حضرت الشياطين بعد رمضان وخربت صفو حياتي ( حُلت ولله الحمد ) الرد 50 - الصفحة 5 - منتدى عالم الأسرة والمجتمع
logo

الملاحظات

المشاكل المحلولة المشاكل التي حلها أعضاء المنتدى

 
قديم 01-10-2009, 04:31 AM
  #41
om abdlah
عضو المنتدى الفخري
تاريخ التسجيل: Jan 2009
المشاركات: 5,189
om abdlah غير متصل  
اقتباس:
المشاركة الأصلية كتبت بواسطة zercon مشاهدة المشاركة
تقول لك بروح بيت أهلي عشان النفوس تهدى تقول لها يكون أفضل ؟؟

هي لما قالت لك هالكلمة كانت تعتقد بتقول لها لا ما أقدر على بعدك

أو يهون عليك تتركيني ؟ تقوم تقول لها يكون أفضل ؟؟؟

سبحان الله أنتم الرجال عليكم ردود تموت قهر


بعدين تقول لك تعرف مع من تضحك ومع من تقلب نفسيتك وتكشر ...يعني اضحك لي وسولف معاي وانهي الموضوع مو تسكت ولا ترد ... مسكينة والله رحمتها جالسة معاك العيد وما راحت مع أهلها وهذا واجبها أكيد .. بس مو معناه تزعلها وعلى أمور عاااااااااااادية

في نقاط إيجابية ما شفت أحد ذكرها
تجيب الفلوس لك وتعطيك يعني أنها ما عندها فرق بينك وبينها وما عندها أنانية تبي تحتفظ فيه لنفسها وبس
لما تعبت عشانها غرقتك مسجات يعني مقدرة وواعية وفاهمة وشاكرة وش تبي أكثر

أنها تقول لأهلها عن أموركم المادية هي أكيد غلطانة بس أنا كنت أسوي مثلها لما كانت أمي تقول جيبي فستان غالي وجيبي وجيبي لما أتعب من الأعذار أقول يا أمي ما نقدر وضعنا المادي ما يسمح، وأنت تقدر تقول لها بعدين أنه مهما صار ما تقول لأحد عن أموركم المادية

أنا لو مكانك .... اعزمها نطلع برة وننسى الموضوع
يسلم لسانك ياعسل هذا ألي كنت أبغى أقوله
قديم 01-10-2009, 10:06 AM
  #42
om fofo
عضو جديد
تاريخ التسجيل: Sep 2009
المشاركات: 36
om fofo غير متصل  
بقولك شي وعن تجربة

المرأة وهي حامل تصير بسم الله كانها شيطااااااااان لازم يارجال تفهمو هالشي
اولا تعب وقرف وتغيرات فيها ككل ..... صدقني لو راعيتها بهالفترة والله مارح تنساها لك بس تعرف متى رح تفهم بعد ولادتها اذا رجعت انسانة طبيعية وقتها انت تقولها انا كنت اراعيك واحن عليك بسبب تعبك ووضعك .. وقتها انت فهمها زي ماتبي لكن وهي حامل والله صعب عليكم اثنين .. المشاكل مو بس تاثر عليها تاثر حتى عالبيبي ..

والشي الثاني
في ثالث يوم زواجي كنا في المطار وتاخرنا على الرحلة وعلشان نطلع بالرحلة نصحونا نروح لشخص معين
يوم رحنا له ضبط لنا الرحلة وحس انه احنا عرسان قام يقول لنا انا بنصحكم انتم شكلك توكم جديدين
يقول انا لي 30 سنة متزوج والحمدلله مبسوط والسبب اني ولاعمري نمت زعلان ولا تركت زوجتي تنام وهي زعلانة يقول المشكلة اذا باتت عفنت وكبرت لكن اذا سكرنا عليها تنتهي وتنسى

وفعلا واااااااالله اكبر مشكلة لما نطنش ويبقى الزعل في قلوبنا ويجي وراه موقف ثاني وتكبر لانها تصير تراكمات

نصيحتي لك حافظ على بيتك .. زوجتك شكلها صغيرة وغير كذا هي الحين ماهي في وضعها الطبيعي ... الحمل والله صععععععععععععب مرة

