مساء الخير اخواني واخواتي
أنا عضوة قديمة في المنتدى
لاعتبارات معينة اضطريت اسجل بمعرف جديد


كان عندي خلاف كبير مع زوجي
تركته وذهبت الى بيت اهلي
وقبل فترة قصيرة توظفت الحمدلله
هو بعد شهور حاول يرجعني ورفضت
توسطوا له اهله
وارسل رسائل وكلم مية مره
ماكنت ارد
بعد ضغط منه ونصايح اهلي
استخرت
وقررت ارجع له بشروط
جاء لعندي وسمع شروطي
وافق عليها كلها
هي قائمة طويلة
فيها تعهدات ومطالب
منها اني ابقى بعملي
ووافق
هذا الكلام قبل أيام
وانا طلبت وقت للرجعة
حتى ارتب اموري
قال اوكي


اليوم تحديدا كان عندي ضغط بالعمل
وكلمني وتعذرت بانشغالي
بعدها دقيت عليه المساء
لقيته يسولف طبيعي
وفجأة بدا بموال جديد
يقول هالوظيفة ماتناسبك مو مستواك
وانتي مؤهلك افضل واعلى
فلانة وعلانة وظايفهم احسن منك
رغم ان مؤهلاتهم اقل منك (ناس من اهله)
وكلام محبط وسلبي جدااا جدااا
انا دايركت ذكرته بالعروض اللي ضيعها علي
لما كان رافض اشتغل
وهو قال كان بامكانك تتمسكي فيها زي هذي!
قلت له طيب انتهينا وانت وافقت وخلاص
قال اكيد انا عند كلامي لكن مقهور عليك!

طبعا كلامه هذا نرفزني
لاني احمله مسؤولية احباطات كثيرة بحياتي
مارسها علي بفترات مضت
وجاي الحين يشفق علي
صحيح الراتب متواضع والوظيفة بسيطة
بس افضل من اني اجلس عاطلة صح؟


انا متوترة واماطل بالرجعة
وبنفس الوقت قلقانه بشكل عام
رغم وعوده وتطميناته
وانه تغير وصار انسان جديد الخ
بس مو مرتاحة
وشايله هم أمور كثيرة
يعني في خوف وقلق داخلي


هو يكلمني من وقت للثاني
وقايل لي بعطيك مهلة أسبوع ترتبي امورك
حتى يجي وياخذني للبيت
بس أتذكر الأمور اللي صارت بينا قبل الخلاف
واحس بضيقة بصدري
واخاف نرجع لدائرة المشاكل بعد عملي
رغم انه اكد لي بحضور اهلي موافقته
بس ما اعرف قلبي ناغزني


النقطة الأخيرة
وقت المشكلة كان يحول لي مبلغ ضعييف اخر شهرين
قلت له اني قمت بمصاريفي انا والأطفال
وان المبلغ اللي ارسله ماكان يغطي
قال انا اخذت رأي امي بالمبلغ اللي ارسله لكم
وهي قالت لي: كويس ترسل غيرك مايرسل شي!

زوجي كلام امه عنده شيء مقدس
وجملتها هذي كشفت لي أمور كثيرة
مع ذلك قلت له اللي فات فات
انا يهمني المستقبل
قال ابشري مالك الا اللي يرضيك
ومصروفك اللي تبيه بيجيك لعندك



طيب
انا ندمت بعدها
لاني ماطلبت منه يعوضني عن اللي دفعته
يعني بأثر رجعي
في الفترة اللي كنت ببيت اهلي
وكنت شقيانة مع نفسي واطفالي
هو ماعوضني عنها ماديا
وانا ماطلبت بصريح العبارة
واكتفيت بوعده المستقبلي
وهو يقول بعمل لك وافعل لك وادلعك الخ


ما ادري تفكيري ملخبط شوي
بس حبيت افضفض معكم عن مستجداتي

اختي الكريمة لانعرف ماهي مشكلتك الاساسية معه
لكن بما انك استخرتي واستشرتي وعندك اولاد لمي شمل عائلتك وانسي الماضي
بالامه وامواله
اهتمي بحالك وجهزي نفسك وادخلي بيتك متفاءلة بالمستقبل
والله يصلح شانك كله

عرفتك
الحمدالله ان الصلح تم
والحمدالله انك توظفتي
تمسكي في وضيفتك ولايحبطك كلامه
الوظيفه امان مستقبلي و برضو تنشغلين فيها عن مشاكلكم
بالنسبه للمصروف دامك ماطلبتي تعويض من البدايه فما احس حلوه الحين تغيرين كلامك
بس بطريقتك مستقبلا اخذي منه مصروف حلوو يكفيك انتي واولادك

