السلام عليكم و رحمة الله اعضاء المنتدى المحترمين

اول شي بحب احكي اني جديد عال منتدى و اليوم عجبني و عجبتني عقليات الناس الي فيو و طريقة تفكيرها ، و بتمنى هال شي يفيدني اليوم بمشكلتي

انا شب مهندس عمري 25 سنة بدات قصتي منذ اربع سنين لما كان عمري 21 سنة ، حبيت بنت بتدرس معي بنفس الجامعة و بيني و بينها سنة دراسية ، كنا انا وهي واحد و قلوبنا كانت على بعض كتير ، و ما كان حد فينا يبخل عن التاني بشي ، كنت نطلع و نشم الهوا سوا و ننبسط ، و ما كنت اققصر بحقها بشي ، و ما عمري بحياتي بخلت عليها بشي من ملابس و مجوهرات و عزايم و كل شي بحط الضحكة على شفايفها لاني ماخد العلاقة بشكل جدي و بطلع على البنت على انها مرتي بالمستقبل . كل واحد فينا كان مسخر حالو للتاني و ناسين الدين و الدنيا و متفقين مع بعض على مستقبلنا و على كل امورنا بعدين . كنت بشتغل بالجامعة اثناء الدراسة و كل دخلي و يلي معي ما كنت ببخل فيو عال بنت مع انو كان ممكن احوشو و يكون بمصلحتنا لقدام .
بعد سنة من الحب خبرت اهلي بنيتي اني بدي اتجوز البنت على خير لما اتخرج من الجامعة و امسك شغل و اكون مجمع المهر و الشبكة ، اهلي عارضو الفكرة بحكم انهم كان معتمدين علي باني اساعد الوالد ، بس ما كانو ححيحرموني من حقي بشرط اجمع المهر و الشبكة .
اتخرجت ب ثاني سنة من الحب من الجامعة و عبال ما لقيت شغل البنت اتخرجت من الجامعة .
خلال هاي الفترة كنا انا و البنت كل يوم نطلع و نصرف و ما نحسب حساب للتحويش ابدا ، و انا لما كنن اصرف عال بنت كنت احكي بيني و بين حالي معلش حتاخر شهر زيادة عليها بس هيا حتقدر هال شي بعدين . كان اول موعد لازم اجيها فيو شهر 12 الماضي و انصدمنا انو لما اجا الموعد ما كان معي حتى نص سعر المهر . فاتفقنا انا و البنت انو نخفف الطلعات و الهديا و الشوبنج .
دخلنا بال 2014 و البنت بلشت تضغط علي كتير فجاة بحكم انها بلشت تشتغل و بلشو يجوها العرسان . ف حكيتلها انو ان شاء الله راح اتقدملها ع اخر شهر 6 .
بلشت تمرق الشهور و الحمدالله الخطة بلشت تنفع . و بلش الضغط من البنت يزيد علي اجت الوالدة اقترحت علي انروح العمرة تا انو الله يطرح البركة ب حياتنا شوي و يسرلنا امورنا و البنت عارضت هال شي كتير ، و حكتلي مصاري العمرة احنا اولى فيهم بس مع ذالك سافرت و دعيت انو الله يهدي بال البنت و يسر امورها و جيبلي الي فيو الخير معاها .
بعد ما رجعت من العمرة ب 12 يوم باول شهر اربع البنت اتغيرت علي و بلشت اتحس اني مش جاد بموضوع الجواز و اني عمري ما حتقدم ، قطعتني 10 ايام و ردينا رجعنا و اقترحت عليها انو نقطع اي تواصل بيناتنا لاخر شهر 6 و هادا الي صار و خلال تفاهمنا حسستني ب نوع من التخلي من عني بكلامها و كنت انا وقتها ببكي بحكم انها بتضغط علي كتير و انا ما في بايدي شي اعملو و ما في اي تقدير منها الي ، و خلال ثلاث ايام رجعت تحكي معي بالشات باسلوب سيئ جدا و منفر و الي خلاني احكيلها انو انا ما حتقدملها على اخر شهر 6 لو ضلينا ع هال حال و انو بطلت حاسس باي شي اتجاها . سبت البنت 10 ايام و خلال هال فترة كنت اعمللها تلميحات اني بحبها و لسا باقي عليها و بعدين اتواصلت معاها تا احاول اصلح الامور بينا ، و هون اتفاجات بانها بطلت بدها ياني و انها مش حاسه بشي اتجاهي كمان و اني اكمل حياتي و الغي كل شي بخصها .بعتلها بدل الايميل ثلاث بحاول استوعب على شو عم بتسوي كل هاد و امورنا الله بلش يفرجها بعد 4 سنين بدون اي رد ، حاولت اتصل فيها او اتواصل معاها عال وانس اب او الفيس بس بلكتني بكل الطرق . بالاخر اتصلت من رقم غريب و انا ببكي و كان كل ردها انو الله يسرلك امورك و يقويك تنساني زي ما انا نسيتك ، و يا ريت ما اتزكرني بالاغلاط تبعت زمان و ما تيجي تتقدملي لاني راح ارفضك ، و لو اتزوجنا راح اطلب الطلاق بعد سنة و لو سمحت ما تبكي و خلينا نعرف نحكي زي العالم و الناس.
انا صعقت هون و ما صدقت الي صار .
امي لما عرفت بالموضوع عصبت عال بنت بلغت امها انها كانت تطلع معي و انها استنذفتني ماديا و عاطفيا و انو مافي نصيب .

