العدد الاخير من ملف البشرة - منتدى عالم الأسرة والمجتمع
logo

الملاحظات

المواضيع المميزة المواضيع المميزة في المنتدى

 
قديم 01-01-2006, 01:24 AM
  #1
princees
من كبار شخصيات المنتدى
تاريخ التسجيل: Mar 2005
المشاركات: 2,815
princees غير متصل  
tongue3 العدد الاخير من ملف البشرة





مكياجي من صنع إيدي


طبعا مافيش بنت من بنات حواء تقدر إنها تستغنى عن المكياج، بس يا سلام لو كان المكياج ده من صنع إيدك إنتِ علشان تضمني إنه طبيعي مية في المية وخالي من أى مواد كيمائية ممكن إنها تضر بشرتك وتسبب لها البقع السودة -لاقدر الله-....

علشان كده فكرت إننا نعرف مع بعض طريقة عمل بعض أدوات التجميل اللي مافيش حد يقدر إنه يستغنى عنها..
وماتخافيش.. مكوناتها هتلاقيها عندك فى البيت، يعنى مش هتكلفك حاجة خالص...


ازاي تعملي الكحل



معروف إن سر جمال المرأة وسحرها بيبان من جمال وسحر عيونها، واحنا بنحب إن عيوننا تبان واسعة ورموشنا طويلة كثيفة وكمان قوية..

يبقى مافيش أحسن من الكحل السائل اللي يقوم بالعملية المهمة دي، وعلشان تضمني سلامته وصحة عيونك يبقى مافيش حاجة أفضل من إنك تعمليه في البيت بنفسك..

آه فعلا ممكن إنك تعمليه بنفسك في البيت.. عايزة تعرفي ازاي.. تعالي شوفي بنفسك..



أصل الكحل إيه؟

على فكرة الكحل ده بيكون على شكل حجر بيسمى الأثمد "موجود عند العطار".. وخلّي بالك إنه يكون حجر الأثمد مش أي حجر تاني، علشان فيه أحجار موجودة في السوق بيتعمل منها الكحل السائل اللي بيتباع في الأسواق، بس الأحجار دي بتسبب حساسية للعيون علشان فيها نسبة عالية من الرصاص..

طريقة عمل الكحل:

فيه أكتر من طريقة لعمل الكحل السائل، وإنتِ اختاري منها اللي يناسبك:

الطريقة الأولى:



المكونات:

- أربعة أحجار متوسطة من الحجر الأثمد "موجود عند العطار".
- ماء زمزم.
- زيت زيتون أو زيت خروع.


الطريقة:


- تنقع أحجار الكحل لمدة ثلاثة أيام في ماء زمزم، وده علشان تنفصل المواد والشوائب اللي بتكون عالقة في الحجر.


- تؤخذ الأحجار من المية وتطحن مع قليل من ماء زمزم وبعض نقاط من الزيت -الزيتون أو الخروع- أكتر من مرة لغاية ما تلاقيها أصبحت ناعمة قوي.


- يؤخذ المسحوق الناعم اللي طلع من عملية الطحن ويوضع في المكحلة الخاصة بالكحل.




الطريقة الثانية:




- وهى إنك تضعي الحجر الأثمد على النار لغاية ما ينصهر ويتفجر ويخرج منه الحصى الناعم، وبعد كده ينقع الحجر في خليط من "الماء والقهوة العربية" لمدة 40 يوم.

- بعد مرور الـ40 يوم شيليه واطحنيه في الهون لغاية ما تلاقيه بقى عبارة عن مسحوق ناعم.

- أحضري قطعة قماش ناعمة وانخلي فيها المسحوق، وبعد ما تنخليه عبيه في المكحلة الخاصة بيه واستعمليه..

- وهتشوفي النتيجة؛ جمال عيون إيه، وجاذبية إيه، لأن النوع ده من الكحل بيضفي لمسة لجمالك، بالإضافة إلى إنه بيساعد على نمو الرموش...



الطريقة التالتة:

والطريقة دي مش بتختلف كتير عن الطريقة الثانية إلا في إنك بتنقعي الحجر الأثمد في مزيج من الماء وورق الحنة "بدل القهوة العربي" وتعملي نفس خطوات الطريقة الثانية..


الطريقة الرابعة:

- ضعي الحجر الأثمد في خليط عبارة عن "ماء الورد + زعفران" لمدة ثلاثة أشهر لغاية ما تلاقي الحجر بدأ يلين.

- وبعد كده شليه من الخليط واطحنيه في الهون لغاية ما تلاقيه بقى ناعم زي البودرة......

- أحضري قطعة قماش ناعمة وانخليه علشان تتخلصي من الشوائب اللي ممكن تكون موجودة فيه..

