اهل زوجي و نفسي .. مهرة/ لماذا نتزوج - الصفحة 2 - منتدى عالم الأسرة والمجتمع
logo

الملاحظات

ساعدني لطلب مساعدة أحد الأعضاء في حل المشاكل الزوجية والاجتماعية

إضافة رد
قديم 13-07-2015, 10:07 PM
  #11
مبتعثة متفائلة
عضو مثالي
تاريخ التسجيل: Mar 2013
المشاركات: 10,043
مبتعثة متفائلة غير متصل  
رد: اهل زوجي و نفسي .. عضو قديم / مبتعثة متفا

هلا روح
راجعه لك يا جميله
بس اضبط بعض الامور
واعذريني لساتني شايفه الموضوع
رد مع اقتباس
قديم 13-07-2015, 10:45 PM
  #12
مبتعثة متفائلة
عضو مثالي
تاريخ التسجيل: Mar 2013
المشاركات: 10,043
مبتعثة متفائلة غير متصل  
رد: اهل زوجي و نفسي .. عضو قديم / مبتعثة متفا

تدرين ليه سالتي نفسك عاده ولا عباده
لان تفكيرك نقدي
ومتامل
وقليل الي يوصلون هالمستوى من التفكير
الا الي يخافون من ربهم
والعلماء
وواضح دراستك برى ماثره عليك ايجابيا والحمدلله المشاكل الي واجهتيها بعد الدراسه
مااثرت على مين هي روح
اول حنا بشر
نحس ونتاثر
ماقصدت لما قلت لك خليها لوجه الله
انك من داخل قلبك تكوني راضيه ومقتنعه او مياله هالشي
لا
لانملك قلوبنا ولكن ممكن نملك عقولنا
ممكن نحس بشي ونتصرف بشي
عشان كذا الناس الدبلوماسيين اكثر ناس عايشين صح
لا الي بقلبهم على لسانهم ولا عاطفتهم تقود تصرفاتهم
اناس اذكياء يعرفون من اين تؤكل الكتف
الي قصدته ياروح تجاهدي نفسك
وتنويها بينك وبين نفسك انها لوجه الله
حتى لو عندك احساس داخلي انها دفع شرها او مجاملتها
اصلا دفع الشر تؤجرين عليه
ادفع بالتي هي احسن
نجي للفقره الاهم
لاني انوقع الي فوق مره سهل عليك
الاصعب كيف تحصني نفسك
كيف تمنعيها ماتتاثر ببعض الناس
كيف تمنعيها ماتنجرح منهم
كيف توقفيهم ما يستنزفونك من جديد
كيف لا تلدغين من نفس الحجر
رد مع اقتباس
قديم 13-07-2015, 11:07 PM
  #13
مبتعثة متفائلة
عضو مثالي
تاريخ التسجيل: Mar 2013
المشاركات: 10,043
مبتعثة متفائلة غير متصل  
رد: اهل زوجي و نفسي .. عضو قديم / مبتعثة متفا

سؤالي
وش اكثر فعل عملوه بيت حماكي
اثر فيك سلبا
وقلب حياتك فوق تحت
رد مع اقتباس
قديم 14-07-2015, 11:35 PM
  #14
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

اعتذر تأخرت

عندي صحبتي و كنت مشغولة ارتب البيت عشان العيد
و أقفل الغرف بعد تنظيفها

راجعة

التعديل الأخير تم بواسطة روح الطير ; 14-07-2015 الساعة 11:39 PM
رد مع اقتباس
قديم 15-07-2015, 05:56 PM
  #15
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

ردّك اخوي الفاضل ..
جدا .. أسعدني و ريحني بشكل ما تتصور ..
وضعت يدك على مواضع الخلل .. و أجبتني على تساؤلات كانت شاغلتني

و خليتني استمر بالمشي للأمام و خلاص ما التفت للخلف ..
و زدتني ثقة بالخطوات الي انا ماشية عليها الحمدلله ..

.
.
اقتباس:
اظن تخطينا مرحلة التقبل النفسي
لأنهم على موجة وانتي على موجة اخرى مختلفه
لذا ماينفع التقبل بالطريقة التي تقصديها

وانما ينفع معهم التعايش (اللي انتي بتطبقيه الان)
ومع تعديل المفاهيم اللي في بالك (انا شايفها تعدلت الان) سوف تتقبليهم ان شاء الله
كويس الحمدلله .. و هذا الي أسويه ..
ترى الموضوع ما صار سهل علي بالشكل هذا ..
غير بعد وفاة امي .. و تعايشي مع اهلي ايضا ..

الشي هذا خلاني اقدر أتعايش مع اهل زوجي ..
قلت بداخلي ( اذا أخواتك الي من بطن و بيت وحدة ، و كذا معاهم .. فما راح اتعجب من الغريب )
.
.

