السلام عليكم ورحة الله وكل عام وانتم بخير

يا اخوان انا طالبكم تشوفون لي حل انا في مشكله ما كنت حاسب لها حساب قصتي بالمختصر ان في بنت تعرفني واعرفها من بعيد صرحتلي عن حبها وانا والله جاملتها لان ما كان ودي اجرحها وماعرفت وش ارد عليها ويوم عن يوم البنت تعلقت فيني وصارت تكلمني عالجوال والمسن وتسال عني وترسل لي رسايل وانا ارد عليها ومافي قلبي اي صدق بس ما توقعت الامر يوصل للدرجه هذه والحين هي متعلقه فيني وقالتلي تعال تقدم لي عند اهلي وماعرفت وش ارد عليها قلت لها خلاص انتي شوفي رايهم وقوليلي وبعدت عنها والمشكله اني ماكنت ادري انها بكذا تعلقت فيني اكثر وتبيني وانا يا اخواني والله ما ابي احط البنت بذمتي وربي شاهد علي اني ماتمنيت القصه توصل للدرجه هذه ولا كنت حاسبلها وماعرفت وشلون اتعامل معاها اخوكم حنون لدرجة انه ينسى نفسه ويفكر بغيره والله ما حبيت اجرحها واقولها ما ابيك فاجئتني هذي غلطتي وتكفون طالبكم توجوهوني

والحين انا خاطب وخطيبتي من صارحتها وهي تشك فيني وتحسب ان علاقتنا مستمرة مع اني اقسمت لها ان مابحياتي غيرك واني احبها هي وبس

دلوني الحين وشلون اتصرف مع البنت وما اشيل وزرها هي تقولي برسايلها انها تستناني وانها ترفض اي احد يتقدم لها عشاني
انا تركتها وابيها تنساني بس هي ترسل لي وماتعرف اني خطبت

وطلبتكم دلوني وشلون ارجع ثقه خطيبتي فيني والله اني خايف افقدها ما ابيها تتحمل اخطائي انا اعترف اني اخطيت بس يشهد عليا الله اني ماكنت ناوي اتسلى الامور مشت غصب عني
ولو تقدرون تعطوني خطوات ابدا بها عشان ارتاح من الهم والتفكير الله يجزاكم الخير

ماشاء الله غصب عنك
انت مسكين والا تتمسكن

رد عليها وقولها خطبت ويلا مع السلامه
باد قيرل


بس عندي سؤال انت وزوجي وامثالكم ايش تستفيدو بمصارحتكم لنا انكم كلمتو بنات او راسلتوهم
وبعدين اتقولو بدينا انشك فيكم
من سبب الشك وهز الثقه
السانكم صح
لسانك حصانك
والظاهر ان انت وزوجي الساناتكم خانوكم

اوكي نحن النساء كيف نثقو فيكم بعد هالكلام اللي طلع منكم
وماهو تبلي من حد
لا السانكم فضحكم

نحن كيف نعززو الثقه
لا تقولي حب وما اشوف غيرها
لان زوجي يقول نفس الكلام وافعاله مناقضه

__________________

يا ليتها اختي تعاتبني واقولها كل اللي بقلبي هي قطعت عني وما تبي تسامحني طيب انا اخطيت وكلنا نخطي واحمدلله ما اعرف الحرام ولا طريقه لكن اعرف قلبي دايم يوديني بالطرق اللي تخليني اندم
عامة تسلمين اختي على الرد والله يسعدك مع زوجك وما اعرف وش اقول غير اني طالب مساعدتكم الله يوفقكم اوقفوا معي والله نيتي ما اخرب حياة احد بس انا كذا دايم احاول اساعد ويطيح كل شي على راسي

خلك رجال و قلها أنا ما أرضى أتزوج وحدة تكلم و لها علاقة برجال مو زوجها !!

قلبي و قلبي لو عندك قلب ما تكلم بنات الناس و تخاف الله فيهم مسوي أنا الطيب الحنون ؟ طيب قبل ما تكلم هالبنية ما فكرت بأميمته ؟ بأبوه لو درى ؟ قبل كذا أنت كرجل مسلم ما فكرت بالله ؟

و بعدين وشو يا ليتها تعاتبك و تقول اللي في قلبها .. السالفة مطولة تبي عتاب وكلام قلب و أنت معرس ؟ يعني ناوي ترد عليها لا دقت ؟

هي زعلت اللي أهم منك .. تزعل و تطق راسها بالجدار هذا اللي ناقص بعد .. ولا يعني خفت ع شعورها ولا خفت ع شعور بنت الحلال زوجتك ؟

عفكرة سالفة كثير خطبوني و ما وافقت عشانك هذي أغلب اللي يغازلون يقولونها يعني لا تصدق واجد

