السلام عليكم ورحمة الله وبركاته
اخواني واخواتي الكرام أنا رجل عمري 30 سنة وزوجتي 26 سنة لنا حوالي سنة ونص متزوجين ورزقنا ببنت عمرها شهرين الآن
أنا موظف ودخلي الشهري ممتاز وزوجتي لا تعمل حالياً ، حياتنا جميلة ومستقرة ومنسجمين بشكل جميل
زوجتي من بلد غير بلدي وانتقلت للعيش معي هنا وتزوجنا عن حب
مشكلتي بدأت من أول أيام الزواج حيث أن زوجتي كانت موظفة قبل الزواج وتركت عملها بعد ماتزوجنا
وشعرت في البداية أن طلبها للمال كثير بس في الغالب كنت أعطيها اللي تطلبه لاني كنت أحس انها خجلانة مني ولا ابي أجرحها ، مع الوقت حسيت أن طلباتها بدأت ترهقني مادياً واذا رفضت أو طلبت التأجيل تزعل لكن الزعل مايطول ، أقترحت عليها انها تعمل وحصلت لها وظيفة لكنها رفضت لان مالها رغبة في العمل وأنا افضل زوجتي تكون في البيت بس كانت محاولة لحل المشكلة ، بعد شهور حملت زوجتي وبدأ مسلسل المعاناة معها طلباتها لا تنتهي كل يوم طالعة بقصة جديدة وانا أحياناً كنت أسايرها لانها حامل ولا ابي اضايقها وأحياناً أرفض ، المشكلة الكبيرة الان لها 4 شهور تقريباً مايمر أسبوع الا واحنا متخاصمين طلباتها زادت عن الحد المعقول والله يا اخوان ما اكذب اذا قلت صرفت صرف سنة في 4 شهور ، وجاء وقت الولادة واصرت على أغلى مستشفى في مدينتي مع غرفة خاصة وللأسف الولادة كانت قيصرية والفاتورة كانت ضخمة ، دفعتها وانا ابتسم لانها اول مولود ولا ابيها تحس اني مقصر ، انتهينا من موضوع المستشفى على خير ووضعي المادي سئ جداً الآن طلعت لي بقصة جديدة تبي ذهب لها وللبنت شرحت لها ان ظروفي لا تسمح والآن لنا اسبوع كامل في حرب ويومين مانكلم بعض ، حاولت معها كل الطرق باللين والشدة لكن للأسف اذا بغت الشي تصير مثل الطفلة المدللة وماتسكت لين تاخذ الشي اللي تبيه ، أنا الآن في وضع سئ والاخت مهددة الطقم يجيها بيوم العيد ، المشكلة هي تقول انها لا تحب المال مع اني اشوف العكس ، ودايم تتكلم اني ما اسوي لها شي مع العلم السنة هذي 3 اطقم ذهب وساعة وشنطتين ماركة ، وكل هذا ولا بين في عينها ، الحل معها يا أخوة لان الوضع أصبح هم بالنسبة لي