- كرري عملية النخل دي 5 مرات لغاية ما تتأكدي إن مافيش أي شوائب فيه...



دي كانت كام طريقة لعمل الكحل وإنتِ تختاري منها اللي يناسبك، لو تعرفي طريقة تانية ياريت إنك تكتبي وتقولي لينا عليها..


دلعي عينيكِ




طبعا محتاجة شوية دلع كمان علشان تدلعي عينيكِ وتبرزي جمالهم، يبقى أكيد هتحتاجي الماسكرة والآي لاينر، بس إيه رأيك لما يكونوا هم كمان طبيعي وإنتِ عملاهم بنفسك.. إيه رأيك؟؟
تعالي نعملهم سوا....


كمان الآي لاينر طبيعي

ممكن إنك تعملي "الآي لاينر" باستخدام الكحل اللي إنت عملتيه عن طريق إنك تحطي ريشة الآي لاينر في مزيج من "زيت الخروع مع الماء" وبعد كده تحطيها في الكحل..


طريقة وضع الآي لاينر


وعلشان احنا بنقدم كل حاجة تهمك هنقول لك ازاي تحطي الآي لاينر:

1. بصي يا ستي، في الأول لازم تتأكدي إن فرشة الآي لاينر اللي عندك مافيهاش أي شوائب من أثر الآي لاينر الصناعي.. وبعد كده تحطيها في مزيج مكون من "زيت الخروع + الماء" وبعد كده تحطيها على الكحل السائل اللي عندك..


2. استخدمي إيديكِ الاتنين واحدة في مسك الفرشاة والتانية في شد طرف عنيكِ.


3. وفي انسيابية شديدة ارسمي خط رفيع على طرف الجفن العلوي لعييكِ..




لا لقلم تحديد الحواجب..


إيه رأيك كمان لو تستغني عن قلم تحديد الحواجب وتستخدمي بدلا منه الكحل الطبيعي.. وده عن طريق إنك تحطي ريشة المكحلة في شوية زيت وبعد كده ترسمي بيها حواجبك...


ابتسامة جميلة طبيعية




علشان ابتسامة حلوة طبيعية يبقى مافيش أحسن من ملمع الشفايف الطبيعي..

بس فيه حاجة لازم تعمليها قبل ما تحطي الجلاس علشان يجيب نتيجة أحسن، وهي إنك:


1- تحطي شوية فازلين على شفتك ودلكيها بفرشة أسنان قديمة، وماتخافيش لأنها مش هتجرح شفتك لأن الفرشة القديمة هتكون ناعمة.

2. هاتي كبسولات فيتامين E من الصيدلية وفرغي محتويات الكبسولة على شفتك.

3. فيه كمان حاجة تعمليها قبل ما تنامي وهي إنك تدلكي شفتيك بزيت الزيتون أو السمسم.




ودي طريقة عمل الملمع

المكونات:

معلقة كبيرة من زيت اللوز الحلو.
10 ثمرات من التوت.
معلقة من العسل .
معلقة من زيت فيتامين هـ(E)


الطريقة:

1. اخلطي كل المكونات دي مع بعضها في طاسة مايكروويف.

2. سخني المكونات دي مع بعضها لمدة دقيقتين لغاية ما تلاقي الخليط بدأ يغلي.

3. اهرسي التوت بلطف واتركي الخليط يبرد لمدة خمس دقائق، وبعد ذلك صفيه بمصفاة رفيعة.

4. ثم قلبي ثانية واتركي الخليط لغاية ما يبرد بالكامل. ولما يبرد عبيه في علبة نضيفة، ولما تعوزي تستعمليه اغسلي فرشة الجلاس اللي عندك كويس واستعمليها.

5. ثم ضعي كمية منه على شفتيك واوعي تنسي الابتسامة الجميلة الدائمة.



استغني عن الماسكرة الصناعية

طبعا علشان الأضرار اللي ممكن تسببها ليكِ الماسكرة الصناعي من احمرار العينين وتهيج في الجفون يبقى مافيش أحسن من الماسكرة الطبيعي اللي إنتِ عاملاها بنفسك.

دي طريقة ممكن إنك تجربيها علشان تعملي الماسكرة وهي:


طريقة عمل الماسكرة

ممكن تعملي ماسكرة عن طريق الآتي: وضع الكحل اللي إنتِ عملتيه مع معلقة صغيرة من نشأة الذرة وزيت زيتون في علبة الماسكرة القديمة اللي عندك واستخدميه..
وهتلاقي نتيجة هايلة..



