انت قلتها لان الرجال لا يروننا .. والحريم يخافون من ان يذكرونا عند اهلهم. تخاف تجين فوق راسها ولا ياخذك ولدها الاعزب وكذااا

يعني العيب مو فينا العيب بالمجتمع

وانت صادق في موضوع ان الواحد ما تحمل غثى عياله يتحمل غثى غيرهم. عشان مذا بينا من البدايه انهم مو. معنى ولا بحياتنا والله هذا تنازل عظييييمً

والبنسبه للمواصفات .. متنازلين كثير الا في موضوع انه معدد ما طاعني نفسي ابدا فيها .. ممكن اكون الثانيه. لكن الثالثه ولا الرابعه

احس صعبه .. هذا ما راح اعرفه بأحسه كل يوم شخص غريب

__________________
أعلل النفس بالآمال ارقبها .. ما أضيق العيش لولا فسحة الأمل

عزيزتي
يمكن تشوفي كلامي قاسي لكني ناصحه لك
انا زيك مطلقه ووضعي قد يكون اسوا لان ماعندي اطفال
فالزواج بالنسبه اني الحق اجيب اطفال
فالوضع اصعب من وضعك
لكن ابدا ابدا هذا مو معناته ان الوحده ترمي نفسها وتنسى كرامتها ومبادئها عشان هالموضوع
تصرفك لاكان ناضج وحتى المراهقات الباحثان عن الحب والعلاقات يمكن يكونوا انضج
تكلمينه وتقولين خبل ووقح وجريء ويبغاك تشيشين ويبغى صورتك ومع هذا تبينه وتدورين طريقه تسحبينه من جديد
ابد ارسلي صورتك له وبيلعب معك فتره عقب يرميك
يعني عادي عنده يكلم وحده ورى اهلها ويسحبها ويستدرجها وعيب انه يخطب رسمي وبدخل من الباب
للاسف هو حافظ على سمعته وبرستيجه
وانتي رميتي بهذا كله
من البدايه يخطب عند اهلك رسمي
عقب كلميه وشوفه شرعيه والتقي معاه قبل العقد الرسمي ولافيها شي
جيبي عيالك عندك
تخبطك وفراغك العاطفي ناتج عن بعدك عنهم

علقت قبل اقرى ردك هذا
فعلا من البدايه باين نيته مو سليمه
خلاص حبيبتي هذا درس لك
لا تلهثي وراء رجل
ولا ترمي نفسك على احد
ادعي ربك والحي بالدعاء وتوكلي عليه
واطفالك ضعيهم في عينك وقلبك
ليتك تحسين بنعمه الذريه بس

كثير نساء تتزوج لاجل الاطفال فقط
وحتى لو تطلقت لاتهتم دام معاها اطفالها
وكثير مطلقات باطفالهم تزوجوا وكان نصيبهم افضل من بنات ماتزوجوا من قبل
وسخر لهم ازواج اهتموا باطفالهم
الرزق عند الله

ردك جدا واقعي
كثير مااسمع نصح للنساء تنازلي
لحقي عمرك
منتي صغيره تتشرطي
فتتنازل عن مهر عن سكن تاخذ متعدد باي ظرف تاخذ عاطل تصرف عليه
فياخذ مصلحته ويتركها وينتقل لغيرها

كلامك عين العقل يا مبتعثه .. وابد مو قاسي اعرف تبغون مصلحتي .. واصلا انا كل هالكلام قلته لنفسي وقالوه لي خواتي

وفوق انه درس انا خلاااااص عفت الزواج

هالموقف هدّ حيلي ..

الله يسترنا بسسستره اللي ما ينكشف

والله يررزقك باللي يسرك ويسعدك امين

__________________
أعلل النفس بالآمال ارقبها .. ما أضيق العيش لولا فسحة الأمل

امين يارب
الله يرزقك من واسع فضله ويكتب لك الخير يارب

المجتمع ؟؟!!