اقتباس:
عرفوكي وعرفتيهم
وانتقلتوا لمرحلة متقدمة من التعامل

ولكن الطبع غلاّب
لذا لاتستغربي ان رجعت لطبعها او ان رجعتي انتي لطبعك
هذه امور متأصلة وقويه ، حتى لو تعدلت لازم يبقى لها اثر

ويحنّ الانسان للعودة لها
وهنا نحتاج تذكيره بموقفنا من هذا الموضوع بصفعه خفيفه (موقف حازم)
راح أخليه حلقة بأذني ..


اقتباس:
انتي الان عددتي محاسنها ومساوئها وتعليمها ومجتمعها ودينها
فلماذا الكره؟!
هل انتي لو تربيتي بنفس ظروفها راح تكوني احسن منها؟!
انتي خلاص عرفتي ديتها وعرفتي تتعاملي معها وزوجك واقف معك فلماذا الكره؟

اعتقد انه المفترض انك تشفقي عليها بدل ماتكرهيها
اكرهها .. مو أتمنى لها الشر لا سمح الله ..
بس ادعي انه ربي يكفيني شرها .. و ما احب اسمع سيرتها أبدا ..

مع كذا لو شفتها دقت على زوجي .. و ما رد عليها ..
اقول له ( امك لا تطنشها و رد عليها ) او اقول له ( يمكن أبغاك في شي ضروري )
مع اني ادري .. انها ماتبغاه في شي مهم .. بس برضو أحط نفسي مكانها ..

و بعدين بكيفه اذا يحب يرد او يدق عليها بعدين .. مالي دخل بينهم

و اذا دقت علي .. عاملتها باحترام
بس ما احب اسمع سيرتها ..

العجيب انه واحد من أولادي طالع يشبه لها ؛ و مررررررة احبه
قبل لا اجيب ولدي ؛ كنت شايلة هم يطلع واحد من أولادي يشبه جدته و أكره اشوفه ^^

احب ولدي الحمدلله و يعجبني ^_^ ..
الشي هذا خفف نوعا ما من إحساسي تجاهها ..

.
.

اقتباس:
وانتي عليتي بنظرها لأنك انسانة عرفتي كيف توقفيها عند حدها

عرفتي تحتوي ولدها

عرفتي تربي عيالك

انتي ممكن تكوني عدوتها

ولكن الانسان احيانا يقف احتراماً لاعداؤه.
مشكووووور ..

اسمع انه ابو زوجي من ورايا يقول ( البنت هذه تدخل الجنة باْذن الله .. بسبب ولدنا )
و كم مرة يهزئ ولده ..

و اخوات زوجي من ورايا يقولوا لزوجي ( نحن عارفين أصلا انه العيب منك انت مو في زوجتك )

.
.

اقتباس:
احنا خلاص عدينا المراحل الاوليه (توقعاتك لهم وانتي عروسة) واصبحنا الان في مرحلة الواقع

واللي يهمنا الان كيف نربي العيال في ظل جد وجدة بهذه المواصفات

نريهم (عيالنا) كيف رفضنا لصفاتهم السيئة مع حسن تعاملنا معهم (درس عملي)
ايوة الحمدلله اهتم باني أعلم الاولاد كيف يحترموا جدهم و جدتهم ..


اقتباس:
خليكي على ماانتي عليه

سواء كانت تغيرت او سواء كان استراتيجيه جديدة منها
ايوة تحسنت الحمدلله معايا ..
و راح أكون على ما انا عليه ..

.
.

اقتباس:
اكثر من كذا ماشاء الله؟!
يعني اسوي الشي بطيب نفس و بدون ما احس بداخلي فيه شي يقول لي ( لا )
فاضطر اني أتجاهل الصوت هذا ..

ما ابغى الغرور او الكبر لا سمح الله .. يدخلوا في قلبي ..
باحاول اعمل الي اقدر عليه ..

.
.


اقتباس:
تقصدي طبيعيه من غير تحكيم العقل ودراسة خطواتك
مااظن ينفع
كنت كذا اقصد ..

لاني مع اهلي .. مهما عملوا و قصروا معايا ..
ما استخسر فيهم شي أبدا و استمر بالعطاء و ما أفكر ايش المقابل أبدا .. ^_^

.
.

اقتباس:
هذه هي الجدة

احسبي حسابك مستقبلاً ان اردتي عزيمتها فأعزميها بربع امكانياتك مثلاً ، لأنها سوف تطلب اربعة اضعافه
اول و اخر مرة باْذن الله ..

و طريقة ممتازة في الحساب .. يبغالي
رد مع اقتباس
قديم 16-07-2015, 02:36 AM
  #16
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

اليوم كان المفترض اروح بيت اهل زوجي ..
بس زوجي قالي مو لازم خلاص .. بعد ما تجهزت تقريبا ..
و قال بس هو بيروح ..

