اذا كانت مواساتي للشخص سوف تزيد من بكاؤه لذا نفسي الذكوريه تقول لي مافي داعي اني ازيد المه

كنت في عزا شيخ كبير توفى ابنه في الستينات

وحضر احد المعزين وبدأ يبكي ويعلي صوته في التعزية

على طول استنكرو الحضور فعلته لانهم لايريدوا لوالد المتوفي انه يبكي على ولده !

فهمتي عرف الذكور السائد ياخالة؟

ردودك جدا مفيدة
بالرغم من خبرتي مع زوجي الا انك نورتني زيادة
شكرا جزيلا لك

حتى عندنا نفس الشيء خاصة بالأوساط المتدينة من النساء .. نستنكر من تبكي بصوت عالي او تعمل حركات تحاول تستثير حزن المكلومه فيها ...
لكن هذا أمر اخر ... أنت ربطت انه الدعم المعنوي لا بد انه يزيد من حزن الشخص مع انه هذا مو صحيح .

وارجع لمثال المرأة الحامل وتعبها ... هل راح يزيد تعبها لو جبت لها مسند تحطه عند ظهرها وقلت لها يعطيكي العافية او الله يقومك بالسلامه ؟ !

خل أعطيك مثال اخر

أختك عندها امتحان صعب ولما قرب الامتحان توترت ... او متهاوشه مع زوجها ومرعوبه انه يطلقها .. كيف تتعامل معها ؟ هل لو أشرت لنقاط معينة تخفف خوفها من الامتحان أو الطلاق ؟ أو أشرت لنقاط تذكرها بقوة دراستها أو استحالة وصول الأمر للطلاق ممكن هي تتوتر بزيادة ؟ وللا بتتشجع وتصير أقدر على مواجهة مشكلتها ؟

__________________

حلو
وهذا الهدف من الموضوع .. تقريب وجهات النظر وفهم الاخر للاخر

ربي يجزاك كل خير اخي في الله وضاعف لك حسناتك اضعاف مضاعفة

__________________

اشكرك يااخي / عضو قديم
تذكرني بحديث الرسول صلى الله عليه وسلم ( احب الناس الى الله انفعهم للناس )
باذن الله انك منهم لكن لاتنسى تجديد النيه
بارك الله فيك ونفع بك
كلامي عام لكل المواضيع طبعا مو هذا بس كثير افدتني

والله يا عضو قديم

زوووجي لما يمرض والله مافي فرق بينه وبين الاطفال ودايم أقوله كذا

بس يناديني طول الوقت عندي الم هنا سوي لي مساج
سخني مويه وحطيها ع راسي
حطي يدك ع الالم واقري علي
وماعلى لسانه الا اه تعبان تعبان لو مااعطيه جووه يزعل مره لانه ع قوله مرضه في مره في السنه الله يعطيه العافيه فلازم اكون ممرضه وطباخه ومطبطبه


طيب أنا متعبه يشوف اني متعبه احتاج كلمه حلوه لو دعوه
يطلب مني يجيب الاكل من برى او يسوي هو بنفسه

أما يبغاني ماأتألم واضغط ع نفسي أقوم بواجباتي مره مو حلوه

مااحتاج منه حتى يسمعني لأني مهما أشتكيت من أي شيئ أحس فيه ألاقي التجاهل لذلك أنا ماأشتكي له في بعض الالام تمر علي ماقد مرت علي في حملي السابق فأبحث في النت والاقي اسباب للالام هذي وابغى اتناقش معاه فقط مو شكوى يظل ساكت ....
اتخيل بعد الولاده كيف ؟؟؟؟؟

أمي ربي يحفظها مجرد ماتسمع أهاتي مو بس تدعي لي تشجعني اشد حيلي وأكل واهتم في نفسي واقوم بالسلامه أما إني أتألم مع جماد شي يجيب الاكتئاب واذا مره كلف ع نفسه ماكنت ابغى هالحمل 😡


عارف يمر أحياناً اسبوع من التعب فالاقي نفسي ابكي لوحدي وأنا بصراحه من النساء الي دموعي قليله للاسف لأنه البكاء تنفيس للمرأه وللعلم مستحيل ابكي امام زوجي لحاجتي له لأنه عندي أم وأخت وصديقه والله يرزقني بالبنت