الله يسخركم لبعض ويالف بين قلوبكم


اسفة عالاطالة
قديم 01-10-2009, 12:18 PM
  #43
عاشق الجواهر
عضو متألق
تاريخ التسجيل: Nov 2007
المشاركات: 646
عاشق الجواهر غير متصل  
اقتباس:
المشاركة الأصلية كتبت بواسطة zercon مشاهدة المشاركة
تقول لك بروح بيت أهلي عشان النفوس تهدى تقول لها يكون أفضل ؟؟


هي لما قالت لك هالكلمة كانت تعتقد بتقول لها لا ما أقدر على بعدك

أو يهون عليك تتركيني ؟ تقوم تقول لها يكون أفضل ؟؟؟

سبحان الله أنتم الرجال عليكم ردود تموت قهر


وانتوا يالحريم عليكم تصرفات تفقع المراره

ليه تقولون كلام يسم البدن ودني لأهلي بروح لاهلي بنام عندهم وتبونا نقول لكم ما نقدر على بعدكم

والله حالة
قديم 01-10-2009, 12:21 PM
  #44
عاشق الجواهر
عضو متألق
تاريخ التسجيل: Nov 2007
المشاركات: 646
عاشق الجواهر غير متصل  
اقتباس:
المشاركة الأصلية كتبت بواسطة zercon مشاهدة المشاركة
بعدين تقول لك تعرف مع من تضحك ومع من تقلب نفسيتك وتكشر ...يعني اضحك لي وسولف معاي وانهي الموضوع مو تسكت ولا ترد ... مسكينة والله رحمتها جالسة معاك العيد وما راحت مع أهلها وهذا واجبها أكيد .. بس مو معناه تزعلها وعلى أمور عاااااااااااادية

اولا ما اقدر اضحك بوجهك يازوجتي العزيزه واسولف معاك وانا اذا سألتك عن شئ او كلمتك ما تردين علي او تردين بنفس خايسه شلون تبيني اضحك وعلى ايش اضحك وأسولف وانا اذا سولفت تناظرين فيني كانك تناظرين تلفزيون يعني مافيه ملامح متابعة السالفه او اي شئ من هذا القبيل وتبيني اكمل سواليف واضحك معاك ؟؟
قديم 01-10-2009, 12:28 PM
  #45
عاشق الجواهر
عضو متألق
تاريخ التسجيل: Nov 2007
المشاركات: 646
عاشق الجواهر غير متصل  
اقتباس:
المشاركة الأصلية كتبت بواسطة zercon مشاهدة المشاركة

في نقاط إيجابية ما شفت أحد ذكرها
تجيب الفلوس لك وتعطيك يعني أنها ما عندها فرق بينك وبينها وما عندها أنانية تبي تحتفظ فيه لنفسها

تجيب لي فلوس من راتبها لو هي موظفه اقولك ممكن

تساعدني بمصروفها اللي اعطيه لها كل شهر توفر منه وتقول هذا توفيري وتتقاسمه معاي ممكن

اما انها تجيب لي فلوس من ابوها وتتقاسمها معاي فأسمحي لي هذا عيب

عيب لي انا كرجل انا قبل اشتري اي شئ اشتري اغراضها اول وازيد على مصروفها من جيبي

ومصروف البيت ازيد عليه من جيبي ولا ارد خاطرها بشئ تبيه

حتى الجوال لو صدرت الفواتير والميزانية ما تكفي اسدد جوالها واترك جوالي استقبال والان بيفصل مؤقت لان اخر 3 شهور اسدد جوالها واترك جوالي استقبال واشحنه

وكل هذا ولله الحمد اوزن اموري واظبط اولوياتي ورغباتها من اولوياتي

تروحين من وراي تتشكين عند اهلك انه ماعندنا فلوس نسافر معاكم ؟؟؟

يعني مثلاً ابوك بيسافر بخواتك وبقسم عائلتكم نصفين بنات على جنب وانا وابوك على جنب وزود على هذا بقوله استأجر لي شقة

ولو احتجنا نشتري شئ وش اقوله ياخال عطني 100 بنتك تبي كذا وكذا ؟؟؟

ماقلتها لأبوي ولا خذت منه ريال علشان اسويها مع ابوها

وين احفظ ماء وجهي انا وانا اسافر معاهم بسيارتي ونوقف نعبي بنزين واقوله عب لي معاك بنزين

