السلام عليكم ورحمة الله وبركاته
كيف الحال اخواني واخواتي الكرام
انه موضوع طارئ أحببت انا وزوجي أن نأخذ رأيكم به
كنا البارحة في زيارتين واحدة لأقرباء زوجي والثانية مع أصدقائه
في الزيارة الأولى كانت في بيت أقاربه جلسنا معهم وتحاورنا ولعبنا لعبة ذكاء. وفي خلال الجلسة صارت بنت قريبه الصغيرة تبين لنا كل ما هو جديد من أغراضها واشيائها ونحن نندهش لها ونبارك لها. وكذلك تبين كل مهاراتها وتكشف شخصيتها القوية.
أما الزيارة الثانية كانت مفروض تكون ببيت أصحابه لكن صارت بالقهوة وصار في تجمع لأصحاب أصحابه كمان. أصحاب أصحابه كان منهم بنتين واحدة متبرجة معطرة حتى زوجي شم ريحتها عن بعد وواحدة مصروعة ماشية على الموضة الغربية الرهيبة. كانت الجلسة مختلطة مع بنات وشباب وكانت بوقت متأخر قريب نص ليل. وخلال الجلسة كان يدور الكلام بين البنات والشباب ويصير تنكيت وضحك بصوت عالي وجو انا ما قدرت أعيش فيه، الأمر اللي خلاني احكي زوجي انو نمشي ونروح لكن زوجي قال لا نجلس شوي منمشي. المهم مشينا.
ونحن في الطريق إلى المنزل صرنا نحكي عن جلسة القهوة وقلت له ما بقدر أتقبل نفسي بهذه الأجواء فقال زوجي شأنك ما تتعايشي مع العالم والناس واكتفى. ثم فتح موضوع بنت أقاربه الصغيرة وبدأ يحكي سلبيا على ما فعلت من شوفة حال على ما تملك وبدها تفرجينا على كل شي و كيف رح تصير بس تكبر وتشوف حالها باغراضها أمام العالم والناس. الأمر اللي زعجني ليش عم يحكي عن البنت بسلبية وهي لسا صغيرة وجاوبته بانو انت نفس الشي الآن بتحب تشوف حالك بكل شي عندك ولما يجي عالم وناس بتخليهن يشوفو كل شي جديد عندك. فانفعل وبدأ يستخدم كلمات حيوانية ضدي وما عجبه ردي وانا لم اختلق شيء فيه بل هو فعلا عنده إياها.
بعدها رد برد رهيب وذكر الجلسة في القهوة وقال انت عاهرة مثلك مثل البنت المتبرجة المتعطرة اللي ما قدرتي تقعدي معها وكرمال هيك ما قدرت تتعايشي بجوها لأنك مثلها.
هو الآن يعتبر أسلوبي دفش معه وانا لا أعتبره كذلك لانني اقول حقيقة فيه فماذا رأيكم في مثل هذا الحدث؟
وللأسف أسلوبه وكلامه على طول يستخدم فيه الألفاظ ال----والبشعة اللاأخلاقية. ويتهم أسلوبي بالدفش ويتحجج باسلوبه انه ردة فعل على كلامي وليس عليه أي حق.