على فكرة

قلت له ترضى أكتبها لأحد ؟ قال لأ طبعا أغار عليك

قلت له ترضى أحد يكتبها لي ؟ قال لي لأ طبعا



للأسف كنت أعتقد إنه يوم يقرا مشاركاتي في النت

يزداد احترامه و تقديره و إخلاصه لي و مع العلم أي إضافة تجيني في الماسنجر

على طول أقول له و إذا كان شخص غريب أحذفه و لا أخلي زوجي يكلمه

يعني أنا محترمة ثقته مثل ماكنت و مازلت محترمة ثقة أخواني و اسم أبوي قبل الزواج

ليه كذا أغلب الرجال ؟



إذا هو عنده شيطان أنا عندي مليون شيطان

و ما راح أرتاح لحد ما أرد كرامتي و لو يصير اللي يصير

الأخ اللي يقول

ياخوي هم عيلتهم متساهلة في أمور عديدة

مثل الحجاب

يعني لو طلعت بطولي قدام أخوهم ، فهذا مناهم و عندهم عادي

و لو ركبت في السيارة معاه لوحدي فعندهم كمان عادي

لكن أنا اللي رفضت من البداية

و الحمو الموت
__________________________________

و إذا تقول يهرب بتصرفاته هذه مني ، فإنت غلطان

زوجي عنده مراهقة متأخرة لإنه انحرم في بيت أهله من كل شئ

و يوم تزوجني جاب التلفزيون و النت و كل شئ

و أنا اللي بأتحمل و أستنى متى تنتهي هذه المراهقة ؟؟؟؟؟؟؟؟؟

و كل مرة أصبر و أقول بكرة يطفش و يمل


ترانا في العشرينات و الله العالم في الأربعينات ويش يصير ؟

غاليتي . .

احس بحرقة قلبك صديقيني وزوجك غلط ولازم يحس بغلطته اذا قدامك هالشي اجل من وراك لاسمح الله وش بيسوي ؟؟

وبعدين اذا شاف هالشي عادي بعدين لاقدر الله يتطور اكثر من كذا ويشوفه شي عادي . . .

عزيزتي . .

آسفة اذا أطلت عليك بس صدقيني حسيت باحساسك بالألم من قبل وهذا مادفعني للرد بجرأة . .

لاوم تتكلمي معاه بأجواء بعيدة عن التوتر والشحناء وتوضحي له وجهة نظرك وان هالشيء جداً ازعجك . . .

والله يهدي لك زوجك وتكوني قرة عينه . .

وشكراً.

__________________
ربي يخليك لي ويحفظك ياأغلى زوج بالدنيا كلها

عساني مانحرم منك ومن حنانك ياتاج رآسي

أختي توتا

جزاك الله خير إنت و بقية الأخوة و الأخوات

لإني بجد فكرت خلاص بأغير طريقتي في النت ، دامه يشوفها شئ عادي جدا

لكن ردودكم تكفيني

__________________________________________________ _____________

لكن

كيف أحسسه إنه اللي سواه غلط و إنه هناك حدود في الرد بين الأعضاء و العضوات ؟

و المشكلة دايم ينتقد المنتدى هذا و أقول له مافيه رسايل خاصة و المشرفين ما يقصروا

لكن هو يحب المنتديات اللي فيها ألعاب و مسابقات و اللي الهدف منها زيادة عدد المشاركات فقط و ألعاب مراهقين

و أنا قبل الزواج كنت أنتقد بداخلي المواضيع هذه و أتضايقت يوم شفت زوجي يدخل يشارك فيها و يموت فيها

و بجد أحسه كل مرة ينزل من نظري

الناس تدخل تشارك في مواضيع عامة و ثقافية و هو يدخل يلعب لعبة مين يوصل للعدد الفلاني ووو إلخ


كنت أتكلم أحيانا معاه ، إنه ليه ما يكون النت حجة له لا عليه ؟

و إيش فايدة الردود هذه اللي ما راح تزيد من رصيد حسناته شئ

لكن أحسه ما يفهمني و صرت أتركه براحته و ما أتدخل




نحن حلينا المشكلة هذه تقريبا و وعدني ما عاد يدخل المنتدى هذاك و لا يقرب من اللاب توب تبعي

( أحتاج اللاب توب و النت ، علشان عندي مشاريع )

لكن قلت له المشكلة مو مشكلة نت و منتدى ، اليوم منتدى و بكرة الله العالم فين ؟

دامك ما حافظت على ثقتي ألحين ، طيب و بعدين ؟


لو أول مرة أقول عادي و أسامح و أنسى مثل الأيام اللي قبل

لكن الله يستر من اللي جاي لإنها حتكون آخر فرصة و حتكون القشة اللي قصمت ظهر البعير



أتوقع الأخوات بيفهموني أكثر و خاصة المتزوجات

اعانك الله
مواضيع مثل هذه لا تتخذ بالحده
حاولى ان تتواجدى معه على الدوام فلا تتركين مجال له للخيانه

الحقيقة اختي روح الطير ......زوجك يحاول يجد لنفسه مبرر لكي يتمادي بالكلام المعسول ..واللي نهايته مؤسفه واساليني انا ...ياااااااااااااااما طحنا ..في البداية كنا نشوفها عادي وتاليتها طلعت كاروهات.

وقولي له بصراحه ..لا عادي ولا كاروهات ....واذا كل شوي بتقول لي عادي وملون ..فانا حيصير الامر عندي عادي وبلعب علي نفس الوتر ..فخليييييييك عادي قبل لا اصير كاروهات ....تحياتي .

__________________
http://www.shbab1.com/2minutes.htm

زوجي و اللي أعرفه عنه

يغض البصر و الحمد لله و لا ينظر لأحد سواي و لا يكلم النسوان

لكن ليه كذا في المنتدى ؟ ليه يشوف إنه شئ عادي ؟

هل عنده خلل في داخله ؟ الله العالم ؟؟؟؟؟؟؟؟؟؟؟؟؟؟؟؟

يمكن لإني أقرأ قصص كثير في النت عن مشاكل بسبب النت و المنتديات

و دايم أسد على نفسي هذه الأبواب و مداخل الشيطان

و هو يشوف إنه الشئ هذا عادي ؟

يمكن هذا هو سبب سوء الفهم و الله أعلم

أخوي خبير الأعشاب

جيت على الوتر الحساس الله يجزاك الجنة

قلت اللي قلته له

يمكن إنتوا رجال و تفهموا على بعض

يمكن زوجي جديد على المنتديات و النت و ما يعرف إنه النهاية مؤسفة

لكن أبغاه يعرف إنه إذا فتح الباب هذا على نفسه ، فهو بيدمر بيته بنفسه

لإني راح أسوي مثله ، لإنه يشوفه شئ عادي ؟؟؟؟؟؟؟؟؟؟؟

فأكيد إذا شفت زوجي متساهل في الشئ هذا ، فمرة على مرة و أبدأ أتساهل ؟؟؟

و ما أبغاه يراعي الشئ هذا عشاني ، أبغى يكون شئ بداخله يردعه ؟؟؟؟؟؟؟؟؟؟؟؟؟

بس حاسة إني عجزت

فعلا مشكلة , لكن العيب على اللي كتبتله الكلام ده , قولي بس حسبي الله و نعم الوكيل فيها
و ادعي لزوجك بالهداية
في طريقة سمعت عنها تقدري تعملي بلوك على موقع فيظن الشخص ان الموقع معطل
لكن لا أعرف كيف للأسف , ابحثي عنها ربما تفيدك و ترتاحي من ذاك المنتدى التافه
أذكر الألعاب المتخلفة دي كنت بلعبها و أنا عندي 10 سنين و و بطلتها لتفاهتها بعد عدة أشهر و الحمد لله مرت 9 سنوات و أنا بعيدة عن منتديات تافه كهذه
اخبري زوجك أن معظم من يلعبون معه أطفال لكنه لا يعرف حقيقتهم
حتى من كتبت له هذا الكلام ربما تكون طفلة صغيرة لا تعي ما تقول و زوجك مصدق انها امرأة ناضجة
مرة ظن أحد الأعضاء أختي ذات الثمان سنوات فتاة كبيرة و حاول التعرف عليها , و صدم عندما عرف عمرها ههههههه و أنا بهذلته لأني كنت دائمة الجلوس بالقرب منها
ربنا ييسرلك أمورك

__________________

مالك الا تدعيله اختي روح الطير

ادعي له ربنا يهديه والله يسعدكم ويهنيكم

__________________