السلام عليكم
اريد منكم مساعدتي
ابني فداء عمره سبع سنين
انطوائي لا يريد اللعب مع
أولاد أعمامه و يفضل اللعب
بالأيباد مع العلم أنه لايلعب
به سوى ساعة و لا يبغى
يروح المدرسة بس يحب
يتشارك مع الاطفال ألعابه
و حلوياته بس هو ما يبغى
يحتك بهم و يحب يلبي
كل أوامري و أوامر أبوه
بس في
المدرسة كذه لا يشارك
بحصة و لايتكلم مع أستاذه
و لا يتشارك مع زملائه
في الأنشطة المدرسية.
و انا تعبت معاه حاولت
أخليه يلعب مع أولاد خواله
و حاولوا معه المدرسين
في المدرسة يلعب مع زملائه
و أبوه حاول يخرجه معه
في المشاوير الصغيرة
مثلا بروح البقالة يقول له
بشتري لك كل شي بس تعال.
و إذا بروح المسجد يقوله تعال معي
و بعطيك عشريين ريال
و عشان ما يروح مع أبوه
يروح و يقفل على نفسه في المجلس
إلين يخرج أبوه من البيت و حاول ابوه
معه يلعب مع أولاد أعمامه
بس كلها انتهت بالفشل و
يبكي إذا رحنا المناسبات زي الزواجات
و إذا رحت عند أهلي أو رحت
عند أهل زوجي بس جالس جنبي
و حتى اذا زاروني إخواني و خواتي
و أخوات زوجي يروح و يقفل على
نفسه في غرفته إلين يروحون
و إذا قلت له بنخرج اليوم
يجلس يبكي و لا يلبس إلا بعد طلعت
الروح و كم مرة شجعته بالشكولاته
و الفلوس و الألعاب لكن ما نفع معه.
ابني كان اجتماعي قبل مايدخل المدرسة
وبعد مادخل المدرسة تغير فداء كثير.
ساعدوني أرجوكم و لكم جزيل الشكر