اتبعي نصائح أختنا رائحة البخور ما شاء الله عليها
والحمدلله هو رده على امك ما كان فيه شي يدل على انه متخذ قرار نهائي بعدم ارجاعك
الله يسخر لك زوجك ومثل ما قالت الاخت رائحة البخور اخذيه باللين يا أم ألين
انا رجال واقدر اقولك انه فعلا هالاسلوب يأثر و بقوة
الله يوفقك ويجمع شملكم

الله يجززاكم خير جمعيا انا اتبع نصائحها والحمدلله احس اني برجع قريب حتى لو بكلمه ماراح أقوله على طول رجعني بس انا ماشيه معه حاليا بهالاسلوب باقي أسبوعين واطلع من الأربعين وأسبوعين بعد ونكمل سنه كامله من تاريخ زواجنا كان ودي نكون مع بعض من اول سنه.بزواجنا انا متفائلة خير يارب يتحقق الي ببالي والله محتاجته وهو عارف اني ماعاد عندي شيء ولا عاد سويت شيء يضايقه كان يقولي انا ابيك انتي حتى لو مافي بطنك ولدي هذا قبل مايطلقني وبعدها بكم يوم تركني . ماحد يدري عن موضوع طلاقنا غير بيتنا وبيتهم ودي الأمور تنحل قبل ماحد يعرف الله كريم والحمدلله على كل حال . بكره صديقاتي من الجامعه مسوين لبنتي حفله بكشخها وأرسله صورها

الله يفرجها عليك أختي أم أليــن وأنا كذلك مستبشره خير بإذن الله
واصلي على نصائح رائحة البخور << طلعت داهيه أفكارها عجبتني شلون هو ههههههه
أهم شي لا تكوني معه بالصورة الواضحة المباشرة

__________________

بشرينا يا قلبي ام ألين

صبحكم الله بالخير جميعا الأمور ماشيه على ماهي عليه أرسلت له صورتها يوم الحفله الي صارت لها وكتبت عليها صباح الخير يابابا رد صباح النور ياروح بابا الله يحفظك ويحميك أرسلته صور للحفله وكتبت له مكانك كان فاضي مافي احد ياخذه كلهم حولنا الا انت بس الحمدلله على كل حال والله يعوضنا خير فتحها ومارد علي جد والله احنا ماغلطنا على بعض ولا تكلمنا على بعض بشيء مو زين عمري مارفعت صوتي عليه ولاقصرت معه بشيء بس الي شافه بجوالي خلاه يطلقني كانت امي بتعزمه بس هو مسافر مو في منطقتنا خايفه من كل رده فعل هو يسويها مادري اذا نجي على باله ولا لا والمصيبه ماحد يدري بطلاقنا لا هو يتكلم ويقول اني طلقتها ولا احنا تكلمنا الله يكتب الي فيه والحمدلله على كل حال .

في أوقات اقعد بيني وبين نفسي مادري وش اسوي أقول خلاص مابفكر فيه ولإعادابيه وكل واحد يروح بحاله افضل دامه طلقني ثلاث مره وحده وأوقات أقول الحمدلله ان المحكمه حسبتها وحده احس اني برخص بعمري لو أكلمه بس لما اشوف حالي وحال بنتي أقول اهم شيء ارجع واطلع من بيت اهلي وارتاح والله هو طيب وجنون بس اخاف ماعاد لي مكان بقلبه خايفه من رده فعله يارب هونها علي والله لي اكثر من ثلاثه شهور مافرحت من لما تركني وراح وانا بعذاب وإيام سوداء ربي اعلم فيها .

اخر محادثه كان يرد علي فيها قبل مايطلقني سألته قلتله تحبّني قال مادري قلتله باقي تبيني قال اخاف أقول آيه واخاف أقول لا مادري قال والله مسامحك بس مقدر اعيش معك بس والله أني مادري وش اسوي اخاف انه خلاص طلعني حتى من باله خايفه بجد والله والله ماعندي غيركم أخذ رأيه ولا ادري وين أطق برأسي فيه الحمدلله بس على كل حال .

ما كان المفروض تكتبيله مكانك وما مكانك فاضي
والدك واخوانك تكلمو معاه عشان يصلحو بينكم وشو كان رده ؟

مادري كتبتها بس وماعاد كتبت ولا بكتب شيء غيرها في اخر مره تركني فيها ماحد كلمه لين طلقني من نفسه بس قبلها كان يقولهم يصير خير او اني خلاص ماعاد ابيها ولاتصلح لي .

ما تبينيله بأي طريقة مباشرة انك تبيه يرجعك
الاخت رائحة البخور عطتك طرق واتبعيها فطريقة تعاملك معاه
ولو فيه احد من العايلة بتدخل بس يكون حكيم يكون زين يتدخل حتى لو والدك يكلم والده او احد اقاربه ويتفقو انهم يجلسو معاه عسى يسمع منهم
الله ييسر امرك