بسم الله الرحمن الرحيم
هذا الموضوع شاغل بالي كثيير و دايم يسبب لنا مشاكل من فترة لأخرى
و هو هل يجب على المرأة ان تبقى دايما في حاله شوق و انتظار
الزوج يخرج للعمل للدراسة للقاء الأصحاب توجيب الدعوات سينما

و المرأة تجلس ف البيت تنتظر و يجب ان لا تمتعض و لا تتضايق
بالعكس تنبسط و تنفرج اسارير الفرح بمجرد دخوله
تعاتب بس مو من حقها تزعل لانها اذا زعلت بيزعل هو
هل غلط انها تزعل و تصعب عليها نفسها
انا في حيره من امري

عجزت ادوس ع نفسي و انا استقبله و اضحك و اسولف
يعتذر و يقول انا مقصر و راح اعوضك
بس الكلام مافي احلى منه
زوجي انسان رومانسي و عاطفي لابعد حدود

يعني اذا كان مبسوط يوعدني باشياء مستحيل يقدر ينفذها بس يقولها لانه مبسوط
و اذا كان زعلان يرفض اي شي لو كان وجبه بعشرين ريال


و انا على العكس تماما
انا انسانة جادة جدا و لا اوعد الا باللي اقدر عليه
سواءا كنت رايقة او زعلانه

و هذا الشي اللي يزعله مني كثيير

مثال كنا نتكلم و قلت ابن اخوي شخصيته مميزة و يعتمد عليه و كان يساعدني كثير في العمرة و يشيل الاكياس و الاغراض و يخلص امورنا رغم عمره 11 سنة و امس موبايله انكسر و ما طلب من احد ف بشتري له موبايل
زوجي زعل قال بدل ما تقولي بشتري لزوجي تشترين لولد اخوك
طيب انا عرضت على زوجي كم مرة بطريقة غير مباشرة
يعني اقول له يبيلنا نشتري الشي الفلاني
يقول ما في فلوس
اقول طيب بندفع من اللي معي
يرفض يقول الرجال ما ياخذ من زوجته
طيب اذا انت ما تاخذ من زوجتك ليش ما تخليها تاخذ لولد اخوها

طبعا زعل و قال هذي فلوسك و انتي حره فيها
مافهت وش كان المفروض اسوي


اللحين متزاعلين السبب انه دوم يرجع البيت متاخر و اذا رجع مبكر يشغل game اون لاين الى وقت النوم
انا في غربه يعني ما اشوف غير الطبخ و الغسيل احتاج انسان يتحدث معي ع الأقل نص ساعة ف اليوم

انا ما ازعل من غيابه كثر ما ازعل ع نفسي
صعبانه عليي نفسي لاني اشحت منه الوقت اللي يقضيه معاي نسولف بس و نتحدث
باي موضوع

الظروف ما تسمح اني اخرج اايل الناس لاني لا اجيد اللغة بشكل يسمح لي بالخديث معهم و لا يوجد عرب قريبين

__________________
احتاج افضفض بس ماهو عـلى الناس
الناس لا ترحم ولا تحفظ اسرار... ماقدروا ضيقة ولا شرهة إحساس
الله خلقهم بس .. نقالة اخبار