زوجك يوم شافك ضعيفه استقوى عليك و كل ماضعفتي كل مازاد تجبرا وكان يظن ان اهلك بيقفون بصفك فازداد طغيانا
بمعنى لايوجد رادع ذاتي داخله ..

وعندما تلطف اخوك في معاملته وكلمه باريحيه رفض رجوعك الا بعد ان تمشي على الصراط المستقيم وكان على كلام اخوك قاسي في حديثه

وعندما راى الشده من والدك والقسوه من اخوك تغير رأيه وأصر الا يحادثهم ويتفق معهم وتغير من العابس المتجهم الى الانسان اللين

زوجك من صنف اذا شاف الشخص ضعيف استقوى عليه واذا كان قوي حسب له حساب...
مستقبلا افضل انك تقوين شخصيتك في تعاملك معه

وفيك بارك الله يااختي

مو ناويه اقابله لو ترك الخيار لي مارح اقابله الى ان استعيد قوتي وعافيتي

وماعتقد انهم بيجبروني او حتي اساسا بيخلوني اقابله ومرتاحه من هالناحيه

ااه بس وش اللي يرجعني مثل اول
الكل كان يتكلم بقوة شخصيتي
بس الحين مدري وين راحت
واحاول ارجعها بأي طريقه
وبإذن الله ارجع ارواح القديمه

تعذبتي ثلاث شهور عنده اقل شي اجلسي ثلاث شهور مماثله لتستعيدين قوتك الصحيه والنفسيه حتى لو تم الصلح لاحقه خير اهم شي نفسك ونفسيتك

__________________

3 شهور بالنسبه لي شويه
لو هدأت الامور وانحلت المشكله
اقل شي احتاج 6 شهور

الله يجزاك خير اختي
ان شاء الله بإذن الله للأفضل

كيفك ارواح

كل يوم ادخل المنتدى عشان اتطمن عليكي

السلام عليكم
من الصباح وانا نفسيتي مره متعبه
طول الوقت متنرفزه من كل شي
حتى من اطفالي
امس قال لابوي بمركم الصباح
وتأخر وماجا الا قبل المغرب بشوي
وانا طول اليوم متوتره وخايفه
ابوي ماستقبله بسهوله
خلاه ينتظره ساعه ورجع استقبله
وبعدها جا اخوي
وقعدوا هم الثلاث
مدري وش اللي دار بينهم
ابوي ناداني وماطلعت لهم
قلت لامي تقولهم مابي اطلع
جاء ابوي وقال لي
انه جا وقال كلام كثير
ويستسمح بس للحين يقول
بنتكم غلطت وهذا كان ردة فعلي
وماراح تتكرر
وانا حاشمه عشانه ببيتي وولد رفيقي
وانا رايي انك ماترجعين الا ورافعه راسك
احنا ماتكلمنا معه
هو اللي طول الوقت يتكلم
وقلنا له بنتنا عندنا مالها رجعه
بنتنا تأذت بما فيه الكفايه
قضيت على حياتها
بسبب توهماتك وشكوكك
اللي سويته انت مايسويه بني ادم
احنا نخلف ونربي ونكبر
وانت تجي بكل سهوله وتذبحها ليش
بنتي ماتطلع من بيتي وهذا قرارنا
ومالنا حل غير انك تطلقها
وهي بعد ماتبي ترجع
بس زوجك يقول
اذا سمع منك انك تبين الطلاق
بيطلق وترجع لك كرامتك
انا كنت رافض انك تقابليه
بس حسيت من كلامه
انك تبين ترجعين
واحنا اللي ضاغطين عليك
واحنا اللي مانعينك ترجعين
ومانعينك تقابلينه
عشان كذا قومي واطلعي له
حتى لو من ورا الباب
اذا ماتبين تشوفينه
قلت له
برسل له رساله اني مابيه
ولا ابي ارجع
قال لي لا قومي انتي وقولي له
خليه يسمعها منك بصوت عالي
قمت غصبا عني ونزلت
ماكان عندي القوه اقابله
نزلت وماقدرت ادخل غرفة الجلوس
بس تكلمت وقلت له
انا مع كلام ابوي
ومابي ارجع ياليت تطلقني من غير محاكم
ماسكه ايدين امي استمد قوتي منها
حسيت رجولي ماتشليني من الخوف
رجعت غرفتي وانا ارجف ودي ابكي ولا قدرت
شوي اخوي وابوي قالوا لي انه راح
وقال سووا اللي تبونه
بس طلاق انسوه
وعيالي بجي كل ويكند باخذهم عندي
واخذ العيال الثلاث وخلى بنتي الصغيره
وقال السبت بالصباح بيرجعهم
وطلع من البيت
يعني مو صادق في كلامه
قال لو سمعها مني بيطلق
بس خلف وعده
ابوي قال انسيه
اهتمي الحين بصحتك
وربك بيحلها ويفرجها

اشتقت لصغاري والله لهم وحششه
البيت من دونهم كئيب
يارب يصبرني على فراقهم هاليومين

وقاله بعد
اني ماصرت احس بالامان معاه
وانه ترك اثار بجسمي
وانه امرضني نفسيا وجسديا
وبعد ماسمع الكلام
ظل ساكت وماتكلم
بس يقول خلوني اقابلها
واسمعها هي وش تبي
ترجع ولا لا