السلام عليكم ورحمة الله وبركاته
باركولى
بقيت 160 بوند يعنى 72,5 كيلو يعنى نزلت 800 جرام الإسبوع ده
افطار بياض بيضة مسلوقه وواحده طعمية منشفاها بمنديل لامتصاص اى زيت مع شرائح طماطم وفلفل اخضر وخيار
و نصف رغيف سن صغير وكوب شاى محلى بنصف ملعقة عسل ابيض
السعرات: بياض بيضه 15
طعميه واحدة 50
نصف رغيف 70
نصف ملعقة عسل ابيض 5
شرائح خضار 10
المجموع 145

ألف مبرووووووووك لسه ناوية أدخل وأكتب لك لاتقلقي وتتحبطي إذا مانزل وزنك في الميزان استمري وحتتفاجيء بوزنك ينزل دفعة وحدة

وماتنسيش تقيسي جسمك بالمتر مش بالميزان بس

واكتبي القياسات في ورقة عندك وسجلي التاريخ

وارجعي بعد اسبوع وقيسي مرة ثانية وسجلي القياسات والتاريخ ..وكذا

أنا فرحانة جداااااااااااااااااااااا لك وبإذن الله راح تكوني مثل ماتحبي وأنت طيبة

وأنا بدأت اليوم أسوي رجيم لأن وزني زاد بس خبصت العشاء وأكلت وجبة دسمة بس شربت بعدها شاي تخسيس

والله شجعتيني وبإذن الله راح أنتظم معاك في الريجيم من بكرة ونتقابل بعد أسبوع ونشوف كم نقصنا بالوزن وبالمتر

أتفقنا؟؟؟

__________________

:14:أم جوجو حبيبتى فى صفحتى ومنوراها :14: لأ ولسه كمان دى هتشارك معايا وتشجعنى وتنور الصفحة باطلالتها المتميزة ......
والله بجد أول ما شفت مشاركتك فى الموضوع لقتنى بأبتسم ابتسامه عريضه جدا وفرحت قوى قوى ربنا يفرح قلبك بأولادك يارب.
وأنا عايزه أقول لك وأعرف كل اللى بيدخل على موضوعى ده أن الفضل الأول بعد ربنا سبحانه وتعالى فى تشجيعى على الرجيم والرياضه هو حبيبتى ام جمانه
إنتى عارفه يا أم جوجو أنا بأعمل بنصايحك يعنى انا بقيت بأمشى مشى سريع كل يوم داخل البيت وبدون ما انتظر انى اشترى آله ولا غيره وجايب معايا نتايج والحمد لله ده غير الرياضه التانيه وتخفيف الأكل زى ما نصحتينى وكلامك كله درر فى عقلى لا ينسى الله يجعله فى ميزان حسناتك يارب
أما عن المقاييس بالمتر فأنا فعلا بأعمل كده وبأخذ مقاس الخصر والأرداف والصدر والورك وبلاقى تقدم ملحوظ فى المقاسات فعلا والحمد لله ( بس بأتكسف اكتبها على النت) لكن أنا متابعة وبشدة والاسبوع اللى ما أنزلش فيه على الميزان بلاقى نفسى نزلت فى المقاس
وأنا منتظره وكلى حماس انك تنتظمى معانا فى الرجيم وتييجى بعد اسبوع وتقولى لنا على كم الخسارة فى الكيلوات باذن الله . لكى منى أجمل تحيه واحترام.

