صبحكم الله بالخير

حابه استشيركم يا اهل الخبره

لقينا لاخوي عروس وسالنا عنها والحمدلله اثنو عليهم

بس احنا مانعرف العائله شخصيا نعرف قرايبهم

ولاقد شفنا البنت .. بس دلتنا عليها وحده ثقه ان شاءالله

المهم كلمت الوالده ام البنت ... عشان نزورهم ونتعرف عليهم

وخليناهم على بينه اننا سامعين ان عندكم بنت في سن زواج وودنا نزوركم نتعرف عليكم

الى هنا تمام

ام البنت ردت علينا اليوم الثاني ان ابو البنت يقول الكلام هذا يصير عند الرجال والحريم مالهم في المواضيع هذي

يعني يكلمه ابوي على طول

ابوي واحنا مانبغى يصير شي رسمي وكلام رجال قبل لانروح لهم ونشوف البنت

ما ادري وش رايكم

احنا ودنا تكون زيارة خفيفه نتعرف عليهم ويتعرفون علينا قبل لايصير اي شي

واهم شكلهم يبغوها رسمي !!!!


وش وجهة نظركم في الموضوع


ترى اول اخواني واول مره نخطب له ... ومن ناس مانعرفهم شخصيا

ما ودي يكون حوسه الموضوع

ابغى يكون مرتب وعالاصوول

شوروا علي

يعني تكون بين الحريم اول زي اللي اشوفهم انا

بعدين اذا كل شي تمام يصير الكلام عند الرجال

ممكن بعض العائل يتحسسون انه بناتهم مو للفرجه خصوصا فرجة الحريم

يعني يبغوونها دايرتك سؤال وخطبة رسمية بعدها شوفه شرعية
بعدها زيارةالحريم والتعارف
^
كثيراعرف ناس صاروا يسونها كذا

ممم فكرت في هذا الشي

بس اللي اشوفهم كذا يسوون عادي يعني زياره للحريم بعدين اذا فيه نصيب يتكلمون الرجال

الوالد يتكلم و يوخذ العريس معو لازم يشوفها و يجلس معها و يتكلمو شوي و الي بقرر بس العريس و الف مبروك يا رب و ربنا يتمم على خير
بس لازم يشوفها ويتكلم معها هيك العادة عندنا

اسألوا عنهم وبعدها يروح اخوك وابوك لهم للخطبه وتتفقون معهم ع الشوفه الشرعيه
أذا شافها اخوك وكلشيء تمام تزورونهم وكلها واحد

اهم شيءبالنهاية القبول والتوفيق


فغالبا نظرة الرجال صاحب الشأن تختلف عن نظرةالحريم
ف اقتصروها بعض الناس ع الشوفه الشرعية قبل كل شيء

لان بعض الحريم اذا جوا هم قبل دققوا بسطحيات وكنسلوا الموضوع

أنا أشوف أخوك يشوفها أفضل خلي الوالد وأخوك يزوروهم رسمي ويتفقو على الشوفه وإذا الله كتبلهم وارتاحو لبعض يتفقو على الأشياء الثانية
أو فيه حل ثاني أشوفه ممكن الناس من النوع الي يتحسسون كل شوي أحد داخل يشوف بنتهم بس لو لزم الأمر اتفقو مع أم البنت على انكم جايين زيارة رسيمة وتعارف بدون ماتحس البنت

أنا بعد موضوعي مثل موضوعكم على طول بيدخلوني على الشوفه بس أهلي شافوها

وهم صادقين والله

لين جيتي للجد ترا اخوك هو صاحب الشان

هو اللي بيتزوج.. اهل البنت معاهم حق

وفكرة ان اهل الولد رايحين وكل وحدة تفتي وتقول

بالعيلة عندنا ناس ينرفضون لمجرد ان اهله بيجون يعاينون البضاعة..

يايجي هو يا بلاش منها..

اذا في شوفة هو اللي المفروض يشوف..

أقتصروها على النظرة الشرعية..

أخوك يروح يشوفها ويقرر لأنه صاحب الشأن..

أيش الفايدة أنكم تروحون تشوفونها وبعدين يروح أخوك مرة ثانية..

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

انا اللي اعرفه ان اهل الرجال يزورون اهل البنت يشوفونها ويتكلمون معاها ويعرفون منطوقها واسلوبها بالكلام وجلستها وسنعها وكلامها وحركاتها

ويسألونها كم سؤال عن الجامعة عن الدوام عن اي شئ

ثم يمشون ويتصلون عليهم يحددون موعد بعضهم الأب يطلب الرجال يمره يسولف معاه ويتعرف عليه قبل يشوف بنته يفهمك انه مو كل من دق بابنا طلعنا له بنتنا يشوفها مثل ما انت جبت اهلك يشوفونها انا اجيبك واشوفك

ويسألون عن اخوك بالحي بالدوام ارتاحوا ردوا عليكم وقالوا حياكم الله تحددون يوم للرجال وخطبة رسمية

غطسوا ماعاد ردوا معناها احتمال انسحاب تكتيكي

والله يوفقكم