صراحة كلامك ذكرني بايام مر عليها سنين.
صحيح مش نهاية العالم انه الانسان يتزوج شخص مايبغيه .بس بعد من حق البنت تفرح وتدخل للزواج وهي مقتنعه بزوجها. لكن هي الحياة كما عودتنا...وتاتي الرياح بما لاتشتهي السفن. طبعا عندي لك نصيحه اول شي كلمي امك واقعدي معاها وقوليلها عن قصة حب ولد خالك وبنت خالك مع اني مقتنعه انه رد امك راح يكون كالتالي:بنتي بنت خالك اتزوجت وعندها ولد واللي فات مات.ولد خالك لو مايبغاك ما اتقدم لك.وطبعا ماشي امل انك تغيرين رايها النقطة الثانية انك تبدين تشوفين النقاط الحسنة في خطيبك.ودام انه مهتم ويبعث لك هدايا معناته شاريك. ولو على موضوع اهتمامه بنفسه انتي مع الوقت علميه ومنوا قالك انه كل زوجة لقت زوجها كامل مكمل. ادخلي قسم المتزوجين وشوفي. ابدي اقري عن اسباب السعادة الزوجية.كيف تغيرين زوجك للافضل. ودام امور الزواج ماشيه يمكن يكون هو قدرك ومالك مفر منه فلاتكسرين فرحتك وفرحة اهلك. انا لما انخطبت صارلي نفس قصتك ولا حد همة انا موافقة او لا.وماشفتزوجي الا يوم الفرح وسبحان الله من قعدت وياه حسيت بارتياح معاه.وها كله توفيق من الله. انتي ابدي اقعدي مع نفسك وشوفي الموضوع بايجابيه.وابدي فكري فترتيبات الفرح عشان تعكسين نظرة التعاسة اللي انتي عايشة فيها... واذا ما تم هالزواج فهو خيرة لكم. ولا انصحك بافتعال مشاكل في البيت لانها ماراح تفيد اما ان تقنعيهم او انك تبدين تغيرين نظرتك له |
طالما ماتم العقد
خطوة حصولك على رقمه لازم تدريسينها كويس . هل تضمنين انه بيكتم عالموضوع ؟ كيف تتوقعي ردة اهلك لو وصلهم الخبر ! |
انا مش مع انك تتواصلين مع خطيبك يمكن هالخطوة تنفهم غلط.
شو بيقولون اهلك.وعادي تصيرلك مشكلة. وعادي تتزوجين من هالشخص ويقعد يذلك تذكرين لما بعثتيلي كذا وكذا. الصراحة الله يسامح كل ام واب يسووا بعيالهم اللي سووه فيك. لانه هاي عشرة عمر ودام الشخص قال ما ابا معناته انه في شي في نفسه تجاه الطرف الاخر. وعلى موضوع حب ولد خالك وقصته مع بنت خالك دامها تزوجت خلاص نساها.ودام انه ماشافها معناته مالها صورة في ذاكرته. اذا انتي ماتبينه لانه حبها ها مش عذر.يامه رياييل اتزوجوا على زوجاتهم بعد عشرة سنين. الحب عند الريال مش هو الحب عند المراة. وعلى موضوع شكله دام انه ابن خالك اكيد راح يكون قريب من شكلك لانه نفس الدم. ويامه ناس قاعدين نشوفهم قبل التعديل شي وبعد التعديل شي ثاني.التعديل مش تجميل اقصد.اقصد من ناحية اختيار اللبس وقصة الشعر . اعرف وحده زوجها كسول بس لانها تبا تحافظ على بيتها شو تسوي.ملابس ريلها هي تشتريها .بعدين تعطيه لبسه معطر.فرشاة الاسنان يكون عليها المعجون قبل لايدخل يتوضا.تحط الفوطة مع الملابس في الحمام اذا جه وقت الاستحمام.بهالطريقة هي ظمنت انه راح يكون مثل ماهي تبغى.وكل شي يجي بالتعود. ودامه دارس برا معناته عقله بيكون متفتح. ولو بتتزوجين واحد خلنا نقول بالمواصفات اللي انتي تبينها.وبعد الزواج طلع فيه مصايب شو الفايدة بعدين من الشكل والاهتمام.ومرات سبحان الله الشكل الجميل يكون سبب للمشاكل.ويسبب مشاكل الغيرة. نصيحتي انك تقومي قبل صلاة الفجر وتدعي انه لو هالانسان فيه خير لي تتيسر الامور ولو فيه شر اي انه تصير مشكلة وكل واحد يروح لحاله. |
هل يصير انك تقعدين مع ابن خالك قبل كتب الكتاب.اقصد يجي البيت وفي وجود امك ..
عشان يدور بينكم حوار وتشوفين يمكن تغيرين رايك. وسبحان الله ماحد يبقى على حاله الناس تتغير بين يوم وليلة. لانه مش من العدل انك تحكمين على شخص وانتي ماتعرفين عنه اي شي. اتذكرت قصة صديقتي ...صديقتي كانت تحب ابن عمها وبنت عمهم الثانية كانت مرسال الحب بينهم.صديقتي اتزوجت من شخص اخر وولد عمها اتزوج البنت اللي كانت مرسال الحب بينهم. مثل ماقلت قبل حب الرجل غير عن حب المراة. وبحبك واهتمامك تقدين تخلين زوجك مب بس ينسا قصة الحب ينسى الدنيا كلها. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|