السلام عليكم

الله يعطيكم العافية كل المشاركين في المنتدى والقامين عليه ..

عندي مشكلة اسريه وحبيت استشركم ( شو القصد من تصرفات طليقتي بسبب الطلاق )

متزوج من 10 سنوات تقربا عندي ولد وبنت الحمدالله مافيه اي مشاكل كبيره خلال فترت الزواج

قبل سنه تقربا صار خلاف بيني وبنها هي غلطة ، وحاولة احتوي الموضوع بس هي اصرة انه الموضوع يوصل لاهلها
اهلها انا عارف عقلياته بدال ما يحلو الامور يعقدوها زياده واول حل هو ( الطلاق ) عندهم
بذكر لكم موقف صار قبل بخصوص العيال قلت بكلم امها تفهمها تدير بلها على عيالها على طول يودو الحرمه وتصل فيني اخوها يقولي طلاق ، ونا ما قلت لهم شي عن الموضوع بعد اسبوع متصل لي اخوها الاصغر يقول اخوي غلطان وما يعرف يتصرف ووو

المهم
المشكلة الاخيره وصلتها لاهلها وكبرو الموضوع حتا طلقتها في المحكمه بسبب اصرارها
عندي بعض الملاحظات وحتاج اعرف شو الموضع
لانها ماقلت لي شو سبب الطلاق حتا عند القاضي ماقلة شي بس تبلو علي بشهادة اختها
______________
الملاحظات
1- تقولي انة بطلق وبرجع ( وهذه كان اقتراح امها تطلقي ورجعي )
2- واثقة اني ما بتزوج عليها ( قلت لها بتزوج وهلي مصرين اني اتزوج تقول لاتسمع كلامهم ونا لو ما باك ما بكلمك تكلمني من دون علم اهلها ) مره سويت اني بتزوج صدق شفتها تغيرت هي وخوها عزموني في بيتهم وكانت متعداه وكاشخة مع اني من 3 شهور احاول اجلس معهم نتفاهم بس ماشي فايده يوم سمعو اني بتزوج قالو بترجع عشان العيال بس وين بتسكنها وبعد ما عرفو اني ما بعرس اصرو على الطلاق !!
3- في الجلسه الاخيره بعد الطلاق قالت اريد ارجع بس اهلي رافضين ولازم تحسن علاقتك بهم.

عن نفسي انا متعلق فيها وبا احافظ على اسرتي وعيالي وذليت نفسي في البداية حتا ما يتم الطلاق بس بعد الطلاق ما راجعتهم
كنت احلم احلام تتكرر علي تفسيرها انها تبا ترجع بس فيه شي يمنعها
مستغرب منها تصرفاتها عكس كلامها تقولي ابيك بس طلق كذا مره قابلتها نظرات عينها تقول كلام ثاني ( حاس انها تكابر بس عيونها فاظحتنها )



الي اريد اعرفه شو سبب كل الي صار من وجهت نظركم (حواء )
1- هل هي تدلع وتكابر
2- ولا ما تليني
3- ولا اهلها
4- او شي ثاني ، ، ،

تم تعديل العنوان ليتناسب مع المضمون

ليش تترك نفسك في مجال هالاختيارات

حاول باي طريقه .. تواجها وجها لوجه .. يعني انتظرها مره تطلع وكلمها .. او كلمها هاتفيا او رساله المهم

سؤال فقط اسأله لها ... انتي تبيني وتبين اسرتك او انا رجال بتزوج

تقعد تشرح لك .. قولها ابي جواب اسؤالي بدون اسهاب وشرح

تذا قالت لا يصير خلاص عرفت دربك والله يعوضك

اذا ايه تبيك .. قول طيب انا اللي علي بسويه رضوه واحسن علاقتي مع اهلك

بس انتي تضبطين اهلك لي .. ولك شهر

وبس انتهي


اما سالفه تباني واباها بس اهلها مدري شفيهم

بينكم عيال انتوا مو عشاق

وقول لا تحطون عيالي بذمتكم

__________________
أعلل النفس بالآمال ارقبها .. ما أضيق العيش لولا فسحة الأمل

اخي رجعها واضح انكم انتوا الثنين تبغون بعض وماتبون طلاق
صلي صلاة استخاره وادعي من الله يوفقك للطريق الصحيح وبالنسبه لها قولها هذه اخر مره تنقلين مشاكلنا لأهلك اذا كنتي تبين هالزواج يستمر والعلاقه الطيبه مع اهلك تستمر

عشرة عشر سنوات وعيال وبسهولة طلاق
وش المشكلة التي استدعت ذلك؟
اكيد فيه سبب يستاهل

الطلاق بيدك انت
فكيف تطلق بدون سبب

اذا كانوا مصرين فالقضاء هو يحكم بينكم وينظر للاسباب

بس انت ما ذكرت سبب الطلاق ، وان هالمشكلة وصلتها اهلها

يمكن بنظرك المشكلة صغيرة لكنها كبيرة بنظرها وتشوف ان لازم توصلها لاهلها يحلوها

__________________
يا رب خاتمة حســنة ، وزلفى ، وحسن مآب ..

اهرب من كثيرة طلب الطلاق مهما كنت تحبها وتبي تحافظ على بيتك

او جهز اذنيك عند كل مشكله صغيرة او كبيرة تطلب الطلاق وتروح لأهلها وتتبهذل

الله يعطيكم العافية

كذا مره سالتها هذه السؤال
تقولي ابيك بس اصبر ؟؟؟
تقولي انت ما بتتزوج الا اذا تبا تقهرني !!
انا الي هامني العيال

الله يعطيكم العافية
انا هذه الي حاس فيه بصبر وعسا الله يهديها

المشكلة الي صارة مشكله اخلاقية من طرفها ... فحاولت التهرب عند اهلها حتا ما تواجه ( اعتقد منحرجة)
اهلها كبرو الموضوع وبدا ينسحبو تدريجين وقالو نحن ما توقنا توصل لهذه الدرجه

سبب الطلاق في المحكمة الضرب / مع اني ماضربتها وجبت تقرير من المستشفى انها غير مضروبه القاضي اكتفا بشهادة اختها .
الله يعطيكم العفية
المشكله مثل ما قلت لكم اخلاقية وهي من النوع الخجول تتهرب من المواجهه
يعني صارة صدمه من جهتها ومني لليوم ما متوقع منها هذه الشي
الموضوع مب كبير ممكن احتوائه بطريقة الصحيحه ( بس مثل مايقولو الصفحة البيضه النقطة السوده تكون واضحه فيها اما الصفحة السوده فعادي)