وسبب إتصاله أرجح السبب الأول يسألني عن زوجي وليه مايرد عليه وبرضه اتوقع بيفتح موضوع أمي وبيظهر لي إنه مو هو وانه مستعد يطلع الي راسلني زي ماقال لأمي
لذلك مابرد عليه أخاف مااعرف ارد عليه زي أمي ويفهم إني ابغاه يتواصل معاي

انا صح جريئه ومااظهر خوفي بس برضه ممكن أخجل وماأقدر أوقفه عند حده

حصل مستجد وتصرفت بس حبيت أضيفه

ارسل لي ؛ ممكن تساعديني ام فلان
ارسلت ؛ لا
هو : ليه
انا ؛ والله ياابو فلان يبدو انك تسعى لخراب عشك
ماسكه نفسي لا أفضحك عند زوجتك وأمك واولادك فلا تستفزني اكثر وتخليني أتصرف تصرف يقلب حياتك لاني لازلت محتفظه بالأدله فاحترم نفسك ولا تفجع أخوك فيك لانه نواياك مفضوحه

وع طول حضرته ماانتظرت رده الرسائل نصيه


كان نفسي أسئله ايش الي تبغى تتوصله ؟
معقوله يبغى يكّون علاقه معاي
والله مو مصدقه أوقات اقول اكيد يبغى يتكلم معاي في مشاكلهم اقصد زوجته وباقي سلفاتي لانه بينهم مشاكل كثير ويبغاني اكلم سلفتي المقربه لي لا تستفز زوجته او اي شي من هالقبيل

عقلي مو قادر يستوعب إنه نيته تجاهي غلط
انا الوحيده الي مااتكلم معاه من سلفاتي كلهم عادي يردو عليه
زمان كنت ارد عليه اذا اتصل او اذا اتصل ع زوجي وزوجي مشغول بس الان توقفت كذا كرهتهم كلهم هالعائله لأسباب كثيره واصبحت اتهرب منهم حتى في اجتماعاتهم

انا ارى انه ضروري جداً عدم الرد عليه ولا حتى بكلمة واحدة

والاستعانة بالزوج واخباره

__________________

في الوقت الي كنت ابغى أخبره وكان الوقت مناسب اني أقله خوفتوني

والان لما الوقت مو مناسب والأدله راحت أكلمه؟

بعدين اخوي لماذا نتزوج ؟ تأيدني إنه فقط يبغاني أكلمه زيي زي سلفاتي

انا ماافكر اكلمه أبداً لأني اعرف نفسي الشخص اذا أخطأ في حقي وحاول يدافع عن نفسه بأسلوب راقي وبأدب حتى لو إنه خبيث مااقدر أهاجمه بالكلام وأكذبه
اتركه ينتتهي من كلامه وبعدين اتحاور معاه بالأدله وبعدها أحذرها بهدوء

بس اعتقد انه هذا الأسلوب ينفع مع وحده مثلي لكن رجل ممكن يفكر انصاتي له هو تواصل معاه تأيدني صح؟

طيب أوكي لو قررت اكلم زوجي ايش اقله بالضبط كل الي حصل من قبل وتهزيئ أمي له
انا فرحانه اني كلمت امي ع الأقل هي الشاهد الوحيد ع رسائله

__________________

عمره 34 سنه او 33 ماني متأكده بالضبط

معليش 43 او 44 هو الكبير

ليه سميتها مداخل الشيطان 😐 أنا سألت عشان الاقي إجابه تريحني منكم مو عشان اتواصل معاه

حتى لو تأكدت انه يبغى مساعده مستحيل اكلمه بعد الي سواه في أبويه

__________________

__________________