صور حلوة بصراحة
اختي النمسا والمانيا كم كيلومتر بينهم؟ بحدود 350 او انا غلطانة؟

زميلتي سافرت للنمسا .. تقول مو غالية .. جلست 12 يوم هي و زوجها .. منهم 3 ايام بزيلاماس
كلفتهم 17 الف ريال سعودي

ياليت اختي تعطينا نبذة عن الاسعار في السكن و المواد الغذائية

ما شاء الله تيارك الله من جد روووووووووووعه الف شكر ع الصور

__________________
لامنياتنا بقايا لن تكتمل الا في الجنه

وعليكم السلام ورحمة الله ..
كنا أنا وأمي وأبوي وأختي وبناتي ثنتين صغار ,,
بصراحة أنا توقعتها غالية .. وكنت خايفة تقصرني الفلوس هناك .. لكن سبحان الله مع إني ماخليت شي بخاطري إلا أني رجعت ومعاي نصف المبلغ اللي حطيته للسفر ..
يمكن لأني مارحت للتسوق .. ومثل ماتشوف أغلب سفرتي كانت سياحة والقيام بالأنشطة .. بس أخر يوم تسوقت لوازم العيد .. قلت خلني ألبس بناتي ستايل أوروبي هالعيد ..
التسوق مكلف شوي في النمسا لأن اسعارهم غالية .. بس أنا تسوقت في ميونخ .. وسوق ميونخ كله تخفيضات .. لكن شالفايدة ؟؟ محلاتهم مثل محلاتنا .. يعني أتوقع أغلب بضاعتهم بتلاقيها عندنا .. لكن من باب توسعة الخاطر .. :14:
هناك أغلبهم يتكلمون شوي انجليزي .. أنا استغربت إن انجليزيتي أفضل منهم .. فيه بعضهم مايفهمون .. كلمتهم بالإشارة هههههه .. المهم مشي الحال ..
بصراحة ما أعرف تكلفة الفنادق لأن الوالد الله يحفظه دفع .. بس مصروفي أنا وعيالي والأكل والمشتريات وتكاليف الأنشطة يمكن كلفتني 14000 .. أمي وأبوي واختي لحالهم مالي شغل في صرفيتهم .. بس أتوقع صرفهم مقارب لصرفي ..

ربي يحفظكم ويطمنكم ويردكم بالسلامة .. وإن شاء الله ماعليكم شر ..

ماشششاء الله .. متعة و خالقي ؛ انا بصرآحه خاطري أزور النمسا يارب قريب
حمستيني أكثر مع أن أمسك نفسي عن أي شئ فيه النمسا ما أدخل و لا أتفرج ههههه لأن بجد حابه أروح هالدولة
موضوعك و الصور في القمة .. ربي يمتعك دوووووم ي الغلا ..
و عقبال ما تشاوفينا رحلاتك القادمة

ممتنة ل مشاركتنا رحلتك
ثم تحيّة مخملية

__________________

-
يَاربِ تمّم بالفَلاحِ مَسيرتي ..

هلا أختي ..
يعني المناطق اللي ذكرتها فوق كلها على الحدود .. حدود النمسا وحدود ألمانيا ..
ما أعرف بالكيلو متر بس تقريبا تنقلنا من منطقة للثانية حوالي ساعة إلى ساعة ونص .. وكان على شكل دائرة يعني رجعنا لميونخ النقطة اللي بدينا منها .. وهذه الخارطة توضح المناطق :
[IMG]http://im23.***********/2012-07-19/1342676966291.bmp[/IMG]
يارب يارب مايطلع حجمها كبير ..

اسعار السكن ماعرف بالضبط بس كانت فنادق 4+ نجوم .. ممكن تشوفينها في مواقع الحجوزات .. الوجبة للشخص الواحد بالمتوسط تكلف 20 يورو .. يعني أقل من 100 ريال بشوي .. اشوفه سعر معقول.. بس أغلب الأوقات وجبتي تتكون من سندويش جبن حتى طماط مايحطون لي .. أقول لهم حطوا الطماط داخل السنوديش .. يستغربون .. يخلونه برا في الصحن .. أو سمك وأكل بحري ..
لأن ماتحصلين أكل حلال بسهولة خصوصا للي أول مرة يروح ومايدل ..
إذا حصلتوا بقالة أخذوا منها ماي .. لأن ماي الفنادق يكلف شوي .. 10 أو 15 ريال .. لكن في البقالات ريالين ونص إلى 5 .. وترى أغلب الماي عندهم يكون غازي .. إذا ماتحبين الماي الغازي دايما سألي With gaz or without gaz .. هم جذي يفهمون قصدي ..

الدانة ..
أماني مفقودة ..
بوح سماوي ..
شاكرة لكم المرور ربي يسعدكم في الدنيا والآخرة ..

تقرير ممتع
مع ان الصوره قليله وما تشبع العين..
الا ان التصوير رااااائع و حرفي ..


الحمدلله على سلامتكم
وعقبال تقارير اخرى ادسم ..
والله يعطيك العافيه

__________________

ي الييييه ميونخ والنمسا شهر 7 اللي طاف كنت فيها شهر ولاشبعت حبيت اكثر شي زلمسي جنه الله في ارضه وصورة البيت اللي ماتدرين اي منطقه هاذي زلمسي عليكم بالعافيه 😍

__________________
اللهم احفظ لي زوجي وسخره لي واحفظ لي اولادي

سبحان الله
تصدقي انا عايشة باوروبا .. ملينا من الخضار و المطر اللهم لك الحمد
صرنا ندور الشمس و الصحرا خخخخخخ
والله ياختي مادري بتصدقيني ولا لا كل هذا مايجي جنب انك تسمعي
الاذان من مسجد جنبك او تطلعي تمشي بين اهلك و ناسك ..

صعبة الغربة .. الله يعين كل مغترب و يرجعه لاهله سالم

تسلمي حبيبتي بحرينية عالصور الحلوة ..
لو دريت انك جاية كنا استقبلناكم ووديتك تتسوقي عند التخفيضات الحقيقة
ربي يسعدك ويحفظ لك بناتك و اهلك يارب

متفائل,, بالسلامة اخي و ياربي ترجعو مجبورين الخاطر
بحمل سليم معافى

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

ما شاء الله ..

تقرير رائع .. خليتيني أتشجع أكثر للنمساا

وضربت النمسا براااسي .. بس للأسف الدوام يرجع

بعد الشهر الكريم .. إن شاء الله الصيفيات الجاية ..

بس حبيت أسألك فديتك في مطاعم عربية؟؟ ورحتوا من النمسا إلى ألمانيا قطار ولا كيف؟؟

__________________