اتصلت بالبنت بحالة غضب و طلبت منها كل هدية اعطيتها ياها و هددتها اني احكي ل ابوها كل شي . طبعا مستحيل اعمل شي زي هيك لانو انا عندي خوات و هال بنت زي اختي بتضل . وافقت بكل بساطة تتخلى عن الهدايا و الهدايا الي مش عندها قررت تعطيني بدالها مبلغ مادي .

حكت معي ام البنت و حاولت اتصالح معاها و احاول ارجع الامور لمجاراها و اتفقت مع الام انو هي تحكي البنت و تقنعها فيي و انا اكلم اهلي بحكم انو صار المبلغ معي و صرت قادر اتقدم . كلمت اهلي و اعطوني موافقة مبدائية و لما حكيت مع ام البنت صدمت انو امها صدمت انها بتحيكلي البنت ما بدها ياك و مش مقتنعة انك راح تيجي و بطلت بدها ياك ، و طلبت مني اتقدم رسميا و و هيا راح ترجع اتحاول معاها مرة تانية. انا هون صعقت و و رفضت اكمل اي خطوة و اودي اهلي لوحدة كانت بتحبني و ممكن ترفضي و اتفشل اهلي ، حاولت اوصلها بمسجات و بعتت اختي و بنت خالي الي بتعرفها اني جاد و بدي اتقدم و بدون اي رد منها ، ردت على بنت خالي باني بستهبل و مش عم بعمل اي شي و انها خلص ما بدها ياني و بطلت اتحبني. و مع ذلك بنت خالي طلبت مني اتقدملها حاليا بس انا رفضت قبل ما اتاكد من نفسية البنت بالاخر حملت حالي و رحتلها عال شغل و سالتها هل باقية علي و ردت مش عاااارفة ، هل مقدرة ال 4 سنين الي بينا و ردت هدول طارو من زمااان .

انا ما استحملت اسلوبها و حكيتلها الله يسرلك امورك و طلعت من عندها و لغيت كل موضوع الجواز مع اهلي . هال احداث الي صارت اخر شي كانت على امتداد الشهرين الي فاتو .

خلال شهر ستة بلشت اكتتشف انو تصرفاتي باني هددت البنت ، اخدت منها الهدايا كان تصرف خاطئ جدا و حسيت انو شو ما صار ما كان المفروض اعمل شي زي هيك بحكم العشرة و انو موقف امي كان فيو عصبية بدون منطق او تحكيم .

بآخر شهر ستة قررت انو اتقدم للبنت ، لاني على قناعة انو عمرو الحب ما بموت لو شو ما صار ، و انو الي بحبك راح يعمل المستحيل عشانك .
اتقدمت للبنت باول شهر سبعة بعد محاولات كتيرة تا اقنع اهلي .

اول ما حكينا ام البنت كانت غير متوقع المكاملة و حكت للوالدة بنرد عليكو كمان اسبوع . بعد 24 ساعة وصل للوالدة مسج انو مافي نصيب و الرجاء عدم فتح الموضوع . حاولت الوالدة تتصل على ام البنت بدون اي رد .
حاولت اتواصل مع البنت و بعتلها ايميلات بدون اي رد منها كمان .


