السلام عليكم
اشلونكم ؟
ان شاء الله كلكم بخير

عندي استفسار بسيط
وحابه اسمع عن تجاربكم
ووجهات نظركم بموضوعي

انا حامل في شهري الثالث
وداخله على الرابع بعد يومين
هذا اول مولود لي
ان شاء الله يكون بصحه وعافيه
وهذا اهم شي عندي

ولكن ودي اسمع منكم عن الطريقه السليمه لتربية الابناء
يعني انا اشوف الصغاريه اطباعهم تتفاوت من طفل لاخر

عندي عيال اختي اثنيه
الكبير هادي جدا ومنطوي على نفسه
اما الثاني ماشاء الله عليه ما يركد مكانه خمس ثواني
حركي ونجري ويطق في كل اللي حواليه
اختي تقول تربيته متعبه

انا عيالي ما ودي يكونون جذيه
بس اهي تقول ان تربيتي لهم وحده
اشلون صار هذا الاختلاف الشاسع في الشخصيات بينهم

هل هي جذيه من الله
ام ان التربيه لها دور كبير في صنع شخصية اطفالنا

يمكن انا مستبقه الاحداث
بس ودي اعرف منكم
يا اصحاب الخبره

وادعو مولودي يكون بصحه وسلامه
وربي يخلي لكم عيالكم ويحفظهم لكم

انتي عجله مره
التربية تبدأ من بداية اكمال الطفل للسنة تقريبا
يعني باقي قدامك 18 شهر حتى تفكري تسألي هالسؤال

انصحك بكتاب امومتي ل غادة الغنيمان
موجود بمكتبه جرير


انا عندي طفلين
وهالكتاب فادني بالتربيه كثييير
نصحتني فيه صديقتي (3 اطفال)

مكانه الانسب

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

الله يتمم لك وتشوفيها طيبه معافاه

اكيد التربيه لها دور بس كل طفل يولد بشخصية خاصة فيه يعني مثلا الاب اجتماعي ومرح والام هادية ممكن واحد يجي للام وواحد يجي للاب

اي ادري والله
بس لا تلوموني
طايره من الفرحه ربي يتمم لي على خير

صارت لي مشاكل في بداية زواجي وانحلت
وزوجي قبل عمل فحص
والدكتور قال له ما تقدر تنجب
ولازم تعمل عمليه وفرص النجاح من عدمه متساويه
فانا زعلت وحزنت
بس قلت لزوجي بلاها العمليه
هذا اللي الله كاتبه لنا وانا مابي عيال ابيك انته

المهم من كمن شهر عملت فحص والدكتوره اصدمتني بأني حامل
بصراحه ما تتصورون اشلون كنا طايرين من الفرحه انا وزوجي

عشان جذيه انا قاعده ارتب من الحين
ايه مستعجله .. بس من زود فرحتي ربي يسعدكم

الله يخلي لج عيالج يارب
ويكونون لج ذخر بعد الله سبحانه وتعالى
راح ادور عن الكتاب اللي قلتيلي عنه
شكرا لج اختي روان ماقصرتي

يعني ما نقدر نغير في شخصية الطفل
على جذيه ان شاء الله يطلع علي ^_^
شكرا على تفاعلج اختي ما قصرتي

يوجد فيدويهات كثيرة عن اليوتيوب عن هذا الموضوع من اطباء علم نفس

من اهم المعلومات

1- عدم الدلع كثيرا وعدم الصرف وتلبية كل مطالب الابناء
2- في حالة تأديب الاطفال لا يستخدم الاهانة او الضرب يستخدم الحرمان من بعض الامتيازات
3- الاطفال يستخدمون اسلوب الابتزاز العاطفي في حال بكاءهم على شيء غير منطقي ولمطالبتهم بشيء غير واقعي يجب تجاهلهم والصبر والاصرار على هذا التجاهل حتى لو كان دمك يغلي، في حال فشلك في الصبر وفي التجاهل سيستمر قلة ادبهم اكثر واكثر
4- ابعادهم عن الاجهزة الالكترونية بقدر الامكان فهي تسبب العزلة وقلة الذكاء العاطفي والاجتماعي
5-يجب ان يحتك الاطفال باطفال اخرين لزيادة قدرة ذكائهم الاجتماعي والعاطفي

يسلموووووووووووووووووو