اعتقد ان اللي لازم يتغير..انا..

زوجي مريض وهذا قدري..والحمدلله على كل حال..ومافي حد مرتاح بالدنيا..سبحان الله عندنا الملايين والقصور واعاني من مرض زوجي..وغيري اصحاء واسود ومايملكون ريال..هذه قسمه الله في الخلق..

انا اللي لازم اصبر..والله اني صابره..بس ما ادري وشلون ضعفت..خاصه هاليومين احس اني تعبانه حييل..

صرت ادعي الله يبتليني بمرض فقدان الشهوه..البرود....او انه يزيدني صبر..لاني بديت اضعف من جديد

الله يصبرك ويشفي زوجك ، الله يسعدكم دنيا واخره
اكثري من قراءة القران الكريم ، وعليكي بالصيام ،،
ولاتنسي الدعاء لزوجك وابشري بالخير من خالقك ،،،
اسأل الله العلي العظيم ان يفرج امركم ويسعدكم دنيا واخره وكل مسلم ،،،

__________________
سَلام عَلَى الدّنْيَا إذَا لَم يَكُن بهَا صَدِيقٌ صَدُوقٌ صَادِقُ الْوَعدِ مُنْصِفَا

الحمدج لله انتي انسانه مؤمنه وصابره وراضيه بقدرك وقسمتك

وهذا نصف العلاج ادعي الله سبحانه وابشري بالخير العظيم

هذا ابتلاء من الله لايمانك وصبرك وانشاء الله انك من الصابرين

الله يرفع درجاتك وايمانك ويطهر قلبك ويحفظك من كيد الشيطان ووسوسته

انتي على خير عظيم ماتدرين ربي وش يعطيك على صبرك وايمانك

هذا الابتلائات التي تصيبنا تقربنا من الله عزوجل لدرجه انك تنسين المصيبه وتفرحين بقربك ومنجاتك لله

الحمد لله والحمد لله غيرنا محروم من هذا القرب احمد الله ومدي كفك له صبح ومساء حتى تنكشف الغمه

__________________

كله على اجر اختي

ما تشعرين به من احاسيس رغبة ما هي الا مشاعر طبيعية

انا قلت في مداخلتي الاولى ان اربع مرات لشباب في اعماركم قليلة

لكن مثل ما قلتي هذا قدرك ...ان يكون زوجك مريض

ربي يعينك و يمن عليه بالشفاء العاجل

وانت ما شاء الله عليك ..باين عليك انسانة مؤمنه و تخافين الله

وربي يعطيك على نيتك

أعانك الله
مرحلة عمرك (نهاية العشرينات ) تضج بالشهوة , وتزداد طبعا مع المثيرات
عليك بالصبر , وتناولي المثبطات الطبيعية مثل الرجلة والنعناع والليمون , وتجنبي المثيرات الطبيعية كالجنسنج والروبيان والعسل وغيرها ..

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

اشكر ردودكم..التي لن تزيدني الا قوه وايمانا بالله..وفعلا اكيد ربي راح يعوضني..

الاخ ياسر..هل انت متزوج..؟؟ ما احب ادخل بالتفاصيل..

مثلا..خلنا نقوم..نوقف..اعمل كذا..كذا احسن ..هنا اكثر ..مستحيل يقدر يجي فوقي.مااااايقدر ..انا اللي دايما اتحرك واحركه .مايقدر..طول العمليه وانا اللي اثيره..


اذا انت متزوج اكيد راح تفهم..

بالنسبه للاكل..هذا اللي ناويه اسويه راح ابتعد عن السي فود..والاكلات المشابهه..

انا تزوجت وعمري 18 عشان اصون نفسي.. واستحملت لعيال مع الدراسه والمسؤوليه بس علشان..اشبع نفسي من

الناحيه الجنسيه..لكن سبحان الله..ربي ابتلاني في الشئ اللي احبه..

اللي خلاني ارجع للتفكير في نفسي مره ثانيه..انسان ماصار نصيب بيني وبينه..هلي ماوافقوا عليه..اتصل فيني امس ولله

الحمد صديته ووقفته عند حده..وهددته بأني راح اقول لاهله وهلي وافضحه وفي داخلي بركان من الشوق..

وطول اليوم يوسوس لي الشيطان اني اتصل على مكان شغله..رحت ابغي امسك التيلفون..مسكت المسبحه..وقعدت

استغفر وابكي دم وطلعت من البيت وقعدت مع هلي لين يرجع زوجي من السفر..

