نعم هذا النظام في السعوديه ..
الأصل للمطلقه لأن البعض في السابق كانوا يطلقون حريمهم ولا يبلغونهم وتجلس الحرمه معلقه شهور ويمكن سنين وهي مطلقه ولا تدري, لذلك ما يعطون الأصل للمطلق
ولك صوره وهي بمثابة أصل تقدر تخلص فيها أمورك في الأحوال المدنيه وتبقى الصوره عندك ما ياخذونها منك, واحتفظ فيها عندك .
بالنسبه للأطفال أنصحك بالبحث في مواقع متخصصه في النت واليوتيوب عن "التعامل مع أطفال المطلقين" من ناحيه نفسيه, أنصحك جدا بالرجوع لهذه المواقع والاستفاده منها, ولا تذكر أمهم بسوء قدامهم أبدا حتى لو هي أساءت لك أمامهم
وخلك على تواصل مستمر معهم وجبهم عندك في الويكند والاجازات ينامون عندك وتطلعون سوا وتلعبون سوا
يعني مارس حياتك بشكل طبيعي جدا معهم وحدد لهم مصروف شهري يتناسب مع دخلك
ارسله لأمهم على حسابها البنكي ليكون عندك اثبات رسمي بأنك ترسل نفقه عشان تتفادى المفاجآت مستقبلا
فربما تتهمك بعدم الصرف عليهم .
نصيحة سافر مع عيالك وغير جو انت بحاجة لراحة نفسيه خذ اجازة واطلع غير جو ولا تشيل هم وش بسوي بكرة وش الحل وش بقول لعيالي وش بيصير توكل على الله واطفالك اجلس معهم واشرح لهم اصلا عيال هالوقت يعرفون كل شي وتلقاهم فاهمين بس اجلس وقول لهم
كم اعمارهم الله يحفظهم ؟