والسكن استأجر لي معاك والعشاء احسب حسابنا معك

هزلت لو سويت كذا ما اصير رجال وبنقهر من هاللي صاير


اقتباس:
المشاركة الأصلية كتبت بواسطة zercon مشاهدة المشاركة
لما تعبت عشانها غرقتك مسجات يعني مقدرة وواعية وفاهمة وشاكرة وش تبي أكثر



مابي رسايل ابيها تريحني شوي وتريح ملائكتي ليه كثرة هالمشاوير واللخبطه والنوم عند اهلها اللي ماله داعي

ليه حبكت التسوق على اخر ايام رمضان واحتمال يومها يكون ليلة قدر وفاتني الوقوف عليها

ليه التاخير مو رمضان كله موجود ليه التاخير الى آخر اللحظات واخر شئ رسايل شكر

انا مستعد ارسل لها مليووون رساله اذا خلصت تسوق ومحلات وجهزة نفسها قبل 20 رمضان

فيه ناس كذا ما يجي نص رمضان الا اغراضهم بالدواليب معلقه وجاهزة

الا انا ما خلصت مشاويري الا الساعة 2 قبل صلاة العيد ب 3 ساعات انام بفراشي وش هالمنطق واي عيد اللي بحسس فيه وانا مهدود حيلي
قديم 01-10-2009, 07:50 PM
  #46
غايتي الرضا
عضو نشيط جدا
 الصورة الرمزية غايتي الرضا
تاريخ التسجيل: Aug 2009
المشاركات: 1,079
غايتي الرضا غير متصل  
ولل عليكم ياعاشق الجواهر


والله اموركم بسيطة جدا يبيلك شوية صمت مع صبر ودعوات بالليل وبصلاتك
واموركم بتمشي زي العسل والحب واضح من زوجتك لك


ااااه لو تشوف مشكلتي تهون عليك كل امورك
__________________
وقل ربي اغفر وارحم
قديم 02-10-2009, 12:01 AM
  #47
malak_3lganah
عضو نشيط
تاريخ التسجيل: Sep 2009
المشاركات: 174
malak_3lganah غير متصل  
شده وتزووووووووووووول ،،، فتره وبتعدي

شي طبيعي بما اني الزوجه حامل فأكيد مزاجها احيانآ يتعكر
بس ان شاء الله بعد ماتقوم بالسلامه كل الامور بترد مثل قبل واحسن خصوصآ،
يوم تشوفوا ضناكم بينكم
وتنسوا الدنيا ومافيها..

تقبل مروري
قديم 02-10-2009, 07:35 AM
  #48
نبض الدان
قلم وفي
تاريخ التسجيل: Aug 2009
المشاركات: 1,524
نبض الدان غير متصل  
عاشق الجواهر

هي غلطانة صح
بس غلطتها كأي وحدة جديدة على الزواج
ماتدرك تماما مواطن غضبك ورضالك

تأكد هي كل يوم تتعلم

لاحظ اهلها عادي طالعين نهاية الشهر ولاعندهم مشكلة
فهي تمشي على نمط طول عمرها ماشية عليه
بس أكيد راح تميل للي يرضيك بس أصبر عليها

أتوقع كلام بعض الأعضاء أثر عليك لما قالوا مدلعها وماادري ايش
بس فكر بعقلك لو ماجت من زوجها بتجي من مين!
ولو ماعطيت لباسك وسترك وأم أطفالك بتعطي مين!
للأسف حنا عايشين بمجتمع يخلي المرأة تخضع خضوع كامل للرجل ولو أخطى عليها
بينما لو عاشر الرجل زوجته بالحسنى أكلوه بالكلام
هذي كلها موروثات اجتماعية

تأمل حديث النبي بيوم العيد لما كانت عائشة تشاهد الأحباش
كان هدفها تشوف قدرها عند النبي صلى الله عليه وسلم

بمثل هالمواقف نعرف مقدار محبتنا بقلوب أزواجنا
بوقفتهم معنا وصبرهم على اعوجاجنا

وهو يوم وعدا
وبفضل الله ثم فضلك
لبست اللي بخاطرها واستانست

وهي انا متأكدة مو من النوع اللي ضعيفة شخصياتهم
ممكن المعروف يقلبها
واضح ان بنت الحلال طيبة وفاهمة