هذي مشكلتي.. ابغى ادخل بيتي بتفاؤل
بس كلامه اليوم وترني
انتقاده لوظيفتي.. وكلامه عن دور امه السلبي بالخلاف

فعلا الوظيفة اشغلتني كثير الفترة الماضية
لدرجة وقفت شكوى ومتابعة لمشكلتي
لحد ما انحلت بأعجوبة

زوجي خصص لي مصروف شهري مجزي
يعني من بداية الشهر الجاي
وكنت راضية بموافقته
بس بعدين فكرت بالشهور الماضية
وحسيت انه المفروض يعوضني عنها
لاني شبه فلست بسبب المصاريف

دامك ما طلبتي يوم حطيتوا الشروط ماله داعي تطلبين الحين
وثانيا احنا ما نعرف مشكلتك
وصعب احكم لان ماشوف الا اندفاعيتك فقط
ثالثا تصدقين يا اختاه بعد حالة الملل الغريبة اللي جاتني صرت اشوف مشاكلكم هذه لا شيء😬
والله يصلح حالنا و حالكم و حال جميع المسلمين

حبيبتي الف الف مبروووك الرجوع ومليار مبارك الوظيفة وربي يجعلها خيرة ويعوضك عن الايام الماضية
بالنسبة لكلام زوجك عن الوظيفة ما تتنرفزي بالعكس خديها انو عرف قيمتك وقيمة قدراتك ولو بوقت مأخر
وممكن بالفعل مقهور عليكي لانك بتستاهلي الافضل ومش شفقان
فقوليلو الحق معك انت شفلي وظيفة مرتبة وعندها بترك هيدي و تعي معو بالكلام وانت الكسبانة
وما دام خصص لك مبلغ كل شهر وما حكيتوا بالأشهر الماضية اللي صرفتيها على الأولاد فما ترجعي تفتحي الموضوع الا اذا سألك كيف صرفتي
بطريقة غير مباشرة مع الأيام وبوقت كتير حلو اطلبي بقيمة اللي صرفتيهن هدية ذهب ويكون في مناسبة قوليله عاجبني هالعقد او هالطقم كتير بس يا ريت معي المبلغ كامل
وبالنسبة لوالدته ممكن عندها بيكفي هالمبلغ لانو انت من جيل وهي من جيل
فأكيد رح تختلف طريقة التفكير او الحسابات عنك
وبالنسبة لسماع زوجك من أمه دايما الولد بيشوف انو امه عندها خبرة وخاصة اذا مسألة بتخص النساء
فبيعتبر رأيها صح
والا ما كان قصده يقلل المبلغ
ارمي الماضي وراكي وابدئي من اول وجديد
وما تدققي على كل شي الا الشي اللي بيستاهل
وزوجك بدو وقت لينفذ كل الشروط لانو بيضل بشر وممكن يخطئ ويغضب وما في انسان بيقلب 360 درجة بسرعة بس بيتعلم من اخطاؤه وبيحاول يصلح منها بس بدها القصة وقت واعطاء الفرص
الله يسعدك ويسعد عيلتك دنيا وآخرة حبيبتي ويجعل كل ايامكم حلوة
دعواتي ترافقك

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

حبيبتي مشكورة عالكلام الحلو
دائما ايجابيه الله يسعدك


انا وقت الصلح ماكان همتني الماديات
رغم اني شرطت خادمه وامور معينه تنشرى
وهو قال اوكي
بس تذكرت تعبي وصرفي وركضي
وكيف هو ارتاح شهور من الصرف والمسؤوليه
وحسيت بندم انو ماطلبت منه تعويض عاللي راح

وحتى اكون صريحه اكثر
والدي قال لي شيلي التعويض المادي
كان له فكرة معينه كرجل
بس انا ماقدرت اشيلها من خاطري
وعامله حاجز بيني وبين زوجي


وساعه اقول المفروض كانت شروطي اكبر
لاني زعلت من ضرب ومد يد مو شي بسيط
وهالشعور جاني بعد الصلح


النقطه الثانية
هو كان يرفض تماما اركب مع سواقين مجهولين
وشرطت انه مايمنعني استعين بسائق
ووافق صحيح
بس اليوم يتحلطم
ويقول والله خايف عليك الخ الخ
يعني يوافق ويرجع يزن
ماحبيت كذا
بس سكته بهدوء.. انك انت وافقت وخلصنا


انا بلغته انو قلبي مقبوض وخايفه ارجع
قال لي صراحة حتى انا قلق وخايف
ونصحني نتجاوز كل شي ونفتح صفحة جديدة

امين

كم لكم من طلاقك

__________________
اللهم احفظ لي بنتي فهي فرحة عمري وضحكة سنيني ..