك كتب أكيد فيه توضيح لهالأمور

خليه يقراه معاك ... أغلب الأزواج عبالهم الحريم يتدلعون وبس


تصدقين زوجي من الحين يقولي أصلا الوحام شي نفسي .. مو صحيح .. وان الحرمه تتوهم ..

ولما الله يكتبلي أحمل .. ناوية أرويه الحقائق بالكتب عشان يقتنع


زوجة أخوي ماشاءالله حامل بالطفل الثاني .. وفي الحملين تقول مافي وحام



سبحان الله تشوفين ناس مستمتعين بحمالهم ومفرفشين .. وناس لأ ..


انتي حاولي تضغطي على نفسك وتطلعي لا تستسلمي لهالشي



وطمنينا عليك دوم



^_^
__________________
قديم 17-05-2009, 10:57 AM
  #10
علامة الجودة
عضو مميز
 الصورة الرمزية علامة الجودة
تاريخ التسجيل: May 2007
المشاركات: 1,397
علامة الجودة غير متصل  
الله يتمم حملك على خير يا حلمي و تقومي بالسلامة
__________________
اللهم احفظ زوجي و ابنتي من كل مكروه و ارزقني الخير حيث كان ثم ارضني به
موضوع مغلق

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:36 AM.


images