السلام عليكم ورحمه الله وبركاته ....

بصراحه يا اخواني/اخواتي ...

أنا متضايقه ... من كل قلبي متضايقه ....

لأن هذه المشكله مع أغلى أنسانه في الوجود ... مشكلتي مع الوالده ...

في البدايه احب اقولكم أن امي تموووووت فيني من بد خواتي ... وأنا احس فيها ...

وأنا أعاملها كنها أخت مش أم وبس .... وماقصر عليها بحاجه حتى لوتطلب عيوني ...

بس المشكله ...

أنها كل ما تكلمت في سالفه واحنا متجمعين [يعني أنا وخواتي] .. تقول ...

أنا ما أقدر أقول السالفه قدام الهنوف ... لأنها بتروح وتقول لزوجها........

كم مرة حلفت لها أني أنا مو من النوع اللي اخبر زوجي اذا سمعت اي شي ....

وماتصدق .... وكل ما تبغي تقول سالفه ... تقولي أحلفي بالعظيم وبعدين بقولك ...

وأنا اعناد فيها ماحلف ..... المشكله أنها ماشافت علي شي ... يعني ماصار لها اي موقف

مني ... أو أني احرجتها ونقلت سالفه .... أنا من النوع اذا سمعت ما احب اتكلم واقول

ماسمعت بس امي مادري وشفيها علي ......يعني من أخذته وهي تقول انا احس انك

تقولين له عن اسرار البيت و ... و .... و.........

والوهقه انها ماتشبهني الا بالمشخاله ...........!!!!!

والله العظيم أني متضايقه ...والللللللللللللللللللله أني حزينة من قلب ....

والله انها تحرجني قدام خواتي ...ز احس انهم يشوفوني بنظرة مش حلوة ....

وهذي السالفه سببت لي المشاكل معاها .... وأرفع صوتي كثيييييييييييييير عليها بس

عشان هذي السالفه ...مع انها ماترضى علي بحاجه بس هالموضوع مضايقني واجد ...

والله ان اليوم .. من شوي كنت جالسه مع اختي ... قلت بسير عليها دامها في العده

ومتضايقه .... المهم شفتها هناك ....وبعد ماجلسنا شوي ...

الا تمت تناظرني وقالت ... أنا ودي اقول سالفه بس خايفه الهنوف .... والله ماكملت سالفتها

ألا وأنا ماخذه مفتاح سيارتي وداقه سلف ورايحه ....

بس لي متى ......

لي متى ...........

أرجوكم أبغي حل .... مع العلم أن امي صغيرة يعني مش عجوز ..... وأنا واجد اطول لساني

عليها اذا تكلمت في هذا الموضوع ... والحمدلله اني مو من النوع اللي احب اني اطول لساني

أو أراددها باي كلمة .....

واليوم من أول ماطلعت وهي تتصل على موبايلي وأنا مطنشة وللحين تتصل .....

بلييييييييييييييييييز أبغي الحل ....


مع تحياتي...

بنت المنتدى الهنوف

اختي الهنوووف ........بسرررعه قومي من النت وكلمي الوالده وفهميها سبب زعلك وطلعتك من البيت بسرعه واشرحي لها انك تتضايقي وبكل هدوء بس ارجوووك لا تنامي وهي قلقانه عليك وما تردي على اتصالها وانت عارفه هاذي الام وواجب ما نزعلها باي ظرف من الظروف ومهما يكون .
اختك فاااتن

يالهنوووووووف

مهما يبدر من الأم المفروض انحاول انا مانزعل منهم بس لازم
اتناقشينها واتحاولين تفهمين منها ليش هي اتقول جيه عنج
يمكن حد امفهمنها شي غلط عنج او هي فهمت بالغلط انج تنقلين
كلام لزوجج احيانا الانسان يوم يسمع كلام بلسان انسان يفسرها
على قد فهمها سواء كان هالشخص باغي خير ولا باغي شر

ابغي الحل عشان ماتنرفزني بهذي السالفه مره ثانية ....؟وش الحل معاها ... وبعدين انا متخذه قرار اني مش مكلمتها اليوم ... خل تحس بغلطتها .

يعنى دقيتى ال B M W سلف ورحتى لبيتكم وخليتى امك تحاتيك

اول شى ما يجب عليك ترفعين صوتك على امك مهما قالت لك

ثانى شى اسمعى كلام الاخت شموخ فهى ماخلت لنا شى نقوله

والله يوفق الجميع

__________________
عجوز تصلى الخمس عاذت بغالب ..... فلا والذى عاذت به لا أضيرها

ينقل الى عالم الثقافة والتوجيهات..

عزيزتي الهنووووووووف,,,,انا معك انه شي يحز في الخاااااطر لكن نتحمل من اجل عيوووون الأم,,,,,

لازم تجلسين مع الوالده جلسه خاصه يعني انتي وهي بس,,,وتشوفين هي جايها كلام عنك او فاهمه حاجه غلط,,,,,

المهم صارحيها بالموضوع بأنك تضيقين من كلامها لأن ماهو صحيح واقترح انك تقولين لها اذا ماكنتي واثقه فيني مافيه داعي

تتكلمين قدامي وانا بنتك وتربيتك ولازم تثقين فيني ولاصارشي يهز ثقتك فيني,,,,,,,,لعلها انشاءالله تحس بمعاناتك

والله يوفقكم ويسعدكم ويرجع الثقه فيما بينكم,,,,,,بس لاتنسي عزيزتي ان للوالده حق كبير مهما قست علينا

........ أبغى الحل ( عشان ماتنرفزني ) ؟؟؟؟؟ ( خل تحس بغلطتها ) ؟؟؟!!!!!!
من جد لا حول ولا قوة إلا بالله ....... يا أخت الهنوف عندك عيال ؟؟؟ أولا الله يرزقكك بالذريه الصالحه والعيال البارين بأمهم وأبوهم .......... الواجب تطيعين أمك مهما طلبت وترضين مهما سوت معك إلا في حاله وحده ، إذا طلبت منك معصية الله ( لاطاعة لمخلوق في معصية الخالق ) ........................ وبما أنك تقولين أنك كصديقه لها .... إذا اجلسي معها واشرحيلها موقفك .... لكن كونك ترفعين صوتك عليها بخصوص هذي السالفه فلا حول ولاقوة الا بالله ..... الله سبحانه وتعالى قرن عبادته بطاعة الوالدين ( وقضى ربك ألا تعبدوا إلا إياه وبالوالدين إحسانا ) ..
الله يخليها لكم ويخليكم لها ........... وإحتمال أحد يوصل لها معلومات خطأ عنك ... بأنك تنقلين كلام ............... وغالبا قلب الأم دليلها