شي غير مضمون ..رغم ان والدي قال اطلعي وخذي من تريدين من ابنائك

معناها تصرف والدتك هو الصح ...
هل تتخيلي انه نفسيتها راح تكون افضل وهي معززة بشقة لحالها ومصروف مريحها وقلبها محروق على عيالها مو عارفة اذا اكلوا واذا احد ضربهم؟؟

اللي بيدك تعمليه عشان تساعديها هو انك ترفعي من معنوياتها وتحاولي تخففي من الضغط النفسي اللي هي فيه قدر الامكان بطلعة . بزيارة .. بمدح وتدليع . بفيديو باليوتيوب يضحك ... اي حاجه

وتوقفي عن محاولة الاصلاح لانها تضعف موقفها وتظهرها وكانها محتاجه منه شي او منزعجة من فرقاه ...
بينما طريقتها تظهر له بانها مستغنية عنه وتقدر تعيش بدونه وهذا يقوي موقفها ويخليه يدور على طريقة يكسبها فيها.

هي تعرف انه كل مسباته ورسائله ودعاؤه مجرد كلام ما يقصده انما تصرف يدل على ضعف حيلته امامها لكن مو غلط لو تذكريها بهذا وتقوليه امامها عشان تحس فيه اكثر وتتحسن نفسيتها . وتصير ما تتاثر كثير منه
لان بالنهاية المهم هو الواقع واللي صاير مو الكلام . والواقع هو انها مع عيالها وهو اللي يصرف عليهم
حاولي تساعديها ماديا بما انه والدك مضغوط ماديا فممكن انه مقصر باشياء .. شوفي انتي ولاحظي وين حاجتها وجيبيها لها بدون ما تضطريها تطلب منك واتركي بيدها شيء من المال

وهو لما يشوفها بنفسية مرتاحه وعايشه حياتها راح يدرك انه بس منكد على نفسه ومو مستفيد شي وساعتها راح يغير طريقته معها

__________________

خالة بيتا كل اللي قلتيه والله قاعد يصير .. بس إلى متى؟

ممتاز يعني الوالده في بحياتها لحظات حلوة وممتعة .


الى أن يكبروا اخوانك وما يعودوا بحاجة أمهم ....
معلش حبيبتي ... هي راضيه وهذا قدرها ... لو كانت بتتخلى عنكم كان تخلت زمان ومع انه حياتها الان تشوفيها صعبة لكن صدقيني أسهل من انها تعيش بعيد عن صغارها ..

مو دائما يكون الطلاق حل ... ووالدك بما انه طلق مرتين من قبل أحسه متهور خاصة الان وهو بحالة نفسية سيئة ... ما بدي نضغط عليه ويسوي شيء يندم هو وانتو عليه .

__________________