زوجي رجل فيه طمع تعود ياخذ مني اخذ مهري بعد شهر من زواجي واخذ ورثي من ابوي واخذ مكافاتي واي مبلغ معي ياخذه حتى لو كان بسيط وبعد وظيفتي اخذ رواتب سنه وعندما رفضت على السنه الجديده بدات المشاكل وبدا عقله يتغير لدرجه اني اشك انه فيه شيء سبب لي اذى نفسي مابين تهديد ووعيد وقام بمراسله صديقتي ويتكلم باشياء عن اسرارها بعضها صحيح انا تكلمت معه فيها وبعضها كذب وفي النهايه ارسل ليعرض عليها الزواج وهي متزوجه وعندها اطفال ويعرف زوجها وسافرنا عائلتين مع اطفالنا بحكم الصحبه صديقتي كلمت اخته لانها تعرفت على جميع عائله زوجي وقالت لها على مراسله اخوها وقالت لها فكوني منه بس اخته لا اعرف اذا خبرته او لا لين تمادى وارسل يطلب الزواج منها

اخوي متزوج وعنده اطفال بس زوجي خان فيه لانه عارف انه راح يوقف معي فاتهمه بسرقه بيته واراد سجنه بس الحمدلله مافي ادله ولا فيه سرقه من الاساس

قبل يرسل لصديقتي منعني عنها لانه يتهمها انها خربت بيته وفي الحقيقه هي عكس ذلك وحلفت له كثير مالها علاقه وانه مشاكلنا بينا بس لانه عندما منعت الراتب عنه لانه مايحب يتوظف ولا يبي وانا اصريت عليه يدور وظيفه كان هذا السبب بدايه مشاكلنا اتصل باخوي واتهمني بان صديقتي ساحرتني وبعده يريد اجباري اروح دكتور نفسي وكل شوي طالع لي بسبب

الله يعينكم وضع مؤلم ومتعب

أنا أرى انك تتركي الموضوع لأخيكي وتقطعي التواصل مابينك وبين زوجك

لأن زوجك بيسعى بأيدينه ورجليه وبكل مايملك من حيل والاعيب واكاذيب كي يستردك ( يسترد ماكينة الصراف الآلي التي كان يعيش عليها)

وخوفأ من أن يجد حيلة او خدعة تنطلي عليكي لذا ياريت تخرجي من الموضوع ويكون الموضوع فقط بين زوجك ( سابقاً) وبين اخيكي

طيب أنا عندي سؤال ( وهي قد تكون حيلة من حيل زوجك او ممكن تكون حقيقة ( لكنها بعيدة شوي)

س: هل لو تغير زوجك وهدأ وركد وتحسنت اخلاقه واطل لحيتهت ولزم المساجد فهل سوف ترجعين له ؟!

مستحيل ارجع له رافضه حتى التفكير فيه ولا اصدقه بأي شيء لانه كان يحلف كذب ويقسم بالله ويقول احلف ونيتي غير هو يصلي احيانا بالمسجد واحيانا بالبيت واحيانا يجمع الصلوات ويصوم اثنين وخميس ولما حدثت المشاكل يقول حلفت كذب هذا انا اصوم اثنين وخميس تكفير يقولي مافيها شيء واظن وان بعض الظن اثم انه يطول اللحيه تظاهر بس والله اعلم وكثير من انتقد زوجي بكلامه وافعاله دكاترتي وزميلاتي بالعمل الموظفات في التربيه والتعليم فانا خريجه دكتوراه وهو يعتبر الدكتوراه له ودايم يسالني الشهاده لمن لازم اقوله لك والا يسوي مشكله

اجل اتركي القضاء يأخذ مجراه

والمسألة مسألة وقت

الله يجزاك خير