السلام عليكم ...

سؤالي واضح من العنوان بطلع اليومين هذي أشتري جوال

رحت قبل وشفت أشكال والوان من الجلكسيات وأنا مالي فيها

مااعرفت متشابهه واليوم لازم أقرر

بحثت في مواقع اليوم أحترت مره هذا مره هذا

طبعاً ماأبغى أيفون عندي 6 بلس ومليئ بصور وملفات

خاصه بالدراسه

وأمتلى ومااقدر أصور ولا أسجل فديوهات لذلك قررت

أشتري جوال جديد

ياليت تنصحوني إيش أشتري بالضبط ولو ترفقوه بالصور
والسعر

السعر ابغاه مايتحاوز 3 الالاف

ولو لقيت ب2000 تصويره حلو بأخذه لكن مشكلتي مااعرف

للجلكسيات أبداً ولا السوني ولا أي جهاز آخر غير الايباد والايفون

اليوم بحاول انزل انتظر ردودكم 😘

هلا متفائلة.

جربي LG G4 .. أو LG V10



باسوي الغدا وعقب بارجع أحط لج الصور.

__________________


اللهم طِيبَ الأثر .. وحُسْنَ الرحيل.

LG v10 او جالاكسي اس 7 ادج
كلهم جهازين عملاقين.. ويركب عليهم ذاكرة خارجية تصير تحطي فيها ذاكرة ضخمة ماراح تمتلي الا بعد سنين طويلة.
السوني والجالكسي وLG كلهم نظام تشغيل واحد وهو نظام اندرويد.. بس يختلفون بواجهة النظام وشكل الايقونات.. ما يسمى skin لكن البرامج والستور هو واحد ونفس البرامج تقدر تنزليها على اي جهاز اخر بنظام اندرويد..

شوفي انتي ما تعودتي على الاندرويد يمكن تواجهي بعض الصعوبات باستخدامه وقد لا يروق لك ويصير تكرهيه. لأنو المتعود على الايفون كذا والعكس برضو الي متعود على الاندرويد ما يجوز له الايفون ابد..

عموما اجهزة الاندرويد قوية بالبطارية والكاميرا والشاشة ومميزات كثيرة حلوة مثل سهولة نقل الملفات وربط الكمبيوتر واشياء كثير..

حياك مهورتي بالعافيه عليكم

انتظر رجعتك😘 واكتبي لي إيش الافضل بينهم

حياك ياسر

أنا عجبني إس 7 أدج بلس تنصحني فيه أحس شكله أقرب للأيفون وأطرافه جميله😅

وأنا عمري ماأستخدمت جالكسي وكل العيله أجهزتهم من آبل

ممكن تقولي تقريباً تصويره زي الايفون ؟

مشكور أخوي فعلاً بيصعب علي إستخدامه خاصه إني بكرهه
لكن مو حلوه أشتري جهازين من آبل نفس الشكل

وأيفون 7 لسى مطول شكله

بالنسبه لLG 4 أو LG v 7

ايش الفرق بينهم وكم الفرق في السعر

لا تصويره افضل من الايفون بكثيير .. ومعروفة اجهزة الاندرويد كانت مفوقة على الايفون بالتصوير من زمن... حتى وان الجديد الآن من الايفون اصبحت كاميرته جيدة.. لكن الاس 7ادج يتميز باشياء كثيرة اخرى، مثل الفوكس السريع ودقة اعلى في الالوان. اضافة الى كاميرا امامية افضل بكثيير..
طبعا الكثير يقول تصوير سيء لأنه يشوف السناب شات.. وهذا صحيح تصوير السناب سيء على الاندرويد والايفون افضل منه .. والسبب يعود للتطبيق نفسه وليست مشكلة بالكاميرا.. يعني السبب من السناب شاب نفسهم.

الفرق بين LG g5 و LGv10 ان الv10 شاشته اكبر وفيه مميزات اخرى كمان..

عموما روحي جرير اذا انتي بالسعودية .. وهناك تشوفي الاجهزة معروضة امسكي v10 بيدك راح تحسي بجمال الجهاز جدا رهيب.

النوت 4 او سوني زد3

LG G4




LG V10

الأسود اللي على اليمين.




السعر متفاوت بين محل وآخر على حسب الضمان اللي يعطونج .. لكن إجمالاً السعر ما بين 2100 و2500 أو 2600.

__________________


اللهم طِيبَ الأثر .. وحُسْنَ الرحيل.

ما انصحج بالجالاكسي ...
تصويرهم كلش لا
جربت 3 من عندهم .. و ندمانة ان ما كررت تجربتي مع الايفون 💔

__________________

حاجة الناس إليكم من نعم الله عليكم ، فـ لا تملوا النِعم ☁✨