الرجل هو مصدر اساسي في التنكيد على المراه وتعفيس مزاجها
خليني اقولك موقف طازه امس تعبانه واعاني من التهاب بحلقي وموب قادره اسوي شي وجالسه ببيت اهلي وادق على زوجي علشان يوديني المستوصف يضحك ويتمسخر ويقول ايش الطهبله هذي طبعا سكت وبلعتها لاني لو بتكلم عارفه كعادته بيتهمني اني حساسه واني اتدلع واليوم احس بالالام فضيعه بالحلق كانه سكاكين والالتهاب نازل على الرئه ومو بس هالموقف بل مئات المواقف على التنكيد والاستفزاز وبرايي الامثله اللي ذكرتهيهن ينطبق عليهن وصف ناكرات العشير اقرب شي لانه ماتنكدت بالعكس ضحكت يوم ذكرتيها الرجل كائن يحب ينكد على المراه اي شي يبحث عن اي شي يستفزها واذا زعلت قالوا يوووه هذي حرمه نكديه[alig |
يقال اذا وضعتِ نقطة سوداء صغيرة في ورقة بيضاء
سيتجه النظر اليها على الفور مغفلًا البياض الطاغي حولها.. يعني البشر غالبا ما يركزون على ما ينقصهم وليس ما يمتلكونه،، فمن هالمنطلق تنشأ المشكلات الزوجية في كل بيت.. |
للأسف مااعتقد راح تتغير هالنظرة عن المرأة بأنها نكدية
والرجل مسكيين مظلوم ضحية المرأة النكدية بحساسيتها وقصر نظرها للأمور ومهما كانت حكيمة وبعيدة عن الزعل وتصبر ويجي يوم تتغير نفسيتها لأي ظرف كان على طوووول بيقول نكدية وهو مسكين احمله فوق طاقته ! الرجال فيهم دلع مو طبيعي وووالله لو يجيهم نص اللي يجينا من تعب النفسية إما لحمل ولا ولادة ولا دورة تلعب لعب في نفسيتها مايتحمل وينهار ضغوطات المرأة المتزوجة والأم والمسؤولة عن كل شي في بيتها واطفالها اشوفه شي طبيعي لو تقلب نفسيتها والزوج المحب اقلها يتفهم كل هالشغوطات على زوجته المسكينة ويتغاضى يمكن كلامي ماله علاقة قريبة بالمثال اللي كتبتيه لكن هذا اللي احسه الحين ومضايقني |
بعض الاحيان نعم وبعض الاحيان تلاقي الرجل هو بموقع النكد! .. دائما ما ااخذ بحكمة ان بني ادم لاتشبع عينه الا التراب ...
عن نفسي اعترف نعم بعض الاحيان تدق علي! ابغي انكد ههههه والله لا اراديا يحصل الشئ وزوجي الحمدلله يطنش وهو ماشي ... بعض الاحيان او بعدد اكثر من الاحيان يكون التنكيد من الزوج تسكتين مرة مرتين وتصبرين وتبلعين الكلام بس بعدها انفجار وتنقلب الطاولة عليك انتييييي نكدية !! .. انا شفت ان الحل لحالتي هي اني اشوف حال غيري واحمد ربي وعلى قولتهم من ساف مصيبه غيره هانت عليه مصيبته وبهالزمن برايي اهم ما بالرجل الاخلاق والطيب وان فقدا تصيررر مصيييبة والحياة صعبة فعلااا فاللي تحصل رجل يتقي الله فيها اعتبرها محظوظة... موضوع حلووو ويعطيك الف عاافية ،، |
النكد طبع في بعض الأشخاص مثله مثل اي طبع أخر حتى الأطفال فيه منهم نكدي ما يعجبه العجب سبحان الله!!
بس الي انت تشوفينه مش ضروري يكون القصة الكاملة يمكن بينهم أمور يجبر الزوجه أنها انكد على زوجها أحيانا البيوت اسرار والله العالم بأحوالها بس برضه في حريم طبعها نكدي عمتي متزوجة بخالي سبحان الله مهما عمل ما يعجبها ودائما مكشره وهو طيب وجنون وهادي وبشوش بس هالشي ايام شبابهم الحين عمتي تغيرت الحمد لله |
اصيلة أأيدج بالراي
امس من الصبح وهويطفر ويستهزئ وباخر الليل زودها و زعلت انتي صغيرة عقل وانتي ياهل وانتي وانتي ياخي انت من الاول احترم نفسك المشكلة شياطين بعض الرياييل ما تتصفد |
هههههههه سؤال أعماق واضح اوكي..
والجواب أوضح وأثبت انه الموضوع صحيح 100% لقيت اﻻجوبه أغلبها شكاوي ونكد |
نسوان محبوسة في البيت و بين بزارينها و هواشهم
منين ما يجي الطفش.الحل التنزه و رؤية الصديقات نصف ساعة يوميا^_^ النكديات اشبه بالرجل المتقاعد حاط دوبه و دوب انوار البيت |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|