السلااااام عليكم
حبيباتي حابه اسئل عن اعراض الولاده في الغالب
انا الحين في الاسبوع 36 يعني اول اسبوع في التاسع وامس الصباح حسيت بألم خفيف في ظهري وبالليل حسيت بضغط جامد بالحوض يعني كأن البيبي يدفع نفسه بس بدون اي مغص!!
بصراحة انا ماني عارفه هل هذي اعراض ولاده قريبه ولا عادي احس بهذي العراض في الشهر التاسع؟؟
انا بكريه وموعد ولادتي المفترض 30\6\2009
واستخدم ابر لسيولة الدم واسبرين لان سبقلي الاجهاض عشان كذا لوكانت اعراض ولادة لازم اوقف الابر.. افيدوني الله يجزاكم خير


وايش الاشياء اللي تسهل الولاده؟؟؟




ولكم خالص شكري

حبيبتي الله يعينك ..

لسه بدري شوي .. عادة البكرة تتاخر عن موعدها

وولاللام اللي تحسي بها طبيعي .. سبحان الله خلاص دخلتي التاسع و البيبي يبدأ يستعد

و الرحم يتهيأ فا تحصل الالم خفيفة و شعور بالضغظ خاصة عند المشي ...

شوفي اعراض الولادة تختلف من وحدة للثانية .. بس في الغالب ..

تحسي بالالم زي الام الدورة بس على اقوى اقوى اقوى .. و يجي بشكل منتظم .. ممكن تحسي بها تجلس شوي و تروح

بعد ساعة مثلا ترجع و هكذا تكون منتظمه .. لغاية ما تصير كل 5 دقايق تجي و تروح ساعتها بوشك عالمستشفىاما

ممكن كمان تشوفي ماي ينزل

او زي المخاط مخلوط بدم 0وانتو بكرامة0و هذه تكون سدادة الرحم و معناه خلاص ولاده اما بنفس اليوم او اليوم اللي بعده

برضو عالطول روحي المستشفى احسن ..

من الحين خلي شنطتك جاهزة و اشياءك كلها جاهزة عشان وقت الولادة ما ترتبكي ..

كلي تمر ... يسهل الولادة سبحان الله و امشي كثير على قد ما تقدري لانه كمان يسهل الولادة

وزيدي من العلاقة الزوجية ..

ابتعدي عن الخلطات اللي نسمع عنها .. اللي تقول لك خروع و اللي تقول مريمية و الي والي والي

لانه ضررها اكثر اذا ماكانت اعطيت لك على يد طبيبة عارفه في اي مرحلة من المخاض انتي ..

مثلا قد يبتدي فيك الالم و يشربوك زيت خروع ... معروف انه يحمي الطلق .. بس اذا حمى الطلق و الرحم مو مفتوح

ساعتها الوحدة تتعب كثيير و يا اما يتقطع تحت او يلجأو للقيصرية ..

لكن لو الطبيبة هي اللي وصفت لك بعد ما شافت الرحم كم مفتوح ... عندها ما تخافي لانها ادرى و تعرف عملها

سامحيني طولت عليك ..

ربي يسهلها عليك و يقومك بالسلامة انتي و البيبي و يفرح قلبك بشوفته سليم و معافى

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

الغاليه noora
اشكرك واشكر افادتك معلوماتك قيمه
كفت ووفت الله يجزاااااك الف خير :-)

الله يهون عليك
ماشاء الله د. نورا ماخلت لنا شيء نكتبه ...
عموماً أهم شيء لاتروحي بدري لهم أستني لحد مايكون الالم شديد وماتقدري تستحملي
واهم شيء يكون الوقت قليل بين الالم والثاني زي ماقالت نورا
اذا جاك مغص احسبي في الساعة اول مايخف وشوفي متى المغصه الثانيه وكم بينهم
عليك بالمشي مسافات طويله

الله يفرج لك يارب وتشيلي البيبي وهو بصحة وعافيه
ادعي لولدي بالشفاء وقت ولادتك الدعوة مستجابه بإذن الله
طمنينا عليك

__________________

العفو حبيبتي ... طمنينا عنك ..


حرم المعلم .. من اللي شفته ومن هذر الحريم حولين الحامل .. هذره تجيب العيد
والله اني احبك في الله و لما اشوف ردوك بموضوع افرح و ارتاح نفسيا مادري ليه
.. ربي يحفظك و اسرتك من كل شر و يحفظ ابنك و يعافيه يارب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله