بسم الله الرحمن الرحيم

السلام عليكم ورحمة الله وبركاته

ماراح أقول أني أسوي ريجم ومايفيد..ماراح أقول أنا سمنتي وراثة..راح أعترف بالأخطاء اللي خلتني سمينة

طيب أول شي أنا طولي 157 ووزني 60

رجاء رجاء رجاء لا أحد يقلي مانك سمينة وماتحتاجي تنحفي..(هذي إحدى الأشياء اللي خلتني أسمن وماأهتم لأن صديقاتي اللي حولي بعضهم ثلاث أضعافي..فما أحس أني سمينة)

لأني أنا بالفعل مني سمينة سمنة مرضية..ولكن وزني فوق الوزن المثالي..وشكلي غير متناسق..وعندي كرش

وشي ثاني..أنا عظامي صغيرة..بالتالي وزني أغلبه في اللحم والشحم<<وقع الكلمتين يعور القلب ^_^

وخصوصا في """الكرش"""" والوجه والأيدي..

المهم..راح أحكيلكم قصتي مع الوزن الزائد بشكل مختصر

في مرحلة الطفولة كنت نحيفة..

في المتوسط بدأت شهيتي تزيد ولعب الطفولة والحركة قلت..


في نهاية المتوسط إلى الثانوي عانيت من زيادة الوزن..


في الجامعة..وصل وزني لأقصى ارتفاع وهو 67

طبعا من الجهتين (جهة الوالد والوالدة) توجد سمنة..(ماقلت أنها عذر..لكن مجرد أقولكم)


المهم أنا حركتي متوسطة أقرب للقليلة..ودايما أجلس وظهري مايل وأمشي وجسمي مرتخي (لا إراديا)

أجلس عالنت لوقت طويييييل ومن غير حساب


وما أطيق المشي على السير أبدا أبدا أبدا أبدا...متعب وممل..ودايما أسمع عن السعادة المصاحبة للمشي وعمري ماحسيت بيها..وكل ماأفكر في أني لازم أنقص وزني أشيل هم المشي على السير قبل أيييييي شي

أما شهيتي فماشاء الله جدا جدا مفتوحة

أغلب أكلاتي كربوهيدرات وبروتين..أما الزيوت..فالحمدلله الوالدة (في الغالب) تطبخ بالزيت زيتون واحنا نشيل الشحم من لحومنا..أما الأجبان..عادي


أنا مدمنة كربوهيدرات مدمنة مدمنة..أعشق المكرونات والخبز والشيبسات وحتى الفواكهة والخضار المليااانة كربوهيدرات..وطبعا أكلاتي المفضلة هي الإيطالية والبخارية<<<كلها عجين في عجين

وماأحب أشرب مويه كثير..يعني تقريبا 3 كاسات في اليوم أو أقل..لأن مصدر السوايل عندي الفواكهة


بيتنا..يعتبر شبه صحي..لأن الفواكهة والخضار مايخلوا في البيت..ولازم سلطات في الغدا..ومانشرب غازيات كثير..ونادر ماناكل أكلات سريعة ..يعني في الأسبوع أو الأسبوعين مره أما المطاعم إذا طلعنا مرة أو مرتين شهريا (بشكل غير منتظم يعني أحيانا يمر أكثر من المدة اللي حددتها مانطلع ..ونفس الشي مع الأكلات السريعة)..

طبعا لو طلعنا مطعم في ذاك الأسبوع خلاص ماناكل أكل سريع..وهكذا

والحلى مرتين أو مره أسبوعيا (بدون حساب الشوكولاتات والخرابيط)


لكن المشكلة في أنا وفي كميات أكلي..

يعني أنا..إذا أكلت في الجامعة..ورجعت البيت ولقيت الغدا جاهز..ما أمانع آكل ثاني..

ومشكلة ثانية خطيرة جدا..وهي إني إذا أكلت أكل مالح..أشتهي بعده مباشرة أكل حالي...وإذا أكلت أكل حالي أشتهي مباشرة بعده أكل مالح..مهما كانت كمية الوجبة..

والمشكلة الأخيرة أني مزاجي في الطعام متقلب بشكل جنوني..

يعني..


تجيني لحظات أكون مشتهية شي معين..أنجن إذا ماأكلته..أصير عصبية وكئيبة وماأقدر أركز..

مثلا جات فترة طحت عالحمص..خلاص أموت لو مر يوم ماأكلت حمص..صرنا نطلب ثلاث علب حمص..وصرت أحطه في الفريزر عشان يبقى أطول!!!

وجات فترة الكاسترد..وجات فترة شبس الكاتشب..وجات فترة أندومي..وجات فترة بطاطس مقلي!!..وأحيانا شابورة!!..وأحيانا زبدة فول سوداني!!

وبعد فترة أصير أكررره هالأكلة إللي أدمنت عليها ولا أطيق أشوفها!!

وطبعا رجيماتي فاشلة بسبب الكميات برضو..يعني..الممنوعات ماألمسها أبدا وأقدر أقاومها..لكن في المقابل أزيد من كمية المسموحات يشكل مهول..

وختام القرقرة ذي كلها..ملكة أخوي (حفل خطوبة) بعد أسبوعين ..وأنا لازم لازم لازم بإذن الله أنقص على الأقل 10 كيلو

طبعا أنا مني شايلة هم أول 3 أو 5 كيلو بس بعدها أجمد ووزني يثبت...وأسبوعين ماتكفي أني أكسر الرجيم وأرجع أكمل

فهل أقدر أوصل للوزن المثالي؟!!!