حابب اوضح انو البنت كتير محترمة و بنت حلال و اكتر شي كانت مستائه منو مع كلامها مع بنت خالي هو اني كيف احكي ل امي عن الطلعات و انو اهلي راح ياخدو عن البنت انها استغلاليه كانت خلال ال اربع سنين ، مع العلم انها ما كانت .
امي بشكل عام كانت دائما متقبلة البنت بس علشاني و كانت تاخد انطباع عنها انها انانية ، مع انو البني ادمه راقية جدا و حبابه و على نياتها . البنت مش خبيثة و لا استغلاليه و عكس كل هال حكي تماما .

هل احاول باني اكسب البنت و لو نعم ف كيف ؟
ولا هل احاول اني انساها و اكمل حياتي و خلص ؟

اسف طولت عليكو بس الموضوع كتير مهم بالنسبة الي خاصة انو هال بنت اول حب ب حياتي . و شكرا على مساعدتكم .

الله يلوم الي يلومها

عشان الحب إللي بينكم
حاول مره ثانيه بس بدون ماتدخل أهلك
تدخلات الأهل تكبر المشاكل أكثر
كلمها بينك و بينها روح لها
خليها تحكي كل إللي بقلبها مشان ترتاح و إنتا كمان ترتاح
الله يفرج همك و ييسر أمرك

__________________

اللهم أكفني ما أهمني بما شئت و كيفما شئت إنك على كل شيء قدير

مافي زواج بالجبر ولا حب بالغصب
أنت لك أخطاء فادحة وهي ربما فقدت اﻷمان معك وربما هي شافت أنت انسان غير مناسب لها،،
على أي حال هي لا بتدلل ولا ثقلانة عليك ،هي أنهت الموضوع،وإنت مازلت تلح وتزن ع راسها،
نصيحتي صلي ركعتين استخارة وابعد عنها وابدأ حياة جديدة مع نفسك،واحفظ كرامتك.

اهم شيء كرامتك يكفي خطبت منهم رفضوا خلص انساها
كيف البنت تعارض رغبة امك للعمرة انو الفلوس العمرة انتم اولي فيهم هذي امك جنتك ونارك
من راي تحاول تشغل نفسك بحياتك و تتقرب لرب العالمين و تدعي ربك يرزقك بالزوجة الصالحة اللي تنسيك البنت اللي تحبه
يمكن خير من ربك يمكن لو تتزوجها تصير مشاكل بينه وبين امك
الحياة تمشي لا تفكر باللي راح
اذا هي من نصيبك بتاخذها اذا ماهي من نصيبك يمكن خيرة
الله يرزقك بالزوجة الصالحة

بصراحه انتا غلطان ،،خراب العلاقه انتا المسئول عن 80٪ منها..تجريحك لها بالبدايه لما قلتلها ماحس بشي تجاهك صدمها..فضحك لها ولطلعاتكم قدام اهلها..استردادك لجميع هداياك..!!! كلها نقاط ضدك ..موقفك اخي جداً ضعيف ..ركز ع اغلاطك اللي ذكرتها وحاول تصلحها ..واذا ماضبطتت تأكد انو مافي شي بالغصب وان الله اختار لكم الخيره انت وياها..بالتوفيق..



ومضه: طلعاتكم مع بعض مخالفه لشريعتنا ..فالاساس كان غلط لذلك العلاقه تزعزت!!! فما يخالف الدين ممحوق البركه

السلام عليكم الجميع ، بحب اشكر الحميع علي ردودهم ، و حابب ارد عليكو مع اني عارف انو حككي ما حيقدم ولا ياخر شي بافعالي الي صدرت مني .

