فشلت عمليتي ( الحقن المجهري ) والحمدلله


ما اعرف كيف ابدأ ولا من وين أبدأ
تعبانه تعب اسئل الله محد يذوقه
الدنيا مسكره بيبانها في وجهي احس اني احتضر احس كأن روحي تبي تطلع وأنا أرجعها غصب

الحمدلله على كل حال انا ماعندي مشاكل ابدا الا ارتفاع بسيط في هرمون الحليب وضبطته وصل 29
زوجي عنده نقص في العدد والحركه لكن مو سيء جدا يعني العدد يتراوح بين 15 و 25 مليون ومنتظم جدا عالادويه والفيتامينات والعسل

اخترت مركز ممتاز وطبيب قمة حرصت على أدق التفاصيل حرصت على أدويتي وعالذكر والاستغفار والإستخاره والدعاء

كانت البويضات ممتازه بشكل أذهل الممرضات وكانت عينة الزوج جيده جدا وسماكة الرحم ممتازه وكل التفاصيل اللهم لك الحمد مشت وكأنها حلم حتى الدكتور طمنا وكان متفائل
كلموني بعد العمليه بيوم يبشروني ان سبع بويضات تلقحت !
جيتهم موعد الترجيع وبشروني انهم بيرجعون لي ثلاث أجنه من الدرجه الأولى ماشاءالله مرت علي ايام وساعات من السعاده والفرحه ماتنوصف
رجعت بيتي وحرصت اسبوعين كامله عالاعتدال في الحركه والراحه والعصيرات الطبيعيه والغذاء الصحي ومواعيد الادويه وقاطعت كل شي كان ممكن يضر ولو واحد بالميه
قرأت سورة البقره يوميا وماتركت الذكر ولا الاستغفار ولا الدعاء

سويت كل شي اقدر اسويه في الدنيا والله اني اكتب ودموعي تنزل !! اجتهدددت وتعبت مافي شي اقدر اسويه اكثر من كذا يارب لك الحمد على كل شي يارب ثبتني يارب ثبتني يارب ثبتني

اللي ذبحني اني من قبل موعد التحليل بكم يوم وانا اتحلم احلام تباشير بشكل مذهل وانا مو وسواسيه او اتهيأ والله انها رؤى مو احلام وكانت شي اعجاز من التباشير

وفجأه يجي موعد التحليل الهرموني ،، التحليل 1 اي 1 يعني لايوجد ابداااا قالولي وقفي كل المثبتات خلاص !!!
مواعيد سفر وعمليه وتعب وفلوس والام واحلااااام والله احلام خلاص سميت عيالي ودخلت مواقع ملابس مواليد في الانستقرام وسيفتها وتخيلت اشكالهم وحنيت لهم الحمدلله الحمدلله

ااااااه شعور صعب اوصفه تعبانه والله تعبانه ابي اروح مكان بعيد وابكي لحالي
مقدر ابكي في بيتي ولا اقدر ابكي عند اهلي ولا اقدر اسوي شي

* شنهي الاسباب اللي ممكن تكون سبب فشل العمليه ؟؟



اللهم أجرني في مصيبتي واخلفني خيرا منها
اللهم أجرني في مصيبتي واخلفني خيرا منها
اللهم أجرني في مصيبتي واخلفني خيرا منها