يسعدلي مساكن حبيباتي 😚😚😚
متل ما وعدتكن انو نزل طريقة التشيز كيك وبعرف طال الوعد 😊
فالبارحة عملتها وما هان عليي نطركن
المهم ما بدي طول عليكن
بسم الله نبدأ
اتفضلوا مدوا ايدكن



وهيدي الصورة اللي بصوص الفريز من زمان عاملتها يعني من الارشيف



المكونات متل ما شايفين بالصورة هيدول مصورتهن من زمان
كرمال هيك من ضمهن صوص الفريز



بنحتاج للطبقة الاولى:
باكيت بسكويت ديجيستيف او اي نوع متوفر
100غرام زبدة

الطبقة الثانية :
نصف ليتر كريما فريش (كريما الحلويات)
علبتين جبنة فيلادلفيا (400 غرام)
500غرام ماسكربوني (ممكن استبدالها بقشطة قيمر من بوك )
ملعقتين طعام سكر
ملعقة فانيلا

الطبقة الثالثة :
صوص الفريز او صوص التوت البري او اي شي بنفضله

طريقة تحضير الطبقة الاولى :
بنطحن البسيكويت بالخلاط او عالايد وبنضفلهن 100زبدة بحرارة الغرفة
وبنخلطهن منيح ليتجانسوا
وبنوضعهن بقالب الكيك وبنحطها دقيقتين بفرن حام لتاخد لون اشبه بالذهبي
وبنتركها لتبرد




بهالوقت بنحضر الطبقة الثانية :
بنخفق الكريما لتشتد وبنضيف السكر مع الفانيلا ومن بعدها جبنة الفيلادلفيا والماسكربوني او قشطة قيمر
وبنكمل خفق لنحصل على مزيج متجانس



وبنضيفهن فوق طبقة البسكويت



وبنحطها بالبراد من تلات ساعات ل6ساعات

وبس بدنا نقدمها بنسكب الصوص عالوجه
واذا ما كان في صوص جاهزة
بنحط انو نوع مربى بنحبها عالنار مع شوي ماء وبس يغلوا بنطفئ وبنتركهن ليبردوا
فانا البارحة ما كان عندي صوص الفريز
حطيت عالوجه صوص مربى الورد وتوت بري



وبس قطعتها للتقديم ما عجبني الشكل حسيتو باهت 😂



رجعت متل الشاطرة بشكل عشوائي حطيت توت بري مع شوي سكر وعصرة حامض عالنار وتركتهن يغلوا
وصار عندي صوص لون احمر
بس بردوا سكبتهن على صحن التقديم





وان شاءالله تكون عجبتكن

مع حلقة قادمة😁 قصدي وصفة قادمة كيك الغابة السوداء
💖💖💖💖💖💖💖💖💖💖💖💖💖💖

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه