في واحد من ردودك كاتبه انك زواجك اول فرحة في البيت.بعدين كتبتي انه اختك زوجة اخو خطيبك؟؟؟
ممكن التوضيح

صار بالضبط اللي في التعليق
كلامي لامي وجوابها لي
ثقوا والديني ما اتوقع يوقفهم شي عن هالموضوع الا رفض الرجل نفسه لي
على راي الاعضاء انا بحاول اوصل له اني مجبره عليه
هالايام وباقرب وقت
لان ومع الاستخاره انا ابدا قلبي مو متطمن والله
ماراح تكون نهاية العالم عاقبة زواجي منه بس اتوقع انه موت بطيء .....!!

اختي الوحيده من الرضاعه
انا البنت الكبرى في بيتنا لـ 3 اخوان اولاد.....

طالما ماتم العقد
خطوة حصولك على رقمه لازم تدريسينها كويس .


هل تضمنين انه بيكتم عالموضوع ؟
كيف تتوقعي ردة اهلك لو وصلهم الخبر !

لا ... ما اضمن ابداً ...
ما اعرف خيتي 😔 .. من هذا الموضوع حسيت ان انسب شي من راي الاخوه والاخوات هو اني اوصل له رايي .....
طيب غير ذا الحال وش يكون بيدي ....

انا مش مع انك تتواصلين مع خطيبك يمكن هالخطوة تنفهم غلط.
شو بيقولون اهلك.وعادي تصيرلك مشكلة.
وعادي تتزوجين من هالشخص ويقعد يذلك تذكرين لما بعثتيلي كذا وكذا.
الصراحة الله يسامح كل ام واب يسووا بعيالهم اللي سووه فيك.
لانه هاي عشرة عمر ودام الشخص قال ما ابا معناته انه في شي في نفسه تجاه الطرف الاخر.
وعلى موضوع حب ولد خالك وقصته مع بنت خالك دامها تزوجت خلاص نساها.ودام انه ماشافها معناته مالها صورة في ذاكرته.
اذا انتي ماتبينه لانه حبها ها مش عذر.يامه رياييل اتزوجوا على زوجاتهم بعد عشرة سنين.
الحب عند الريال مش هو الحب عند المراة.
وعلى موضوع شكله دام انه ابن خالك اكيد راح يكون قريب من شكلك لانه نفس الدم.
ويامه ناس قاعدين نشوفهم قبل التعديل شي وبعد التعديل شي ثاني.التعديل مش تجميل اقصد.اقصد من ناحية اختيار اللبس وقصة الشعر .
اعرف وحده زوجها كسول بس لانها تبا تحافظ على بيتها شو تسوي.ملابس ريلها هي تشتريها .بعدين تعطيه لبسه معطر.فرشاة الاسنان يكون عليها المعجون قبل لايدخل يتوضا.تحط الفوطة مع الملابس في الحمام اذا جه وقت الاستحمام.بهالطريقة هي ظمنت انه راح يكون مثل ماهي تبغى.وكل شي يجي بالتعود.
ودامه دارس برا معناته عقله بيكون متفتح.
ولو بتتزوجين واحد خلنا نقول بالمواصفات اللي انتي تبينها.وبعد الزواج طلع فيه مصايب شو الفايدة بعدين من الشكل والاهتمام.ومرات سبحان الله الشكل الجميل يكون سبب للمشاكل.ويسبب مشاكل الغيرة.
نصيحتي انك تقومي قبل صلاة الفجر وتدعي انه لو هالانسان فيه خير لي تتيسر الامور ولو فيه شر اي انه تصير مشكلة وكل واحد يروح لحاله.

هل يصير انك تقعدين مع ابن خالك قبل كتب الكتاب.اقصد يجي البيت وفي وجود امك ..
عشان يدور بينكم حوار وتشوفين يمكن تغيرين رايك.
وسبحان الله ماحد يبقى على حاله الناس تتغير بين يوم وليلة.

لانه مش من العدل انك تحكمين على شخص وانتي ماتعرفين عنه اي شي.
اتذكرت قصة صديقتي ...صديقتي كانت تحب ابن عمها وبنت عمهم الثانية كانت مرسال الحب بينهم.صديقتي اتزوجت من شخص اخر وولد عمها اتزوج البنت اللي كانت مرسال الحب بينهم.
مثل ماقلت قبل حب الرجل غير عن حب المراة.
وبحبك واهتمامك تقدين تخلين زوجك مب بس ينسا قصة الحب ينسى الدنيا كلها.

طيب .. عادي لو بس رساله وحده فيها المضمون كامل
وبعدها خلاص ما ارد على اي سؤال او اي رساله ؟؟!
لاني حصلت عالرقم بس ماعرفت ايش اقول

اخيتي انا ماقلت ان الاسباب الحتمية ورى كرهي له هو انه كان يحب او نسبة جماله
هالاشياء ذكرتهم من باب سرد القصه تقريبا
غيرتي بشكل عام احد الاسباب باعتبار انه مبتعث 💔
لاني والله ومثل ماقلت اني اكرهه من كان عمري 14 وهالشي اهلي على علم به
كذا ما ارتااااااح له ولا عمري استخرت لهالموضوع وحسيت براحه !!

لا اخيتي ابدا مو قريب من شكلي
وانا والله ذكرت لك ان من اتفه الاسباب بالنسبه لي ربما يكون جماله
و ثقي ما عمري رسمت ببالي شكل الرجل اللي احلم فيه والله ..... انا توني صغيره على هالامور ومن اعترض لهالسبب قالوا لانه ابن خالك ومن الاهل فـ بيصونك ومابتضيعين وياه حتى لو بهذا العمر. .....!!


لا ابدا مجتمعنا مايسمح ولا عادات اهلي
حتى النقاب عندنا ننقد عليه فـ كيف بالجلوس ولو بوجود كل العيله مايصلح !!!!
انا حكمت من جهة راحتي لما تنجاب سيرته او تمر صورته علي 😣
ما اعتقد بهالطريقه اقدر اكمل حياتي معاه

اذا بدك ترسلي له
ارسلي رسالة قصيرة
يا فلان انا فلانة تقدمت لي و اهلي خبروك اني موافقة من 8 شهور
و الحقيقة اني ما دريت الا قبل .....
استخرت و ما ارتحت بس هم شاريينك و ما يبون يخسرونك لهيك ما قدروا يخبرونك برفضي
اعلم ان الخطبة تمت دون موافقتي و لا انا مرتاحة لهذا الزواج
مو لشئ فيك بس استخرت عدة مرات و نفس عدم الارتياح ما فارقني
اتمنى يجي الرفض منك انت و تشوف نصيبك مع اللي توافق عليك دون اكراه
و تقر عينك بها و تسعدك


خليها مختصرة و مفيدة
بالنسبة للابتعاث و انه يشوف بنات
يا اختي مهو يفتح النت و يشوف البنات مو شرط حتى يروح برا
راجعي نفسك بالنقطة هذه لانها دلالة ضعف عندك
لو بده كان تزوج اجنبية و ما خطبك اصلا
تعلمي تتحكمي بغيرتك و ما تخليها تسيطر عليك لانها رح تدمر حياتك مع نصيبك

ارسلت رسالة اخواني
مضمونها تماما مثل كلام الاخ *سنديان*
انتظر الرد و ان شاء الله خير ..........


جزاكم الله خير