لم اكمل سنه زواج اللى الان وزوجتي تطلب الطلاق مني لاسباب تافهه بالنسبه لي لكن بالنسبه لها اسباب قوية..انا عمري 28 وهي 29 تزوجنا زواج صالونات ومشي الحال وبناءا على امكانياتي الماديه الضعيفه فهي تساعدني بمصاريف المنزل يعني تقريبا انا اشيل الثلثين الى الثلث والحمد لله ماشي الحال لكن الصراحه ما اقدر اجمع اي افلوس وكل فلوسي رايحه ايجار واقساط ان اطبعا بدولة الكويت والايجارات نار ولله الحمد .. بعد فتره حسيت مو مكفي راتبي انا اداوم يوميا من 3.30 الظهر ل 11.30 مساءا قلت خلنا نجتهد اكثر وندااوم ودوامت دوام الصبح بس دوام كرف من 7 الصبح ل 1 الظهر والله اني دوامت هالدوامين وما انام باليوم الا 5 ساعات وكل يوم صرت تعبان ومجهد وخلاص مشى الحال لكن الصراحه هم ما مكفي وكل راتبي يروح احتياجات البيت ما تخلص وسفر كل سنه والله اني صرت ما اريد افكر لان التفكير صار يتعبني واحس خلاص من كثر الضغط راح يصيبني المرض .. المهم بعد فتره طبعا صار تقصير مني شوي بالبيت طبعا مو بكيفي وشي خارج عنم ارادتي واللي اقدر عليه بسويه..صارت زوجتي تشتكي مني وتقولي انت مو مهتم فيني وكله بره البيت معه العلم ان ( زوجتي تعمل مدرسة ) يعني لو استمريت ع دوامي الاساسي اللي بعد الظهر هم رايح يظهر التقصير لاني دواماتنا عكس بعض..المهم صارت زوجتي تشتكي وايد وتقولي انت دائما ما عندك فلوس تشتتريلي شي وحتى السفره مو مجهز لها فلوس ودائما مهملني وما تسأل فيني وما تدق علي وتسأل عني مع العلم اني دائماااا انا الي اتصل فيها وانا بداومي بس هي اتعودت اني انا اللي ادق واتصل عليها ويوم ما ادق صرت ما احبها واهملت فيها وهذا اللي طيحني بالمشكله اني عودتها ان كل شي يطلع مني اول الزواج كنت دائما الاتصال تقريبا كل ساعتين او ثلاث وانا اللي ادق هي ممكن تدق كل 7 مرات مني الى مره منها والله انا كنت ما احط ببالي منو يدق المهم اني اسمع صوتها وخلاص..صارت تشتكي وتقولي انت فيك خبث ولف ودوران وهذا ما يعجبني وان ااشتكيت من هالشي وايد انك تعدله لكن انت خبيث .. وانا ماني خبيث ولا شي لكن انا ما اطلع كل االلي عندي مره وحده الا لمن ادرس الوضع صح .. زوجتي ما تحب اهلي هي تشوف ان فيه فروق اجتماعيه بينا وبينهم وهما افضل مننا وطبقتهم افضل من طبقتنا..لا استطيع المزج بينها وبين اهلي وهذا الشي حسيته من ايام الخطبه لكني شكيت ان الوضع بيتحسن بعد الزواج لكن بقي الوضع كما هو عليه بل ازداد سوءا..وطبعا مواقف متراكمه وهذا قال كلمه ما عجبتي وابوك ليش يقول كذا وامك تقول كذا واختك ليش سوت كذا ولمن شفت الوضع خففت الزيارارت منها لأهلي وهي بطبيعه الحال ما تكلمهم بالتلفون الا كل شهرين مره .. وكل شوي تشتكي من شي مختلف.. انا عندي مشكله بالحيوانات المنويه واحتمال الانجاب عندي ضعيف والعلاج راح ياخذ وقت تقولي انا من سمعت هالكلام وانا كرهتك مفروض هذي الفتره تقربني منك عشان احبك ( عشان طلع عندي عيب ) اعتقد مفروض هي تقف بظهري مو انا !! انا طول اليوم بره عشان اشتغل اجيب فلوس واقدر اكفي بيتي وما اطلب من احد مساعدات ( والله احيانا اخد راتبي واجيب هديه ونطلب من مطعم يعني احتفالا بالراتب الثاني ) وياريتني قدرت اجمع فلوس.. وبالاخير تقولي انت مو عارف تجمع فلوس ومدري فلوسك وين تصرفها ( العجيب انها عايشه معاي بالبيت وشايفه كل شي ) يعني تشتكي اني ما عندي فلوس ومادياتي ضعيفه ولمن امسك عالراتب لمن اخذه تقولي انت ما تبي تصرف وبخيل !! والله عجبا عليك يا زمن .. والله صارلي اسبوع حياتي جحيم وليلي ما يعدي بسببها وكله ضغط نفسي كل شوي احاول اتصالح معاها واجيها واقربلها وهي تبي وترفسني وتبعدني بيدها اقعد من النوم الصبح الاقي وجه عابس كل ما دخلت البييت احصلها نايمه بالغرفه وما تبي تقعد معاي امس والله حاولت اكلمها وانا بدوامي واتصلت فيها والله خلتني اتكلم بالتلفون وتركت التلفون من يدها وراحت !! اقول الوو الوو الووو ولا حياة لمن تنادي قلت صار شي سكرت ودقيت مره ثانيه ولا احصلها تقولي اي نعم تركت التلفون وخليتك تتكلم ما ابي اسمه منك الكلام هذا مو عاجبني قلتلها يعني ماكو احترام تخليني اتكلم كل هالكلام وبعدين اكتشف انك ما سمعتي ولا كلمه من كلامي وانك خليتي التلفون من ايدك !! عصبت وعشان ما انفجر فيها انهيت معاها المكالمه بكل هدوء.. وثاني يوم الصبح وجه عابس حتى صباح الخير بدون نفس..ونزلنا على دواماتنا نفس الغرباء ورديت من الدوام الظهر وخلتيها تتكلم عن اي شي داخلها شنو مضايقها وقالت هذي الاسباب كنت اسمع الاسباب واستغرب واتحسف واطق كف بكف لاني فعلا حيل مضغوط يعني احصل ضغط من دوامي وضغط بالبيت وزوجتي لا هذا كثير والله احس راح انام وما راح اصحى ثاني يوم .. انا ما انكر انها لها مواقف كثير جميله وحلوة واخذت منها حب وحنان لكن مو اغلب الاوقات يعني يومين حلوين لأربعه مشاكل ..يعني هل يرضي الله زوجه ما تتحمل زوجها باصعب ظروفه .. حتى العلاقه الزوجيه مقصره فيها الحين وانا محتاجها جدا ..هل يعقل ان اقعد طول اليوم بره البيت عشان بيتي واجيب فلوس لبيتي وزوجتي تفكر بالاهتمام !! المهم الحين تقولي طلقني انا مو مرتاحه معاك وملييت من الزواج ومليت من وجهك ابي اروح بيت اهلي اقعد هناك شوي الحياة معاك مو حلوة ماكو اهتمام وكأني متزوجه ومو متزوجه انت مو معاي بأي شي .. تقولي خليني ببيت اهلي خليني اشوف لو انا مرتاحه وانا بعيده عنك ولا راح اشتاق لك واحس ابي ارد بيتي ولك ؟؟ والله صرت محبط وودي اكلمها وادق علييها اخاف الاقي نفس ردت الفعل وما تعطيني وجه واندم اني اتصلت فيها وحاولت معاها الكلام الحلو . . والله انا بعذاب انا متعلق بزوجتي اكثر ما هي متعلقه فيني وانا ابي حياتي معاها اكثر ما هي تبي حياتها معي .. يعني عادي انها تطلق فكه بالنسبه لها..خايف حياتي بعد الطلاق منها شنو شكلها بعد ما تعودت على بيتي واني ارد كل يوم اشوف وجهها وناكل ويا بعض ونام ويا بعض وحياتنا على الرغم اني لم اتم سنه ع زواجنا الا اني تعلقت بها ومو متخيل ارد بيت اهلي الصراحه حبيت استقلالي ببيتي ورتابه زوجتي ونظامها يعني تعودت على كل شي معاها .. انا اعيش الان اتعس ايامي.. ولا تستغربون يا رجال فهناك رجالا قلوبهم ارق من النساء بكثير...