انا اقصد خطيبتي ما تبي تعاتبني وتبي تتركني واحنا مابعد ملكنا عشان كذا اخاف افقدها مو بيدي والله
واشكرك اختي على الرد
والله نادم ويشهد عليا الله اني ما تركتها الا لاني خايف من عقاب الله والكلام ذا قبل ما اخطب بس انا ندمت وتبت لله وصارحت خطيبتي لانها عرفت من غيري ويم صارحتها بعدت عني
يا ليت تدلوني يكفي عتاب اخوكم غلط ونادم رجاء اللي عنده حل يقولي واللي ماعنده يدعيلي بتفريج الهم

اعذرني أخوي ما فهمتك بشكل صحيح
بالنسبة لخطيبتك مستقبلا لا تصارحها بأي شي من سوابقك .. خلاص ادفنهم وانساهم

الحل اللحين إنك ما تذكر الموضوع مرة ثانية .. و إذا جابت هي طاريه لا تجلس تعتذر لها كثير و تشرح لها .. إذا حسستها بضعفك راح تخاف أكثر و تشك أكثر و ما تحس بالأمان ..

خلك صارم وجاد معها و بكلمات موجزة واضحة قلها أنتي زوجتي اليوم و بكره و حتى نلقى الله بالجنة إن شاء الله .. و هذاك ماضي ما أحب إننا نتكلم فيه ..

إذا ما نفع الوضع و أصرت على الزعل و العتاب اقلب الطاولة عليها و تجاهلها فترة بحجة إنك حزين من طريقة معاملتها لك و شكها فيك مع اخلاصك و حبك لها .. كذا هي بتلوم نفسها ع قسوتها عليك حتى لو أنت المخطئ ..

الله يسخركم لبعض و يجمع بينكم على خير ^_^

حكايات حب ..
ومغازل..
ولعب بمشاعر بنات الناس..
ومكالمات لخطيبتك قبل الملكه..
عاد تصدق ليتها تعرف حقيقتك قبل تملك عليك وتتركك..
انت مو كفو زواج ..
انت حدك حرام حبتني ..تعلقت فيني .. بصدقك تعلقت فيك من الباب للشباك؟؟
اكيد انت واعدها وقايل لها بتزوجك ومشبعها كلام حب وقرف..

اقسم بالله اني ما اكره بالكون قد هالنوعيه من الذكور..لا ورايح تصارح خطيبتك..ايش هالذكاء..

ايش تنتظر منا نحط قدامك خطوات ونذم ببنت الناس ونمدحك ..!
ولا نصفق لك ونقولك كفو والله تركت البنت اللي كلمتك من ورا اهلها وعاقبتها !
ولا نقول شطور صريح مع خطيبته ..!

سبحانك ربي انت بمجتمع ذكور واتوقع مليون بالميه انه الرجال راح يوقفوا معاك ولصالحك..
لكن انا اللي اقوله واللي لازم انت تسويه الان والان ترسل للبنت اللي وعدتها بالزواج وعيشتها عالم وهمي من الحب وتقول لها يابنت الناس والله انا كنت اتسلى فيك زيي زي اي شاب مستهتر بمشاعر بنات خلق الله وانا الان نويت الزواج وخاطب بنت غيرك وترى انا علاقه معاها وبنملك قريب..خليك رجال وقول هالكلام..زي ما صرت رجال و"حنيت " عليها لانها مسكينه " تعلقت فيك "
او تبغى تريح ضميرك والله والله انك لو اديتها اسم المنتدى وعنوان موضوع واكتفيت بهالشي انها راح تنساك من وقتها وراح تصحى من غفلتها وتتأكد..مو تتأكد انه مافي حب لاااا ...تتأكد انه الدنيا ماصار فيها رجال كفو تنحب..

انت غلطت ولازم تتحمل كلامي وكلامي هذا نتيجة غلطك ويلا ارسل لها اسم المنتدى وعنوان الموضوع بدال ماتعيشها بوهم.

موضوع مستفز للغايه وخالقي.

لا عليك اختي اتحمل كلامك وأعلم مدى القسوه التي سأجنيها من طرحي للموضوع
لكن يؤسفني ان اجد هذا الامر هنا وانا في امس الحاجة لكم واريد معاونتكم على الخير خاصة وان احد الاعضاء اشار لي ونصحني بهذا المنتدى لاطرح مشكلتي
ليتكم تدلوني على الحل فأنا لا أطالبكم بعتاب أو ان تعرفوني أن مافعلته خطأ
أشكر لك ردك أختي
ولا انسى اختي يشهد الله أنني لم اميل معها لحديث (( القرف )) كما اسميتيه صحيح اني أخطأت وخطاي وان كان صغيرا يبقى في عيني كبيرا وهكذا تعلمت في حياتي وشكرا لوقتك

أوافقك الرأي أسئل الله الهدايه لصاحب الموضوع وأن يدله على طريق الصواب ....شااااب

__________________
لا تكن عبد مملوك كن حر حتى ولو كان الثمن روحك

شكرا لك أخوي على الرد والله يجعله في موازين حسناتك