والله كبرتوا راسه و جالسين تجروا وراه و لا عملتي مقدار لنفسك و لا اهلك علموا مقدار لك

كيف تبغي ولد الناس يعمل مقدار لك بعدها

عزي نفسك و ما راح تموتي من غيره

يرجعك بكرامة و بشروط
مو على كيفه كل شوي يهدد و يطلق بالاخير على سبب تافه

والله العيشه صعبه عند اهلي قبل لاتزوح وشلون الحين اذا تطلقت معي ولدين هو كويس وطيب احيننا لكن اهلي يشوفون الظاهر مايشوفون الداخل لكنه عصبي ودايم حزين وأي شي أسويه يذمه رجال ماعليه كلام ظاهريا مايحب يتحمل المسؤليه ولازم مرتين بالسنه يحطنّي عند اهلي ويجلس يتكلم فيني اني فاشله ماسوي شي وإني بزر ماني حرمه ثم يرجع ولأكان شي صار يارب فرجك مو عارفه أقرر ولا وش اسوي

هاذي المشكله لكن انا ماعندي نية رجعه وأفكر أحط محامي يشوف اذا حصل الطلاق اولا والله متشتته مو عارفه استخرت الله يسهل بس

الحين ترى الاعضاء مايقدرون ينفعونك لان المشكلة ماهي واضحة.
هل فعلا زوجك يطلق على شي تافه
او انتي فعلا اخطأتي خطأ قوي في حقه خلاه يغضب و ينقهر وانتي تشوفينه شي تافه!
انتي الان قيمي نفسك و سوي اللي عليك واصلحي نفسك
الاخطاء اللي يذكرها زوجك اصلحيها
و ان حصل طلاق مع هذا صدقيني ماراح تندمين لانك سويتي اللي عليك
وهو اللي بيجيك بنفسه
و الاهم من هذا كله الدعاء باصلاح الاحوال

انا غلطت بصراحه لكن هو ضايقني قالي بسافر قلت اوك بس ماراح اروح لاهلي قال بتجي امك قلت مادري قال انا متفق معك قلت لا ماتنفقنا خل نتكلم بالغرفه لان عيالي عندي قال انا ماعلي منك بسافر بكرى الصبح واغراض ماني جايب لك بتروحين روحي قلت انا متفقه معك اني اجلس بيتي وانت بكيف ماعندي مشكله قام يستهزء فيني كانك هنديه ويسوي حركات وينافخ قام ولدي يكلمني قلت اصبر اسمع ذالبزر وانا متلخبطه قال انتي طالق وداني لاهلي انا غلطانه لكن هو من يوم فكر بالسفر وهو يقول روحي لاهلك ومايردك الا بيت اهلك

اجلسي فكري زين وادعي الله يكتب لك الخيرة في أمرك.
الأمور في بداية الطلاق تكون صعبه وما تقدرين تسيطرين على روحك ودك تهاجرين لكن الصبر والتصبر حلو

الله يعطيك قوة نسيانه.

لا تترجينه يرجعك، ولكن اقرأي سورة البقرة آيات الطلاق، تحصلين اللي طلق زوجته وما خلاها تقضي العدة شرعاً عنده "ظلم نفسه" ولعل الله يحدث بعد ذلك أمرا.

أنتي ابني حالياً إنك مطلقه جد، بعد العدة إذا ما رجعك وانتهت وعندك اثباتات على الطلاق راجعي المحكمة لأن أمورك بتتعطل بتكونين تحت اسمه في الكرت وما لك سلطة تسوين شيء لولدك أو بنتك لأن ما عندك اثبات.

الاثبات تطلعينه بعد ما يسقطك من كرته.

الموضوع مشربك بس فعلاً بتشوفين كيف قرار سريع وبدون مشاورة -أقصده هو وكيف طلق بدون لا يشاورك- بيكون له تبعات فالبداية عليك كثير لأنك أنتي اللي انكسرتي وانصدمتي بقرار ما قررتيه
ثانياً انطردتي برا بيتك اللي استقريتي فيه فالآن راح ترجعين تستقرين في بيت أهلك من جديد، بينما هو ما يعاني من النقاط اللي ذكرتها.

أنتي بتبدأين تدورين طريق للعيش والإكتفاء الذاتي بدل اعتمادك على أهلك وبتلقين الناس تحكم على تأخرك بجهل لكن هذه فعلاً أحد الأشياء اللي تعبتني.

بس مع الأيام راح تنسين كل الألم اللي مر عليك ويبدأ فجأة هو يتألم أو يصحى بعد ما تكرهينه وتحلمين بحياة غير وأهداف واعية.

كل اللي عليك تسوينه الحين الصبر لا ترسلين له أي شيء لا تهينين نفسك أكثر.

غلطانة في ايش؟
قولي نسيت والا غفلت ما رجعت ذكرته!

الموضوع ما يستدعي الطلاق فالآخير.

الله يجبر خاطرك ويسعدك

غلطة علشاني قلت بزر
مادري احس مايسدعي الطلاق
بس هو دايم دايم يهدد بالطلاق

أختي هو يبيك تروحين بيت أهلك
ولما لقاك معزمه تقعدين طلقك فسواء قلتي بزر أو ما قلتي هو يبيك تطلعين من البيت هالفتره