يعطيكم العافيه انا ارسله بين فتره وفتره صور البنت واكتب عليها مثل صباح الخير يابابا يرد بصباح النور ياروح بابا الله يحفظك ويحميك دايم هذا كلامه اذا أرسلت بكره بيجي عندنا يشوفها كلمته امي عشان نبي نوديها المستشفى قال بكره بيجي ويزورها ويقعد معها الغريبه ان الي اخترت اسم البنت وكلمته عشان مايسميها اي اسم هو يبيه واليوم كل من ساله يقول انا سميتها عجبني وسميته سألته أمه قالها انا الي اخترته . الكل شال أيده من موضوعنا من اهلي واهله ومافي احد يدري عن طلاقنا أبد غير اهلنا انا مادري وش اسوي مافي غير اني أبقى على الرسايل لين اشوف وقت مناسب وأكلمه انا متفائله خير يارب لا تخيبني الله يجزاكم خير احس اني ارتحت لما شفت اقتراحاتكم والحمدلله رب العالمين على كل حال .

حلو ، بيجي بكره يشوفها ويجلس معها !

شوفي حبيبتي ام الين ، بكره ان شاء الله تجهزي المجلس ، تبرديه وتبخريه
وتسوي شاي وقهوه ، وازبطي قهوتك حبيبتي الله الله بالزعفران والهيل
والشاي منعنع مزبووووط ،
وصي واحد من اخوانك علي صنية حلي ومعمول ومكسرات
ولو مافي احد بيجيب لك الحلا والموالح ، مو مشكله
سوي صنية حلي كنتي تسويها له ببيتكم
وحطيهم بطقم ضيوف مرتب ،

ووصي الوالده تقول له ( هذا حلي سلامة الين وآم الين )
ووصيها بعد ياعمري عليها ماتسآله اي سؤال تخليه ع راحته

وبنتك حبيبتي جهزيها ، لبسيها وردي وحطي لها ربطه ورديه ع شعرها
وخليها مفكوكه مو مكوفلتها ومربطه مو باين منها الا راسها
لا حبيبتي خليه يمسك يدها ويشوف رجولها الصغار ويشوف لبسها
حطي لها مناكير وردي
وشوي من عطرك الخاص رشي ع ملابسها وهندولها ( سريرها الصغير)
وحطيها بالهندول وحطي جنب راسها قران صغير
وارسليها لاابوها مع الوالده

وبنص الجلسه ارسلي له رساله
ابو الين الله يعافيك لو ممكن تقفل المكيف اخاف علي الين يجيها برد

اسحبيه يابنتي لجوك ، خلي شكل الين مايفارقه
وريحة عطرك بملابسه

وقبل لايروح ، حطي بصندوق صغير حلويات زي ( جلكسي _ ماكنتوش )
وقولي للوالده تعطيها له
هذا حلويات اربعين الين مو معقول الناس كلها تذوق الحلي وهو لا

زبطي الجلسه انتي بكره وخلك ايجابيه وقولي للوالده تدعي لك بتيسير الحال

وكل مره يزوركم علي هالحال ، لين يفتقد جلساتك وجلسات بنته ويحن

الله يسهل امورك يارب ، وننتظر تطمنينا عليكِ

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014

يا حبيبتي انتي الله معك وماراح يخليك ..
وانت تائبة والتائب من الذنب كمن لا ذنب له ..
طبقي كلام رائحة البخور .. وانا عندب احساس انه بيرجعك
وواثقه انه بيرجعك .. بس هو يبي تكون فيه فتره ومساحه
يشوف نفسه قادر انه يستمر .. وكمان يتأكد من توبتك تماماً
........
اقترح انك تكتبين رسالة لطليقك
وتكون رسالة وااااضحه وبدايتها تطلبين منه القراءة والرد
.. الرساله تكون موجهة لعقله ثم لقلبه ثم لعقله
.........
واهم الافكار اللي تكون بالرسالة
انك عارفة غلطك وندماااانه وتائبة .. واستدلال بالقرآن
( إن الله يحب التوابين ويحب المتطهرين ) ..
إنك تطمحين لتكوين أسرة وحريصة على نشأة بنتك في جو
أسري دافئ وانجاب اخوة لها ..
أنه الرجل الوحيد في حياتك ولن يملء مكانه أحد في قلبك .
.........


موفقه يارب ..
قلبي معك ودعواتي لكِ ان شاء الله .

__________________
استغفر الله العظيم وأتوب إليه .. سبحان الله ..الحمد لله.. الله أكبر

ام الين عزيزتي خلي املك بالله قووي واحسني الظن بالله
لقول الله انا عند ظن عبدي بي
واكثري الاستغفار
والصدقه
وبالنسبه للرساله
انا اؤيد كتابتها وتكون لاجترار عاطفة زوجك
وتدخلين له من مدخل البنت
وانه جو بيت اهلك غير مناسب لكما
لوجود المشاكل وسوء المعامله من اهلك مما يتسبب بتعب لرضيعتك

اخواتي الفاضلات
يمنع توجيه اي عضو لاستشارة عضو اخر بالاقسام العامه
ويتم ذلك من خلال اقسام المراسله فقط

وشكرآ

__________________







بين منطُوٓقّ لم يُقصَد ،
ومٓقٓصُود لمُ يُنٓطق ،
تٓضِيٓع الكٓثِيرٓ مٍن المحٓبة . . .


هديتك لخطيبتك ، النظره الشرعيه ، ليلة الدخله
تدخلات الاقارب ، اختيار شريك الحياه ، نصائح ذهبيه
تجهيزات وترتيبات شهر العسل ، مكالمات ولقآءت الملكة
هديتنا للمقبلين والمقبلات علي الزواج

مفضلة المقبلين على الزواج 2014

اللهم يسر أمر صاحبة الموضوع واكتب لها الخير في هذا اليوم

__________________
استغفر الله العظيم وأتوب إليه .. سبحان الله ..الحمد لله.. الله أكبر

آميييين
..

ما شاء الله عليك كلام من ذهب

طبقي هذي الافكار وإن شاء المولى يطيح الحطب

👍👍

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

حرام البنت مره صغيرة بدري على المناكير

ام الين ربي يفرجها عليك طبقي كلام رائحة البخور بحذافيره

كفت ووفت ماشاء الله