ألوان الماسكرة من صنع إيدك

ممكن إنك تعملي ماسكرة بالألوان اللي إنتِ عايزها، يعني لو عايزة ماسكرة لونها بني ممكن إنك تحطي حجر الأثمد اللي لونه بني، لو عايزاها صفرا تضيفي الزعفران على الكحل اللي عندك...



طريقة وضع الماسكرة


مافيش أحسن من الطريقة دي لوضع الماسكرة وهي: إنك تبدئي في دهان الرموش بالفرشاة ابتداء من جذور الرموش وصولا إلى النهايات، وابدئي بالجفن العلوي ثم غمضي عينيك وبعد كده الجفن السفلي...




زيت الخروع للعناية بالرموش

لو عايزة رموش كثيفة طويلة يبقي مافيش أحسن من زيت الخروع "وده موجود في الصيدلية أو عند العطار".

وكل اللي إنتِ هتعمليه إنك تدهني بيه رموشك باستخدام أطراف صوابعك كل يوم قبل ما تنامي، وبعد فترة هتلاقي رموشك فعلا أصبحت كثيفة أكتر من الأول.




وبكده يبقى قدمنا الملف الكامل للبشرة..
ارجوا ان ينال رضاكم واى استفسار انا فى الخدمة


__________________
قديم 01-01-2006, 01:39 AM
  #2
حائزة الأمل
عضو المنتدى الفخري
 الصورة الرمزية حائزة الأمل
تاريخ التسجيل: Aug 2005
المشاركات: 10,658
حائزة الأمل غير متصل  
أميرتنا الرائعة برنسس ..طرح متميز أخر من قلمك دمتي ودامت حروفك مضاءه بالإبداع

أختك

حائزة الأمل
__________________
قديم 01-01-2006, 11:19 PM
  #3
princees
من كبار شخصيات المنتدى
تاريخ التسجيل: Mar 2005
المشاركات: 2,815
princees غير متصل  
اقتباس:
المشاركة الأصلية كتبت بواسطة حائزة الأمل
أميرتنا الرائعة برنسس ..طرح متميز أخر من قلمك دمتي ودامت حروفك مضاءه بالإبداع

أختك

حائزة الأمل
__________________
قديم 01-01-2006, 01:40 AM
  #4
همسـ
عضو المنتدى الفخري
تاريخ التسجيل: May 2004
المشاركات: 8,902
همسـ غير متصل  


الله عليك يامبدعه

تثبيت

+

نسخه للتميز بعد إكتمال الردود

ويعطيك الفين عافيه

__________________


(≈• سُبْحَانَڪِِ اللَّهُمَّ وَبِحَمْدِڪِِ.أَشْهَدُأَن ْلاَإِلَهَ إِلاَّأَنْتَ.أَسْتَغْفِرُڪِِ وَأَتُو بُ إِلَيْڪِِ ≈)
قديم 01-01-2006, 11:24 PM
  #5
princees
من كبار شخصيات المنتدى
تاريخ التسجيل: Mar 2005
المشاركات: 2,815
princees غير متصل  
اقتباس:
المشاركة الأصلية كتبت بواسطة مسموسي


الله عليك يامبدعه

تثبيت

+

نسخه للتميز بعد إكتمال الردود

ويعطيك الفين عافيه

__________________
قديم 01-01-2006, 01:55 AM
  #6
بنت شام
قلم مبدع
تاريخ التسجيل: Nov 2005
المشاركات: 1,059
بنت شام غير متصل  
مشكوررررررررررررررررررررةعن جد ممتازة
ممكن
انا سؤيت صابونة ما نجحت معي
ما راضي تجمد سويت مثل ما قليتي
ممكن ترسلي على خاص
قديم 01-01-2006, 11:27 PM
  #7
princees
من كبار شخصيات المنتدى
تاريخ التسجيل: Mar 2005
المشاركات: 2,815
princees غير متصل  
اقتباس:
المشاركة الأصلية كتبت بواسطة بنت شام
مشكوررررررررررررررررررررةعن جد ممتازة
ممكن
انا سؤيت صابونة ما نجحت معي
ما راضي تجمد سويت مثل ما قليتي
ممكن ترسلي على خاص
__________________
قديم 05-01-2006, 03:01 AM
  #8
همسـ
عضو المنتدى الفخري
تاريخ التسجيل: May 2004
المشاركات: 8,902
همسـ غير متصل  
حرر من التثبيت + نسخه للتميز

تحيتي
__________________


(≈• سُبْحَانَڪِِ اللَّهُمَّ وَبِحَمْدِڪِِ.أَشْهَدُأَن ْلاَإِلَهَ إِلاَّأَنْتَ.أَسْتَغْفِرُڪِِ وَأَتُو بُ إِلَيْڪِِ ≈)
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 06:05 PM.


images