خلي عنك وساوس الشيطان
واحتسب تعبك عند ربك كتفريج كربة وقضاء حاجة مسلم
وكافي تشيل بقلبك
الله يصلح سركم يارب
قديم 02-10-2009, 08:12 AM
  #49
(أم جمانة)
كبار شخصيات المنتدى
 الصورة الرمزية (أم جمانة)
تاريخ التسجيل: May 2004
المشاركات: 5,678
(أم جمانة) غير متصل  
أي والله ياأخوي واااااضح أن زوجتك بنت حلال وطيبببببببة وتحبك

لا تستعجل عليها هي كل يوم تتعلم وش تحب وش تكره وماشاء الله عليها مطيعة تطبق اللي تقوله لها

وهذا معناه أنها عاقلة بس لسه مو عارفة كيف تسير حياتها وأنت بتمشيها على كيفك وبتعلمها كل شيء تحبه

لاتتوقع انها بنفسها بتعرف اش تحب واش تكره ...لا يااخوي أنت بتعلمها عند كل موقف وبتاخذ منه درس

قول الحمد لله بعض الزوجات يعاندوا أزواجهم ويحطوا رأسهم برأسهم وانت زوجتك بنت حلال ومعدنها طيب بس على نياتها

ولاتنسى هذا أول رمضان وهي ملخبطة ومو عارفة تدبر أمورها عندك مع مسئولياتها الجديدة من بيت وحمل وغيره

الأن أعطيها درس بإذن الله لو ربي بلغنا رمضان الجاي أي مشاوير بعد 20 رمضان ممنوعة لو يكون مايكون وهي بتمشي على أمرك وبتطيعك

وكمان ماقصرت واعطيتها درس ثاني أن أي ريال من أهلها ماتعطيك إياه لأنك رجل ومافتحت بيت إلا وأنت قدها

وصدقني اعطتك من حبها لك فلا تقسو عليها وحن عليها وفهمها بحنية وبتلاقيها مثل الخاتم بأصبعك

والمثل يقول (كل دقة بتعليمة)

وياكثر الدقات اللي أكلناها لين تعلمنا .

ربي يهدي سركم ويسعدكم وترى ياأخوي خذها نصيحة لاتكبر الأمور وهي صغيرة ترى الدنيا ماتستاهل.
__________________
قديم 03-10-2009, 12:30 PM
  #50
عاشق الجواهر
عضو متألق
تاريخ التسجيل: Nov 2007
المشاركات: 646
عاشق الجواهر غير متصل  
وعليكم السلام جميعا غايتي الرضا والله اني متابع لوضعك واتمنى تنحل مشاكلك بأقرب وقت

اشكركم جميعا وقرأت الردود رد رد

وحاب اقولكم اني ما خذت الموضوع كمشكله لا صغيره ولا كبيرة

بس اسلوب وشئ تضايقت منه

والزعل من أسبوع منتهي يعني تقريباً من يوم الأحد الماضي ولا اعطيت المشكله اهمية تذكر بس فيني شوية ضيقه من المشاوير على اخر رمضان ... اخر رمضان مو حق اسواق ومشاوير

ياعالم ماحد يدري اذا بيعيش لرمضان الجاي او بيتوفاه الله

يوم الاحد الماضي راحت للسوق مع عماتها ولما رجعت لها بعد ساعتين لقيتها شاريه لي هديه مراضاه لاننا واحنا رايحين للسوق سألتني انت باقي زعلان وقلت لها لا ودردشنا شوي باللي حصل وانه رمضان شهر خيرات الناس طول هالشهور تنتظره واذا جا اخره تشوفين العالم بالمساجد

وهي قالت معليش انت عارف وضعي هالسنة حامل ونفسي تغم علي وحومة تسبد ومالي خلق اطلع وكسل

وتراضينا ولله الحمد منذ مبطي

ماكان مفروض انزل الموضوع لانه زعل بسيط وصغير ولا يستاهل زعل اصلا

بس وش نسوي فيكم

العيشة معاكم صعبة

والعيشة بدونكم مستحيلة
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 05:42 PM.


images