مشكورين جميعا على ردودكم
انا رسلت له رساله من جوال ثاني اني موافقه اني اعتذر وهو يعتذر ونتصالح بس ما اتوقع في شي اقدر أسويه اكثر من كذا صح؟؟
ومحد راضي يساعدني في موضوعي من الأهل امي جدا زعلانه خصوصا بعد اللي سواه هو واهله كلهم يقولو لو يبغاك بيجيك ولا تهيني نفسك بس هو اهم شي عنده امه يعني ما فكر فيا ولا فبيته ولا أولاده حسبي الله ونعم الوكيل مع انه كان جدا طيب معايا بس انقلب فجأه وصار واحد ثاني😭

ولدي ابغاه اليوم قبل بكره بس اهلي رافضين يكون عندي على طول وانا كل يومين في
المستشفى عشان كذا بنتظر اولد وارتاح شويا واجيبه وما عندي احد من اهلي يتواصل معاه
او يصلح بيننا..
يارب اللهم رده لي ردا جميلا..

مين ممكن يكلمه انا مايرد عليا وامي مايرد عليها واصلا هيا زعلانه منه وتقول المفروض هو اللي يجي ولا تذلي نفسك..

كل واحد بالدنيا اهم شي عنده امه مو بس زوجك

انتي اهم شي عندك امك

مو لازم الواسطة تكون امك

انتم تقولون لو يبيك بيجي يعتذر تخيلي نفس الشي هم يقولونه لو تبيك بتعتذر

بالنهاية عنادك وعناده بينهي حياتكم

يمكن مايرد على الاتصالات يتوقع انهم بيتكلمون عليه ويتهاوشون

وسطي احد ممكن يرسل له رسالة ويقول له يابو فلان انا وسيط خير وودنا نجمعكم على خير
لو مارد يرسل له رسالة ويكلمه ويلين قلبه بالكلام الطيب

والله يسخر لك عبادة ويتوسطون لك دون ماتطلبون من احد

جزاك الله خير اخي بس انا ارسلتله رساله اني موافقه اعتذر لأمه اذا كان هذا اللي يبغاه بس مارد عليا هذا ما يكفي اني بينت له رغبتي في الصلح وصعبه انا اللي اروح له كيف، الرجال هو اللي يبادر المفروض اذا هو يبغاني يعطيني فرصه يتصل او يكلم مو يعمل لي بلوك!! ولا هذا يدل انه هو مو مهتم اصلا ما ادري ايش يبغا

__________________

صحيح المطلقة ما تترك بيتها وحرام هو يطلعك من بيتك اصلا
اقراي سورة الطلاق

Abo Mariam
هو قالي روحي بيت اهلك كنّا راجعين من السفر آخر الليل مع اهله وانا وهو كنّا في السفر زعلانين بس انا اللي كنت تعبانه وحامل ومرهقه من السفر وهو ليش زعلان ما ادري ومارضي يتفاهم معايا
وامو انا ما غلطت عليها بشي بس هيا حسبي الله ونعم الوكيل فيها حرضت ولدها عليا واستغلت وقت ما كنّا زعلانين عشان هما معانا في السفر وهو انقلب فجأه
ووداني بيت اهلي وانا رفضت وقالي اذا ما طلعت أَطْفِئ الكهربا وطلق وغير مفاتيح البيت ولما طلبت اغراضي انا وولدي مارضي وطلع صك الطلاق كل هذا في أسبوع واحد بس في رجال يتصرف كذا فجأه وملابسي ما خلاني آخذها ودخل اهله البيت وشالو كل اغراضي وأخذوا ذهبي وصوري انا واهلي انصدمنا بتصرفهم في احد يعمل كدا وتتصل عليه مايرد طبعا رحت المحكمه واخذت اغراضي وصوري رجعها مقطعه وبعدين يرسل انت اللي تبغي تطلقي وانا سويت اللي انت تبغيه وليه سويتي كذا وهو ما كان يبغا، كيف ما كان يبغا وسووا كل هذا!!!
انا واهلي فكرنا انه يبغا يتزوج عشان كذا سووا كل هذا بس ليش الحركه هادي وامي طبعا بعد اللي صار رسلت لأمه حسبي الله ونعم والوكيل وهو قال امه زعلانه عشان الرساله، وانا كل اللي صار فيا!!!
هذا باختصار شديد💔

__________________

كنا في فترة الملكه جدا سعيدين وهو يحبني وانا كذلك وحتى بداية زواجنا
صح تصير بيننا مشاكل لكن عاديه لا يخلو أي بيت منها وهو صارت منه تصرفات كثير ازعجتني وآلمتني وزعلت وكان يعتذرلي وانا اسامحه وانا لما يصير مني تصرف يزعله اعتذر له وبالعكس أحاول جدا ارضيه لكن هو شخصيته ضعيفه للأسف ومايحب المواجهه وجدا يتأثر بكلام أصدقائه وكلام اهله وامه لم يحدث بيني وبينها شي مباشر كنا في سفر كلنا وانا متعبه مع السفر والحمل وامه كانت تنتقد وترمي كلام عليا وانا ساكته لكن زوجي كان زعلان بسبب لا اعرفه وحاولت التفاهم ورفض ومن اول ما رجعنا من السفر وداني بيت اهلي ولما رفضت اخرج من البيت طلقني لكن انا لم اطلب الطلاق ابدا ولم افكر فيه