جهاد النفس يذبح..اللهم يامقلب القلوب ثبت قلبي على دينك

حبيبتي المهدئات هي السبب لازم تتواصلين معاه مع دكتور نفسي وبعدين هو ليش ياخذ مضادات اكتاب وعاده مايكثر منها وفي طرق كثيره في الارشاد النفسي غير الحبوب وكبديل للعلاج والعققاقير التي دايما يكون لها سايد ايفكت

اختي الفتاكه..

هو مو من سنه اوسنتين ياخذها..اواكثر من 10 سنوات..

يعني كأنه مدمن عليها..مايقدر يخليها..يجن..

لدرجه انه ممكن يقتل..

هو مخففها الحين..حبه كل يومين..اكثر من كذا مايقدر..والابتنقلب حياتنا جحيم

الدكتور قال هذا علاجه..

هو الحين ماعنده مشكله عشان يروح للارشاد النفسي..الحمدلله مرتاح..بس لحبوب نو وي يخليها..

السلام عليكم ورحمة الله تعالى وبركاته

اختي الكريمة زوجك الحين ما يقدر يبطل الحبوب لان مفعولها بيسري فالدم واستحالة يبطلها اعرف حالتين (قالهم الطبيب) مايقدروا يستغنوا عنها مدى الحياة والحمد لله انه كما جعل الداء جعل له الدواء يعني نحمد الله على مفعول هاي الحبوب عليهم والا يفقدوا السيطرة فالحمد لله على كل شئ


اشوف اختي ان مشكلة زوجك الوزن الزايد اذا هو رافض الرياضة (حتى بالبيت) حاولي تلعبي على الاكل مثلا اكل صحي اغلب ايام الاسبوع لاجل لا يمل وركزي ان العشاء يكون خفيف
حاولي تحفزيه على صيام الخميس او الاثنين من كل اسبوع ....

اختي الكريمة احب اقولك ان شعورك طبيعي جدا خصوصا ان عمرك 26 سنة اي في عز شبابك وكل رغباتك طبيعية

وضعف زوجك الجنسي ابتلاء لكما فحاولي تتغلبي على نفسك وشهواتك


والحياة لا تكتمل يوما لاحد فالبيوت مليئة بالاسرار

احب اهمس لك كلمتين (الشخص الي ماكتب الله نجاح علاقتك به) شاءت الاقدار انه يظهر ثاني فوقت حساس بالنسبة لك وقت يمكن تكون مشاعرك فيك مكبوتة (بسبب ضعف زوجك) فحاولي عزيزتي تشغلي نفسك اكثر بالصدقات بالاعمال الخيرية بالتامل باولادك باشياء تفيدك ولا تنقصك


ولا تنسي عزيزتي ان لا الملايين ولا القصور ترد للانسان ثقته بنفسه واحترامه لنفسه فشيلي من بالك فكرة التواصل مع الشخص الاخر فالشيطان سيزين لك هذا الشاب وكانه الشخص المتكامل (والكمال لله سبحانه وتعالى)
واعذيريني اقول لك انه شخص غير جدير بالاحترام فكيف له ان يكون شخص محترم ويحوم بامراة متزوجة وام لاطفال

لن نفترض الخيانة لكن تصوري ان كان هذا الشخص زوجك ويحوم على غيرك فكيف سيكون احساسك هل ستتحرك له مشاعرك هل سترتاحين في حياتك معه فاحمدي الله عزيزتي على زوجك (وتاكدي انك بمساعدتك زوجك -حتى فالعلاقة الشرعية- فانك بذلك تساعدين كليكما حتى لو كنتي الشخص المتحرك فالعلاقة بينكما فانت بذلك تغنين بعض احتياجاتك واحتياجات زوجك ايضا - وتاكدي انك تساعدين شخص محتاج - والاجر لا يضيع عند الله


فكوني اقوى من نفسك عزيزتي بعض الاخطاء تقبل من المراة وبعضها لا يغتفر لها


اتمنى لك التوفيق

سراب..كلامك صحيح..الحمدلله على نعمه الدواء على الاقل في علاج..

وفعلا لما اتصل الشخص حسيت ان ربي يبغي يشوف صبري..وانا مستحيل اني اخون والعياذ بالله..

ياريت مايتفسر كلامي خطأ..انا ماقلت اخون..ولا ابغي اكرر هالكلمه..

انا اراعي ربي قبل زوجي..والله المستعان