السلام عليكم اختي كتبت رد طويل وللاسف انمحة كله راح احاول اعيد الي كتبته
اولا لازم نوضح ان اسلوب زوجك تعيس في التعامل والي يسويه خطأ في خطأ وامر مرفوض تماما ولو هو الي كاتب موضوعك كان لمناه لوم شديد لان صراحة الضرب شي مخزي ويقلل من رجولة وشهامة الزوج بس بما انه زوجك مو موجود فمضطرين ان نجد حل لمشاكلكم عن طريقك انت

انت يا عزيزتي طبعك مو سهل جدا وفيج قوة غير محببه ان تكون من صفاة النساء .... خلي نبتدي بأهلك يا اختي هذول سندك و قوتك حسني علاقتك بهم تقولين يتشمتون ليش يتشمتون ان كانت علاقتك بهم خاليه من المشاكل بس يبدو انك نديه معهم فيقولون لك ان زوجك يعامل كذا مو من شوي هدي اللعب و تنازلي من كرامتك من اجل والديك
اما زوجك بما انك خبرتي عليه الشرطة فصراحة ماعرف شلون للحين انت عنده الوحدة الي تخبر الشرطة عن ضرب زوجها لها ما ترجع بكل قوة لبيتها معه لا وبعد تستغرب انه مبوز اكيد يبوز وهو انفضح هل فضيحة خليني أأكدلك انا مو لايمتك على اخبار الشرطة بس هذه الخطوة تستخدم في نهاية العلاقه الزوجية مو تخبرين الشرطة وتردين معاه البيت !!!! اما القصة الي ذكرتيها عن زعلك و نومك في غرفة اخرى فصراحة دليل ثاني على قوتك ونديتك بالتعامل من شوي تقولين ما تدخلت لمساعدة ولدي وهو يطكه اخاف يتمشكل معي وما خفتي وانت كاعدة تصلين وهو يطك عل باب ويعصب وانت معنده ما تفتحين الباب؟؟؟؟ وبعدين الصلاة صلاة فجر يعني ركعتين وهو يطك بلباب الى ان كسره وانت تصلين؟؟؟ يعني صراحة ما تدش العقل ابدا يعني كسر الباب عل اقل استغرق من 10 الى 15 دقيقة .... يا اختي انت علاقاتك تبدو مع الحواليك علاقة نديه وكرامة و قوة وهذه الصفات تغرق سفينة اي علاقة وتنرفز الزوج وتخليه يخرج من طوره .... جربي انج تسكتين تعطيه اذن من طين والثانيه من عجين ولا تخليه يصل لمرحلة فقد اعصابه .... مثلا حادثة صلاة الفجر يدق عليج الباب تفتحيه وبملابس الصلاة تقوليله راح اصلي بدون ابتسامة و برسميه ويادار ما دخلك شر

ارجع واقول زوجك غلطان والضرب مرفووووووض

والله يا أختي مدري وش اقلك لكن الشيخ ماقدامه حلول لوضعك غير الالتجاء لرب العالمين والدعاء .
نصيحتي لك لا تستكين على ظربه واهانته ابدا لأن الرجل يكره المرأة الي ترضى بالذل والاهانة
انتي انسانه مكرمة وخلقك رب العالمين عزيزة فحافظي على مكانتك التي ارتضاها لك الله سبحانه وتعالى لو اضطريتي تبلغين الشرطة او اي جهة تختص بالعنف الأسري وتواصلي معاهم والله ينصرك وياخذ بيدك ويلطف فيك يارب العالمين
وزوجك لازم وضروري يتعالج يحتاج جلسات علاج نفسي

__________________
تَلَوْا باطِلاً، وجلَوْا صارِماً، وقالوا: صدَقنا! فقلتم: نعَم!

مدري اذا انتي خلطتي بين المواقف اللي حصلت لي !!
بس أحب أقولك ان كل موقف حصل فيه فترات متباعدة مثلا لما لما رحت انام بغرفة ثانيه هذا الموقف حصل لي قبل سنه !! و ولدي لما ضربه يمكن قبل شهرين ..
وبعدين الوحده اذا ضربها زوجها وراحت نامت بغرفة ثانيه ؟؟ هذا دليل ع القوة ؟
انا صراحه ما اشوف كذا ؟؟ وغير كذا موضوع اني ماحب امي و اخويه يتشمتوا فيني ذا الشيء أقوله مو من فراغ لانو امي فعلا كذا مره لما ذكرت لها موقف زعل بيني وبين زوجي وحصل انها زعلت مني قامت جابت الموقف واتشمتت فيني واظن مافي احد يحب الشماته والتجريح ؟!! وأما عن سالفة الشرطه صح كلامك انا لو خليتهم يأخذونه القسم ويعهدونه ماعاد يضربني او اخليهم يدخلونه السجن ومايخرجونه الا بتعويض مادي هنا أقولك صح ؟؟ هذا الشيء مايصير الا نهاية العلاقة وتكون الوحده بايعتها اما انا قلت الشرطه يكلمونه وينصحونه ويقولون له لا عاد تضرب زوجتك ومايخذونه لقسم الشرطه ؟؟ فأحس ذا الشيء عادي

وسالفة كسر الباب والله العظيم انه كسر الباب برجله لان الباب ضعيف يمكن بدقيقتين !!!
وصح كلامك لو فتحت الباب وقلت طيب بصلي كان ماسوى فيني كذا لكن انا حره بنفسي ؟؟ ايش له فيني هو ؟
بالليل ضربني ع وجهي وانا رحت غرفة ثانيه عشان انام وعشان ما اشوف وجهه ويجي يناحلني الصباح ويصرخ عشان أقوم افتح الباب واصلي ؟؟ وإذا مافتحت يجي يسوي فيني كذا ؟؟


انا اصلا من بعد ذاك الموقف صار لما يدق الباب افك حتى لو زعلانين إفك ع طول تجنبا للمشاكل مع الفرعون الطاغيه

مدري قلت لانه زوجي تلميذ عنده وهو شيخه وينصحه ويوجهه وزوجي يكن له محبه كبيرة قلت أقوله ويصير لما يقابله ينصحه يمكن يحس ع قلبه اكثر .....

انا بحاول بعدين أكلمه وأقوله بخصوص العلاج النفسي
وعشان نفسي وعشان أولادي مره ثانيه ماراح اسكت له خلاص لين هنا وبس
واميييين يارب ربي يسعدك دنيا وآخره ....

أمس بالليل طاح الزعل اللي براسه وصار يتكلم معايا عادي ويضحك ونا ماارد عليه غير بكلمه او كلمتين ..

ما في داعي للحلف زوجك عصبي واسلوبه غلط في غلط .... بس انت كاتبه الموضوع لانك تبحثي عن حل.... وبعدين انا ماقلت انج قوية يوم دخلتي وقفلتي الباب قلت لج قوية لان تعرفين زوجك يضرب وبلرغم من ذلك ما فتحتي له الباب .... والحمد لله شكلك عرفتي ان هذا الشي يستفزه ولم تعودي له مرة ثانيه

بلنسبه لي ارى ان مالك حل غير اهلك يتدخلون ويوقفون مدة اليد عليك وان كنت خايفه من "شماتتهم" مالج غير انت تغيرين طريقتج وتحاولي تمتصين غضب زوجك