السلام عليكم

مبروك يا ام عمار هانت مباقاش غير كيلوين ونص و تدخلي لل60


انا والحمد لله نزلت الاسبوع ده كيلو

__________________

أم لؤى..............
مين قال لك ان التدخين بينزل الوزن .انتى كده تبقى عايزه تنتحرى مش تخسى
افتكرى ان مشوار الألف ميل بيبدأ بخطوة
وآدينى قدامك أهوه ماشيه بأحارب مع السمنه وبتقهر بعد ما أقف على الميزان والاقى نفسى خسيت بالجرامات وغيرى بيأكل عادى وبيخس بالكيلوات
لكن ارادتى ورغبتى بالتغيير بالرغم من احباطات كل من حولى هى من جعلتنى استمر لحد الآن
قفى مع نفسك وقفة جاده وحددى اهدافك فى الحياه وما تلخبطيش نفسك وهتوصلى لهدفك باذن الله
اما عن أكل اللب فأنا عندى لكى حل قشريه بس وبدل ما تأكليه وتبلعيه خرجيه مع القشر هتحسى كأنك أكلتيه بالضبط
أنا بأعمل كده لما اتجنن على الحلويات وما بأقدرش أمنع نفسى منها بأقوم آخد قطعه زى جوزى وابنى وبدل ما ابلعها ( اتفها) لأنى متأكده من ان الطعم بتاع اى أكله حلوه بيكون فى الفم فقط لكن اول ما تنزل المعده بيكون زيها زى اى أكل يعنى الفسيخ زى الجاتوه داخل البطن وما بينوبك بعد التهامها الا تعب المعده وحرقتها والسمنه والخمول والقرف لذلك ان وجدتى نفسك محتاجه وبشده لهذه الأشياء امضغيها فقط واشعرى بكامل طعمها بفمك ثم تفيها بدل ما تبلعيها
ولكن لا تعتمدى على هذه الطريقه كثيرا لأن رمى النعمة حرام ولكن فقط ان شعرتى بضغط نفسى كبير وحسيتى انك هتخربى الرجيم .
بالنسبة لغدايا النهارده كان عبارة عن نصف عيش بر وطبق خضار صغير ( هأنزل لكم طريقته قريبا جدا)
وطبق سلطة خضراء و 50 جم لحمه
السعرات
العيش 60
السلطه 30
اللحمة 107
الخضار 50
المجموع 250
الرياضة ساعة مشى سريع
ساعة ايروبكس
نصف ساعه تمارين اخرى
العشاء ان شاء الله سيكون تفاحة وبرتقالة ونصف موزة سعراتهم 80 + 60+55 = 195 سعره
مجموع سعرات اليوم 145+250+195=590

اشكرك على اهتمامك وبوعدك حجرب الطريقة وان شاء الله بالتوفبق لك ولكل الاعضاء ويارب دايما تكوني قدوتنا وتنصحينا تحياتي لك عزيزتي

__________________

أختى الغربة مره ( ابقى قولى ام ايه)
ماشاء الله من تقدم لتقدم ان شاء الله توصلى لهدفك عن قريب
ومشكورة على التشجيع

السلام عليكم ورحمة الله وبركاته
الفطور كان عباره عن ثلاث أكواب ماء مضافا لها ملعقة خل تفاح وبعدها بساعة الا ربع
رغيف بر + 2 طعمية منشفة بورق المناديل جيدا من الزيت+ نصف طماطم ونصف فلفل اخضر وخس وملعقة شطه و شاى محلى بملعقة صغيرة عسل نحل
السعرات
2طعمية 70
رغيف بر 130
طماطم وفلفل وخس و شطه 15
ملعقة عسل نحل 10
المجموع 225 سعرة

أم لؤى يالله شدى حيلك وان شاء الله احنا كلنا هنشجع بعضنا وهندخل على الصيف رشيقات وجميلات ( كالعاده طبعا)
على فكره انا افتكرتك امبارح لأنى كنت بأتفرج على برنامج جميل ومفيد اسمه the doctors بييجى على mbc4 الساعه 7 بتوقيت السعوديه وبيكون فيه معلومات طبيه هائلة عن كل حاجه وكاموا امبارح بيتكلموا فى فقرة ضمن الفقرات عن مرض الربو وكانوا جايبين بنت صغيره عمرها 13 سنه وبتعانى من الربو ووزنها زايد جدا
المهم ان الدكتور قال لها ان علاج مرض الربو نفسه اللى بيكون فيه مضادات الستروين هو بيؤدى لزيادة الوزن وقال لها ان فيه علاج جديد للربو من غير ما الوزن يزيد ونصحها بالرياضه غير العنيفه وبأنه تكون معاها دايما البخاخه وهى بتمارس اى رياضه علشان لو جات لها النوبه فحبيت اقولك على المعلومات دى يمكن تستفيدى منها ........ وكمان دعيت لك ربنا يشفيكى لأنى ما كنتش حاسه بيكى وبمعاناتك الا لما شفت الحلقة دى . ربنا يشفيكى يارب.

Sa33شكرا لكي حبيبتي انا هلا باخد كرتزون الله يشفينا اجمعين ودايما الي يده بالنار مش زي الي يده بالماء

__________________