من هو المجتمع ؟؟

المجتمع عبارة عن نساء و رجال

هل الرجل يحارب التعدد .. أشك أن هناك رجل يحارب التعدد إلا علماني أو ليبرالي يقضي وطرة خارج مؤسسة الزواج

المرأة هي من يحارب التعدد ثم تلقي اللوم علي المجتمع

يا ويلي منك ,, يا ويلي عليك

والاطفال يا روح ...؟؟؟

حسمت الموضوع مع الرجل الخبل !

والاطفال ما ودك تعيدي التفكير ؟

أتجديه منطق ان يجب على الام ان تكون سعيدة لما تشوفهم وتفسحهم لساعات وبعدين تعيديهم لسجن البيت كله عايشين على الصراط المستقيم على قولتك لا يقدروا يتحركوا ولا يمزحوا لان الضرب او الصراخ عليهم بالمرصاد..!!

هل يرضى قلبك اللين بحالهم هذا عشان تعيشي حياتك بالطول والعرض

ليتكم ما جبتوا عيال

اذا بتكون حياتي ند لطيقك او من الاقوى فيكم وأرمي عيالي على عمه تقهرهم وتتعبهم ولا تحبهم لان تفكيرها دايم فيك او خايفة من رجعة زجها لك وانت بدورك شغالة تبحثي عن زوج تطلعي معه وتونسي عشان تشبعي رغبتك
وافترضنا هالحثالة اخذك وش مصيرك معه ؟؟؟ هل راح تتهني ؟ لا ابد

راجعي حساباتك ضحي عشانهم واحسني تربيتهم بما يرضي الله لان الله سيسألك عنهم

وباكر لما بتكبري بتحصليهم حولينك وفاءً من الله لك بعهده ولا يضيع الله من أحسن عملا

الله يتولاك

__________________
يا رب خاتمة حســنة ، وزلفى ، وحسن مآب ..

😂

اكيد الرجل لا يحارب التعدد .. لكن النساء اصناف فيه اللي ما تحارب بس ما تمدح المرأه لاي رجل سواء اخ او خال وكذا حتى ما يتزوج ويتحمس زوجها مع الهبه وفيه اللي خربت معها فما عاد يهمها
لكن لمصلحتها محد يتزوج على احد

والنساء صنفين فيه حتى لو عمرها عشرين تقبل بمعدد دام احد اقنعها فيه وفيه اللي لا لو هي صاكه الاربعين. الموضوع النفس وما تقبل

انا عن. نفسي ماااااا اقبل علي تجي مرأه لو رجلي شيخ الا ان يكون مني قصور واااضح وعجز الرجال وهو يفهمني ولا تسنعت
لكن ان اتزوج على مرأه .. بعد لا .. الا ان يكون هالزوج فقط اسم لها او طلقها (( زوجي لي وحدي )) والله من محبه ولأن نفسيتي تتعب جدا

الرسول صل الله عليه وسلم كان صحابي يريد ان يتزوج على ابنته. وزعل الرسول صل الله عليه وسلم وقال فيما معناه ( اخشى ان تفتن في دينها ))

والله زواج الرجل يخلي العقل بكفه وممكن تسوي الزوجه شيء لا يحمد عقباه اذا كانت تحب زوجها فعلا او هي نفسها تمرض

حاليا تقدم لي اثنين وااحد منصب وجاااه بس عنده زوجتين بدون نقاش ولا استخاره رفضته .. اتوقع ان هذا ما عنده مشاعر .. اصلا متى يمديه يعرفني وانا وعياله وزوجاته عليه طابور واكيد وراي عروسه رابعه

والثاني والله تحمممست له جداااا .. وانهرت انه ما ناسبني لانه. كبير بالعمر. مزوج عياله .. ممكن غيري يناسبه بس انا مشاعري ما يناسبها رجل كبير بالعمر ابداااا


الله يخلف علينا .. هي مش شروط معقده .. نريد فقط اشخاص ارواح نألفها واذا ما حصل خلاص مو لازم هالزواااج لاعت كبدي منه وحاسته قدر اذا الله كاتبه بيجي

__________________
أعلل النفس بالآمال ارقبها .. ما أضيق العيش لولا فسحة الأمل