لا حول ولا قوة الا في الله العلي العظيم
الله يفتح عليك ابواب الرزق اخي
شوف صديقي كلنا بنحب اشياء بهل دنيا بس كثير بسير معنى العكس
نوع زوجتك من نوع الموظفات الي بتحب نفسها و شايفة انو عندها دخل و قادرة تعيش من غيرك
و من هذا المنطلق بتلاقيها بتغلبك كثير مش بعيد بتعايرك في المصروف الي بتساعد في
اخي كل اشي ممكن تشتري بهل دنيا بلفلوس اي مشكلة في لفلوس ناس بتقول عنها سهلة
رغم انها ممكن تكون صعبي بس رزق على رب العباد
اما ان يهدي الله زوجتك و عليك بلوموعظة الحسنة اما يغني الله كل من سعته بختصار
ما رح اقلك حق عليك مش مهيء نفسك منيح لا زواج بس يمكن انتا تئملت كثير
و بنسبي لا زوجتك تئملت اكثر من الي شافتو عندك
اتقي الله فيها و لا تضرها و نصح الها و اذا اصرت عل طلاق
حاول تتفق معها بلتي هي احسن
وربنا يفرج عليكم و يرحمكم برحمتو
لا حول ولا قوة الا في الله

شكرا غدا اجمل والله يجيب الخير

اخوي ادعي الله في كل صلاة ان يرق قلبها لك وان يجمع بينكم على خير ويبعد عنكم الشيطان
الشيطان حاليا يحاول يفرقكم ... لكن انت اصبر وصابر ولا تستعجل في الامور
ودعها عند اهلها فترة حتى يهدا بالها وخلها على مزاجها حاليا اللين الله يفرجها من عنده

أخوي أنتم اثنين وش هي مصاريفكم؟!
هل أنت منظم نفسك ومقسم راتبك،،أقصد هل عامل ميزانية؟

خلك مدبر واعمل الا سياسيات في المصروف واترك عنك الإكماليات
نظم وقتك وخذ قسط من راحة لبدنك ولبيتك وزوجته
اتركها كما طلبت وأثقل شويه عليها وشوف ردة فعلها
أعانك الله

انا ماني شايف مشكلة حسب كلامك ماانت مقصر معها
وهي بعد ماهي مقصرة تساعدك بغراض البيت
خلها فترة عند اهلها شهر،تقريبا ولا تدق عليها وتغثها
ترى لمرأة كل ماطرلت وراها زاد عنادها وبلش

__________________
سبحان الله وبحمده سبحان الله العظيم

اظن والله اعلم انك اخطات من ناحيتين الاولى انك تركت زوجتك تسيطر وتتحكم وتتجرا عليك اكثر من اللازم وانت تحاول دائما ان ترضيها الشيئ الذي جعلها لا تقدرك كثيرا وتحسسك باهميتها ومقامها فعليك ان تعطي لنفسك اعتبارا اكبر وتفرض عليها احترامك وتكون حازما معها حتى لا تتعدى حدودها ثانيا لا تجعل المال هو كل همك وتعطي كل الوقت للعمل فالنفس لا تشبع والقليل مع القناعة وحسن الترشيد خير وانفع فاعطي لحياتك الزوجية واحتياجات زوجتك العاطفية حظها ووازن بين الامور دون ان يطغى جانب على جانب

__________________
اسالك من دعائك الصادق دعوة

حسب معرفتي بالشعب الكويتي ولي اقارب كويتيين اغلبهم عايشين حياتهم على اقصاد اكثر مننا والمعيشه غاليه حيل الواحد يالله يدبر لنفسه سكن واقاربي ماديتهم مرتفعه ومع هذا يالله الواحد يطلع له بيت صغير ع قده

اخوي زوجتك عطتك الحل
الثقل زين اثقل معها شوي ودها اهلها خوذو فترة راحه عن بعضكم ولاتدق ولاتزعجها وخلها لما تشتاق لك هي وقتها بتحس بقيمتك ووجودك الرجال قوامون على النساء انت خسرت مكانة "القوامه" تركض وراها وتراضيها رغم تقصيرها معك ببعض حقوقك تشعرها انها صح وانت الخطأ رغم عكس ذلك
انتبه من الطلاق فهو ابغض الحلال عند الله تحتاجون راحه من بعض مدة معينه اصبر وتحمل واثقل لاتضعف وتركض وراها تتصل خلها لين هي تتصل عليك وتركض وراك اثبت لها انك رجال قائم عليها وعلى شؤونها ولست طفل يبحث عن رضاها فقط
..... ...... ..... ....... .......
والصبر الصبر إياك والاستسلام للشيطان
والله يوفقك ويوفق بينكم ويصلحكم ويهديكم ويصلح حالكم ويرزقك ويسدد ديونك