لانه تاخر زوجي علينا ..
و كلمني بالجوال انه خلاص يروح بس هو ..
و سألني ما عندك مشكلة !؟
قلت له عادي .. بس انت تعرف .. هما يزعلوا و يحسبوا مني بعدين ..

قال لا .. عادي
أقولهم انا ما جبتهم ..

و اخوات زوجي موجودين ..
و أصلا لو قابلتهم .. من يوم تزوجت ..
ما يتكلموا أبدا .. احس اني غريبة وسطهم ..
و انحبس في غرفة ضيقة مع البزورة ..
و لسى راح اقابلهم في العيد ..

.
.

حاسة اني ماشية بخطوات الحمدلله واثقة الان بفضل من الله ثم بفضل الجميع ..
و خاصةًالاخ عضو قديم ..

بس حبيت اكتب ايش حصل اليوم و ايش الاختلاف في داخلي تجاه الموقف ..

.
.

غاليتي مبتعثة مرة شكرًا لتلبيتك طلبي ..
و اعتذر عن التأخير .. الشغالة أخدت إجازتها و انشغلت ..

دحين اجي ^^
رد مع اقتباس
قديم 16-07-2015, 02:46 AM
  #17
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

اقتباس:
المشاركة الأصلية كتبت بواسطة مبتعثة متفائلة مشاهدة المشاركة
نجي للفقره الاهم
لاني انوقع الي فوق مره سهل عليك
الاصعب كيف تحصني نفسك
كيف تمنعيها ماتتاثر ببعض الناس
كيف تمنعيها ماتنجرح منهم
كيف توقفيهم ما يستنزفونك من جديد
كيف لا تلدغين من نفس الحجر
بالضبط .. هذا الي اخاف منه ..
كيف توقفيهم ما يستنزفونك من جديد

و ما احب بصراحة اقل ادبي او أغلط على احد ..
و لو صار اي شي منهم لا سمح الله
ما راح اسكت ..

.
.

أفتكر مرة مديت يدي اسلم على اخت زوجي ..
تجاهلتني و ما سلمت .. و بالصدفة زوجي دار وجهه و شافنا بنفسه
من غير ما اتكلم ان اقول له .. و هي تقصدت انه اخوها ما يشوفها

زوجي وقتها لما شاف بعيونه
كلمها و زعل منها و اخواتها كلموها
قامت تكذب و انها ما كانت تقصد

.
.

بس انا رجعت لهم دحين و انا أقوى من قبل يا مبتعثة ..
رجعت لهم و على قولتك ( اعرف الكتف من أين تؤكل )
و ما احب أكون كذا .. و لا ابغاهم يخلوني اضطر للشي هذا

ماشية معاهم كويس الى الان الحمدلله ..
رد مع اقتباس
قديم 16-07-2015, 02:48 AM
  #18
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

#. انا ممكن أسبب فتن و نميمة بين زوجي و اهله
و افرقه عنهم و خاصة انه هو مو متعلق فيهم كثير
و ممكن اقسي قلبه عليهم

لو فرضا اني شريرة او ابغى أسبب أذية لهم او أغير زوجي عليهم

لكن اخاف الله و ماني كذا ..

احس هذا الشي كفاية ..

فلا ينتظروا مني .. اني أكون عندهم مثل الشغالة
كفاية ازورهم كل أسبوعين مرة
و كفاية ولدهم يواصلهم

لو شفت منهم خير
ما راح اقصر معاهم و أعاملهم بالأحسن
لكن ألاقي تقصير منهم و نفس الوقت يبغونا نقوم بالواجب معاهم ؟

التعديل الأخير تم بواسطة روح الطير ; 16-07-2015 الساعة 02:52 AM
رد مع اقتباس
قديم 16-07-2015, 03:07 AM
  #19
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

اقتباس:
المشاركة الأصلية كتبت بواسطة مبتعثة متفائلة مشاهدة المشاركة
سؤالي
وش اكثر فعل عملوه بيت حماكي
اثر فيك سلبا
وقلب حياتك فوق تحت
- كل شي عملوه قبل لا اتزوج .. ما اقدر أنساه ..
- كل شي عملوه يوم و ليلة زواجي .. ما اقدر أنساه ..
- كل شي عملوه بداية زواجي .. ما أنساه ..
- كل شي عملوه لأمي .. لما سافرت و محاولتهم تحريض زوجي على امي ..
- كل شي عملوه من تحريضات لزوجي ضدي و سخريتهم من محبته لي
و محاولتهم تخريب العلاقة بيني و بينه بطرق خبيثة ..
- كل شي عملوه من محاولة سرقتي و توريطي في أوراق بنكية و استغلالي ..

