مثال :

ولدي لو أبغى أتواصل مع الأساتذة هنا .. راح ألاقي صعوبات .. و يستغربوا ليش أمه و فين أبوه ؟
و مو مثل برة .. بسهولة تروحي و تجي .. و لك حقوق محفوظة هناك ..

السواقين هنا ، صعوبة بالحصول على سواق و استغلال في طلب الراتب ,,
لكن في الخارج المواصلات سهلة جدا .. و تقدري تسافري هناك بالقطار و بدون ما أحد يزعجك ..

خايفة على دراستي أيضاً .. ما أبغاها تتأثر ..
فترة الماجستير تأثر مستوايا بسبب الظروف الي ماكنت حاسبة لها حساب من بدري
و ما أبغى أكرر نفس الشي الآن ..

و عشان كذا بأرتب وضع الأولاد من الآن قدر المستطاع ..

سألت عن المحرم لأسباب
أهمها أن يكون وضعك في إطار الحلال

و أسأل الله لك التوفيق

روح صدقيني كله يتسير ..

انتي بس توكلي على الله وتلاقيها تساهيل ان شاء الله

وما يخفى عليك وعلى الكل إن بداية كل مرحلة محتاجه عزيمه واصرار .. ومتى ما وجدت العزيمة والإصرار خلاص ماعندك مشكلة ان شاء الله .. دام هناك رغبة داخليه لكن في اعتقادك ان العائق كله الأولاد فلا تخافي ..

صادفت بنات كثير في الغربة متزوجات وبعيالهم وماشين الحمدلله .. اللي دكتوراه واللي ماجستير

انتي لو عضو هيئة تدريس مثلنا .. يعتبر الماجستير للأسف ولا شيء

مو بس كذا .. الجامعة ماتسمح لك تظلي على رتبة محاضر .. لابد من اكمال الدكتوراة بأي شكل

وعلى فرض لو تأخرتي بتحسي بضيق وعدم استقرار في وظيفتك لأنك بتلاحظي اللي حولك يتميزون وانتي مكانك سر ..

انتي توكلي على الله وربك المسهل .. لكن امسكي طريق البداية ..

وعن اللغة هي هاجس الكل سواء داخل السعودية أو خارجها .. والسكور المطلوب للدكتوراة عالي جداً هذا غير الاختبارات الأخرى مثل GMAT و GRE

أنا ما عقدني وجاب لي النفسية غير اختبار الـ GRE

والحمدلله ربي بيسهل كل شي دام العزيمة موجوده .. بالتوفيق

__________________

(( لا شيء يجعلنا عظماء سوى ألم عظيم ))

مفهوم حبيبتي ومادام انتي مرتاحة من ناحية اطفالك راح تقدري تنطلقي في رحلة الدكتوراه..

انا ماني دكتوره ولاعندي تجربة فقط جاوبتك من ناحية التوفيق بين المهام، بحكم اني اربي اولادي لحالي واحاول اوفق بين الدراسة والدوام..

وحدة من معارفي ماشاء الله ابتدت في التحضير للدكتوراه وهي حامل بابنها الثالث، واولادها كانو صغار جدا، واستمرت بعد ماولدت الثالث.. احتاجت ثلاث سنوات وهي تدرس على مهل.. وجابت الشهادة.. بس امها كانت تساعدها.. وماكان عندها دوام كثير بالجامعة.. بس كانت تستغل كل لحظة فراغ في البحث..


عموما لازم تجلسي مع نفسك وتحطي كل مخاوفك أمام عينيك، وحدة وحدة،.. وعالجي كل نقطة لحالها وواجهيها مشان يخف القلق والتوتر من المجهول الي عايشتيه حاليا.. طرح منظم للمخاوف+العقبات،، ووضع خطة للتصدي لها.

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

سبحان الله دائماً أقولها لنفسي وزميلاتي ..

تمر علينا ظروف في الماجستير أو الدكتوراة .. ظروف صعبه سواء أسريه أو مادية
كأن ربي يختبر صبرنا هل نكمل وإلا نتراجع .. كأنه اختبار لعزيمتنا ..

بالنسبة لي فترة الماجستير كانت كلها مشاكل وتعب نفسي أثر على دراستي
بس الحمدلله نجحت بمعدل 3.75 من 4
أنا ما أدري كيف جاء هذا المعدل ؟؟

لكن كل اللي يحصل لنا من ظروف صعبه هذا اختبار لصبرنا .. ومأجورين عليه ان شاء الله
دامنا خرجنا في طلب العلم ..

__________________

(( لا شيء يجعلنا عظماء سوى ألم عظيم ))

احييك على طموحك ويبدو انك مرتبة امورك
خلي اولادك معك وكل شئ يهون
الله يوفقك

روح
من جد جد فرصه لا تتركيها
اصعب فتره التردد
اعقديها وتوكلي على الله
اعزمي وبادري واتركي التردد وتضييع الفرص و الوقت.
صديقاتي بالغربه
وحده منهم كانت سنقل وومن زوجها انقبل بولايه ثانيه وهي قعدت ببولايتنا
تخيلي مسؤوله عن خمس اطفال
غير دراسه الدكتواره و البيت وغيره
والحمدلله تخرجت بالوقت واصلا كانت ميته ماتبغى ترجع من كثر ما هي حبت الغربه
وكل صديقاتي امهات وعندهم اطفال ويدرسوا ولا شغالات
عيالك بيدخلو احسن مدارس وبالمجان
فرصه فرصه ياروح غلطانه لو ضيعتيها
لو تصرفي دم قلبك هنا ماتلقي مدارس سنعه ابد ماتسوى مدرسه مجانيه برى
وعيالك في سن حرج وتاسيس اسسيهم برى صح
والغربه على صعوبتها بس لذيذه وسهالات مره
لدرجه لما رجعنا حنينا لها
عيالك بيتعلمون النظام و الترتيب
المواصلات سهله
اعقدي واعزمي وروحي
وقبلها استخيري

ومع زوتا
ماتتصورين وش كثر مشاكل واجهتني وقت الدراسه
طلاق مشاكل بالجامعه هنا بالبلد وقفولي على بعثي وماكانوا متعاونين
بس الحمدلله بفضل الله وتيسره خلصت بوقت قياسي وبمعدلل منتاز
يارب لك الحمد
سبحان الله ربي يسر و كل طالب علم يكون معه
انتي اخلصي النيه وتوكلي على الله وبتشوفي العجب

بازين العيشه برى بس
شكلي برافقك روح هههههه
اذا تبغي اي مساعده انا حاضره

ماشاء الله احس حمستيني أكمل دكتوراة ..تخرجت من الماسترز في الصيف والكل يشجعني اني أكمل دكتوراة خاصة ان راح يقبلوني بدون اختبارات لغة لأني قضيت سنوات هنا.. ولكني حسيت اني تعبت من الدراسه خاصة اني درست البكالوريوس والماجستير هنا في امريكا..وعيالي كانو في عمر صغير ولكن انتظموا في دراستهم وسجلتهم بعد في after school بحيث يخلصوا الدوام العادي ولكن يبقوا 3 ساعات تقريبا يلعبوا ويعملوا واجباتهم في نفس المدرسة بحيث يصير لي وقت اكثر اقضيه في المكتبه للبحث والمذاكرة..اعتقد الوضع راح يكون مريح بالنسبة لك خصوصاً اذا بدأو العيال المدارس هناك وانتظموا حتى زوجك شجعيه يدرس في معهد لغة ويحصل على شهادة لغة يستفيد منها في مجال عمله..وبالتوفيق لك..