Aneen KSA : هل فكرك لو رحتها عال شغل راح ترضى تحكي معي ؟ هل فكرك انو خلال هال فترة ما انقرت فاتحتها خاصة انها ل هلء مسافرة و مش قادر اتواصل معاها خاصة انو اخر تواصل بيني و بينها كان من شهر 5 ؟

مكلومة : انا غارف انو اغلب الاخطاء صدرت كانت مني ، و بالامانة انا كل يوم عم بموت قبل ما انام و اول ما اصحى و انا عم بلوم حالي علي افعالي الي عملتها !
بس بدي اسالك شي : ليه انا بعدني بدي ياها و حموت تا انو الله يجمعني فيها بالحلال و ما بدي اي حلال ، بدي ياها هي بس و ما بدي كل حوا ! ليه بعدني باقي عليها بعد 4 شهور من بعد ما سابتني ؟ ليه بقرارة نفسي شايف انو اخطائي الحب بمحيها ؟ هل انا مجنون ؟

زهرة جاردينيا : خلال الاربع شهور الي فاتو حكيت مع كتير ناس ، و حكيك كان طول الوقت بعقلي ، و كل ليله بضحك ل حالي و بقول قضاء و قدر و هادا النصيب ، و انا على علم انو في شي اسمو الاخذ بالاسباب يلي بناء عليه بترتب القضاء و القدر .
موقفي ضعيف بعرف ، بس اختي لو انتي مكانها و الي بتحبيها عمل هيك و حتسامحيه عشان الحلال و لا حتحكيلو كل واحد بطريق زي كانو ما كان بيوم من الايام موجود بحياتك ؟ ولا زي كانو كان يسهر معك الليالي تا يساعدك في امتحاناتك و فترة كان ممكن تنطردي فيها من الجامعه لولا ربنا و هوا ؟
سؤالي هو : كيف فيني اصحح الي عملتو ؟ انا كتير حاولت ، و خلال هال تلات شهور كل المبادرات كانت مني بدون ادنى رد . ما كنت عارف انو كلمة " انا مش حاسس شي اتجاهك " يلي حكيتها ب عتاب مش اكتر راح تعمل هيك ؟

عطر الجنة : 90 ٪ من الناس الي عندي هيك بحكولي ، كرامتك كرامتك كرامتك ، الصراحة مش فارقة معي كرامتي . البنت عارضت رغبة امي بالعمرة لانها مستعجلة عال حلال كانت
شكرا الكو كلكو على ردودكو .

خلال الاربع شهور الي فاتو حكيت مع كتير ناس ، و حكيك كان طول الوقت بعقلي ، و كل ليله بضحك ل حالي و بقول قضاء و قدر و هادا النصيب ، و انا على علم انو في شي اسمو الاخذ بالاسباب يلي بناء عليه بترتب القضاء و القدر .
موقفي ضعيف بعرف ، بس اختي لو انتي مكانها و الي بتحبيها عمل هيك و حتسامحيه عشان الحلال و لا حتحكيلو كل واحد بطريق زي كانو ما كان بيوم من الايام موجود بحياتك ؟ ولا زي كانو كان يسهر معك الليالي تا يساعدك في امتحاناتك و فترة كان ممكن تنطردي فيها من الجامعه لولا ربنا و هوا ؟
سؤالي هو : كيف فيني اصحح الي عملتو ؟ انا كتير حاولت ، و خلال هال تلات شهور كل المبادرات كانت مني بدون ادنى رد . ما كنت عارف انو كلمة " انا مش حاسس شي اتجاهك " يلي حكيتها ب عتاب مش اكتر راح تعمل هيك ؟

انا عارف انو اغلب الاخطاء صدرت كانت مني ، و بالامانة انا كل يوم عم بموت قبل ما انام و اول ما اصحى و انا عم بلوم حالي علي افعالي الي عملتها ! الكل حولي بحكولي نسيتك و كملت حياتها .
بس بدي اسالك شي : ليه انا بعدني بدي ياها و حموت تا انو الله يجمعني فيها بالحلال و ما بدي اي حلال ، بدي ياها هي بس و ما بدي كل حوا ! ليه بعدني باقي عليها بعد 4 شهور من بعد ما سابتني ؟ ليه بقرارة نفسي شايف انو اخطائي الحب بمحيها ؟ هل انا مجنون ؟

هل فكرك لو رحتها عال شغل راح ترضى تحكي معي ؟ هل فكرك انو خلال هال فترة ما انقرت فاتحتها خاصة انها ل هلء مسافرة و مش قادر اتواصل معاها خاصة انو اخر تواصل بيني و بينها كان من شهر 5 ؟