.
.

كنت من وقتها و انا احلم متى ( روح الطير ) ..
توصل المرحلة هذه .. ( كنت أتخيّله حلم صعب تحقيقه و انجازه )

كنت من وقتها و اشوف صورتي مستقبلا معاهم ..
و كانت مواجهتي لهم تحتاج مجهود و تعب اعصاب و استنزاف لطاقتي ..
لكن الان انا ( قوية الحمدلله ) ..

و احاول اقتل الرغبة بالانتقام بداخلي و استبدله بالتعامل بالمثل ..
انا متاكدة لو اني كنت الان تحت سيطرتهم .. كانوا دعسوني و ما رحموني ..

بس باكون افضل منهم ..

بس ماقدر أنسى كل الأشياء هديك .. و المواقف الي حاولوا يفسدوا بها حياتي ..
المشكلة انهم كانوا عارفين عيوب ولدهم .. و الي ماكنت وقتها اعرفها ..
و مع كذا كمان كان لهم وجه !!!!؟ بدل ما يخجلوا من نفسهم و يسكتوا

ماعرف كانوا يحسبوني ايش مثلا !؟
رد مع اقتباس
قديم 17-07-2015, 03:04 PM
  #20
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
رد: اهل زوجي و نفسي .. عضو قديم / مبتعثة متفا

-----------------

مثل ما قلت من قبل .. اني ما شفت شي من اخوات زوجي ..
فيه حركات تصدر - من البعض - لكن يكون بالوقت الي امهم ( تنقلب فيه )
و تحسسهم اني انا مقصرة معاها ..

بس بعدين لما يجلسوا أخواته مع نفسهم و مع بعضهم
يقولوا ( أصلا العيب في ولدنا و السبب منه و نحن عارفين )

ايش رأيكم ؟؟

أفكر اني اعزمهم عندي و هما ينتظروا الشي هذا
لكن زوجي - رافض - يناديهم عندنا و رافض يفتح الباب هذا

وحدة من أخواته .. جابت لي هدية بسيطة ..
و زمان لما زرناها في بيتها .. ماقصرت و طبخت لنا و اكرمتنا في بيتها ..

( اخوات زوجي طالعين اغلبهم عالاب .. و الاولاد طالعين عالأم و على اخوان امهم )

و اخت زوجي التانية تتعامل معايا كويس من يوم تزوجت ؛ ماشفت منها شي ..

و الثالثة تغيرت علي فترة من الفترات .. و صارت بيني و بينها مواجهة
غلطت علي بالكلام و رديت عليها .. و بعد كذا صارت تتعامل معايا كويس ..
باحترام و أدب يعاملوني ..

دحين نحن في العيد

زوجي بس قالهم مجاملة ( تعالوا عيدوا علينا )
بس ما اصر عليهم .. و لا عادها بس كذا قالها ..

لما رجعنا البيت قلت له ايش رأيك نعزمهم عندنا !
قالي لا
قلت له عيد !
قالي يكفي قلت لهم مرة وحدة و خلاص ..

طبعا لو انفتح الباب هذا ..
المشكلة في اخوان زوجي و ام زوجي .. ( سري مري ) على قولتهم ..
و ممكن اي وقت يعزموا نفسهم عندي و حتى لو الوقت غير مناسب
و يستحلوا البيت لهم ..

و زوجي وقتها ما راح يقدر يرد عليهم و لا يوقفهم عند حدهم ..
و بندخل وقتها بمشاكل انا و هو مثل زمان ..

كيف اتعامل مع أخواته و بحيث اني أكرمهم مثل ما اكرموني لما نزلت لمدينتهم !؟
و ما يجي مني تقصير !؟

اكرامهم لي ..
القصد - الكرم بالنسبة لهم و بمنظورهم - ..
يعني حطوا لنا فطور من بيتهم مثلا ..
او طبخت غداء لنا .. و ما نجلس عندهم اكثر من يوم او نص يوم ..

المهم نحن نادرا ما نزورهم .. لانهم بمدن تانية
و كلها زيارتنا لهم تتعد عالاصابع .. يعني ممكن دخلنا بيت كل وحدة
يا مرة او مرتين بالكثير خلال فترة زواجنا

هما يعرفوا زوجي ما يحب يزورهم و هو كذا ما يحب و ماعرف ليه !؟
و يفرحوا بزيارته لهم .. و مرات لو نزلنا نفس المدينة .. يسلم عليهم زوجي من عند الباب
و هما يبغونا نواصلهم .. و انا ما اكره الشي هذا ..

التعديل الأخير تم بواسطة روح الطير ; 17-07-2015 الساعة 03:10 PM
رد مع اقتباس
إضافة رد

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 02:05 PM.


images