السلام عليكم ورحمة الله وبركاته.
العفو حبيبة، طيب قولي له لا يدخل هذا الدواء في البيت ابدا...
وادخلي على موقع مجانين للإستشارات قسم الإدمان واستشيري ضروري، الرد سيطول لكن المهم استشرت متخصص في ذلك..
اريني المرة هذه انتصارك فأنت أقوى وأجمل واطهر..
ارجوك وتكتبي كل خمسة او أربع ايام انتصارك هنا.
ولازم تتريضي و اشربي ماء وكلي فواكه وخضار وعرضي حالك للشمس
حفظك الله.

وعليكم السلام ورحمة الله وبركاته
هو وعدني انه مش هيجيب تاني ومنفذ وعده الي الان
وان شاء الله ادخل الموقع واستشير وهعمل بنصائحك وكل فترة هكتب انا عملت ايه جديد وانتصرت في ايه وان شاء الله يبقي خير
شكرا ياقمر علي اهتمامك وكلامك الجميل ربنا يسعدك دنيا واخرة

__________________
لا حول ولا قوة إلا بالله العلي العظيم

السلام عليكم ورحمة الله وبركاته.
أختي الكريمة لاتؤجلي في كتابة الاستشارة و اقرئي الحالات المشابهة لا تستغربي من اسمه فهو موقع رااائع جدا..
ورمضان مقبل واجعله فرصة للتغيير من نفسك و ابدئي خططي ودربي نفسك وصومي اثنين وخميس
وضعي جدول للوصول للهدف الذي تريدي أن تحقيقه في هذا الشهر الفضيل.

السلام عليكم ورحمة الله وبركاته ..
أعتذر لك عن إكمال المشوره لرغبتي الشديدة بترك المنتدى بشكل نهائي
واسأل الله أن ييسر لك من يساعدك أكثر مما ساعدتك .

يسر الله امرك استاذ ابو حكيم
طبعا ابو مريم لايقل حكمة عن استاذ ابو حكيم وانا مكنتش اتمني حد يكمل معايا بعد الاستاذ ابو حكيم غير الاستاذ ابو مريم ده شيئ يسعدني جدا بارك الله فيهم واسعدهم دنيا واخره

__________________
لا حول ولا قوة إلا بالله العلي العظيم

__________________

وعليكم السلام ورحمة الله وبركاته
جزاك الله كل خير علي دعائك الطيب وبإذن الله انا متاكدة ان حضرتك هتبقي اكتر من حسن ظني بكتير ربنا يكرمك ويسعدك دنيا واخرة ويرزقك الفردوس الاعلي اميييين ياااارب
بصراحة انا تايهة ومش عارفة ابدأ منين ومش عارفة افكر بس حياتي مازالت زي ماهي اه بقالي فترة مش باخد اي حاجة بس حياتي لسة زي ماهي حاسة اني مش قادرة اعمل اي حاجة عاملة زي اللي عنده 100 سنة وعشان حتي يقدر يتحرك محتاج حد يسنده ويشد ايده بعمل اكل اليوم بالعافية حتي الشقة مش بنظفها كل اللي بعمله اصلي واذكر ربنا وزوجي وهو رايح الجيم اروح لاهلي اقعد ساعتين مكاني مش بعمل اي حاجة. تعبت بجد من الوضع ده بس مش عارفة اعمل حاجة

__________________
لا حول ولا قوة إلا بالله العلي العظيم

__________________

كلام حضرتك جميل وبصراحة حضرتك تستحق اكتر بكتير من اي حاجة ممكن اقولها ربنا يكرمك
مبدئيا هتكلم عن زوجي لان حكايتي طويلة
زوجي حاليا عمره33 الشهر ده هنكمل ثالث سنة زواج واتخطبنا سنتين بقاله بالظبط 15 سنة بيشرب مخدرات في سنين قطع فيها والتزم وربي لحيته بس لما لقي نفسه رجع حلق لحيته عشان مايبقاش منافق ده قبل ما اعرفه وسنين بطل لانه كان رياضي له اخ واخت اكبر منه ووالده كان ظابط في القوات المسلحة ووالدته مديرة مدرسة واخواته مش بيشربو وكويسين وبيشتغلوا هو بس اللي كده واهله عارفين من زمان مشاكله مع المخدرات والده رجل كبير في السبعينات اعطي ليه ولاخواته كل واحد مبلغ هو باالمبلغ جهزنا شقتنا بالنص واشتري سيارة وتبقي مبلغ اخوه مشغله ليه من بداية زواجنا وبندفع منه ايجارنا ونصرف واهله بيكملو لينا الباقي لانهم مبسوطين ماديا واخواته مش محتاجين هو خريج جامعي كلية تجارة اشتغل بس في اول ما اتقدملي شهر عشان كان شرط والدي انه يشتغل وبعدها ساب الشغل وضيع جزء من فلوسه انا تزوجته من غير شبكة واتنازلنا عن حاجات كتير لان اهله كانو مستخسرين فيا لانهم كانو شايفين اننا مش هنكمل اسبوع ونتطلق بسبب مشاكلي معاه بسبب شربه المخدرات كنا تقريبا كل يومين نتخانق واحنا مخطوبين لانه كان تايه علي طول بس كان عندي اسبابي اني استحمل واكمل معاه وخاصة اني كنت بشوفه بيحاول يبطل ويلتزم حياته في بيت اهله اخوه كان دايما بيفتن عليه ودماغهم مختلفة مكانش صاحبه وطبععا بسبب المخدرات كان دايما في مشاكل مع اهله وكل اصحابه كانو وحشين وبتوع مخدرات وسجون
ده بالنسبة لزوجي واي اسئلة او حاجة مش واضحة انا تحت امر حضرتك

__________________
لا حول ولا قوة إلا بالله العلي العظيم

بالنسبة لتدين اهل زوجي مش بيفوتو فرررض والده بيئم الناس في الصلاة وناس في حالهم وكويسين بس طبعا مش خاليين من الزنوب زي التليفزيون وكده

__________________
لا حول ولا قوة إلا بالله العلي العظيم