السلام عليكم ورحمة الله

تم عقد قراني من اسابيع
وخطيبي احسبه والله حسيبه انسان طيب وذو خلق

الحاصل انه اصر يجيب لي شي وهو شي بسيط جدا وعادي لكني لاني محرجه منه ولاني من النوع الي عندها عزة نفس وكرامة بزيادة حاولت اغير السالفة عشان ما يجيب لي هالشي
فتغيرت نبرة صوته شوي وهو يناقشني
فقلت له بمزح "ماتعودت اسمع هالنبرة منك"
رد علي "لانك تحومين كبدي"

انهينا الاتصال وارسل لي الشي الي يبي يجيبه

بس الكلمة مزعجتني مره ادري قالها عفويا وغالبا مو قاصدها
بس انزعجت لانه عقب ما قالها برر لنفسه انه قالها او ان معه حق يقولها بجملة
"لاني قلت لك عادي انا ابي اجيب لك"
يعني لو قال انها مو مقصودة افضل من انه يشوف ان معه حق يقولها عشان هالسبب

بعد ماوصلني الشي الي مرسله ارسلت له "الله يعطيك العافية" وسألني اش رأيي فيه وقلت له "حلو"

ادري مو اعظم شي فالدنيا الي انقالي وادري شي بسيط
بس ماودي يتعود يقولي هالكلام خصوصا اني ماغلطت عليه ابد
وادري لو هو في موقفي بتحز في خاطره هالكلمة حتى لو عفوية

انصحوني كيف اتصرف
اقوله ان الكلمة ضايقتني او ابين له انها حزت بخاطري بشكل غير مباشر او مالي حق اصلا تحز بخاطري وانساها وخلاص