أنا ماأحب الشكوى المزعجه عندي صديقه مزعجه في شكواها لدرجة الملل ماأرد ع اتصالاتها وارسلها تفرغ شكواها في الواتس واشوفها وقت روقاني لكن اوقات تكون بحاجه لكلمه حلوه لدعوه لإحساس بالشخص الي عندك واذا شعرت إنك قاعد تزيده استخدم معاه التشجيع المهم تسمع له مو تتجاهله

اختي غير وزوجتي غير

بيني وبين اختي توجد حدود

+

كل الوقت اللي راح اقضيه معها هو وقت الجلسة هذه فقط وبالتالي سوف لن يترتب على دعمي المعنوي لها اي شيء ممكن يفسد لي بقية اليوم

الزوجة هي نائبتي في المنزل

ويجب ان تكون قوية (في امور معينة) لإدارة هذا المنزل

وبالتالي نعتقد انه ماينفع ندللها من اجل لا تفسد علينا

ولكن صدقوني ماالذي يمنع انكم تفهموا الشفرة (او نقاط الاختلاف مثل ماسمتها خالتي الله يحفظها) وتستغلوها لصالحكم؟!

انا اقولكم ليش مش قادرين تستغلونها

لأن تركيبتكم لاتسمح بذلك

وهذا ليس انتقاصاً منكم

وانما (وهذه وجهة نظري التي قد تصيب وقد تخطئ) هذه سنه من سنن الكون

الا وهي ان الانثى عكس الرجل

ودائماً هذولي الاثنين في صدامات

من اجل ان يختبرهم الله سبحانه وتعالى

والا فماهي الفائدة اذا كانت صفات واحاسيس الاناث والرجال زي بعض!

او لو كان الرجال من طبعهم الفطري انهم يستطيعوا فهم الاناث واحتياجاتهن!

من اين ستأتي المشاكل اذن؟

من اين ستأتي مكافءت الصبر يوم القيامة ان ماكان فيه خلاف يستدعي اني اصبر عليه!

طبعاً توجد نسبة وتتاسب ، اكيد فيه نساء ستتفهم وجهة النظر الرجاليه واكيد فيه رجال سيتفهمون وجهة النظر الانثوية

ولكن الرسول اللهم صلي وسلم اعطانا هي من الاخر عندما قال بما معناه ان الزوجة خلقت من ضلع اعوج وانه لازم نتمتع بها على عوجها وانه مانقدر نعدله ولو عدلناه راح ينكسر وكسرها هنا هو طلاقها . ياريت اخد يتبرع لنا ويحضر هذا الحديث كاملاً

اذن طريقك مسدود ايها الزوج في تعديل صفات زوجتك كي تصبح متلائمة مع صفاتك الذكرية

والعكس اتوقع صحيح ولكنه اقل كسراً والله اعلم

بأكتب من الجوال والجوال مدري وش فيه مش راضي يتجاوب معي تمام!

متفائلة
وش فيها لو خليتي زوجك يون دون ان تطبطبي عليه
اجعلي الدواء جنبه و اذهبي. كذا ما راح تخلصي
غير انه سيكون بمظهر الضعيف امامك

__________________

مستر داني....

قصدك أرد له نفس الحركه يعني زي ماتتجاهلني أتجاهلك صعب إني أقوله هذا الشيئ وهو تعبان اكره زعله وهو بخير أجل وهو تعبان😪

واذا قصدك ماألبي احتياجاته من طبطبه ومساج يابنت يناديني ويناديني ولو حس إني أتجاهله يزعل ومايرضى حتى ياكل من أكلي وممكن يجلس عند أمه وأخته ومايجيني الا وقت النوم

تصدقي مره راح المستشفى وطول وانا نمت ورجع زعلان ليه ماادق واطمن عليه ....

هذا الامور ماأحب أذكرها له لما أحتاجه لأنه بيقول تتمنني علي فخليني ساكته أحسن هما الرجال مالهم حل 😒


عضو قديم ...اذا يعلق الجوال اكتب الرد في الملاحضات بعدين انسخه هنا

غريبة. رغم انه رجال
بس فهمتي طبيعته و راضيتيه

__________________